Еремей 51:28 - Коми Библия 2023

²⁸ Дасьтӧй войтыръясӧс уськӧдчыны Вавилон вылӧ, дасьтӧй мидияса ӧксыясӧс, ыджыдалысьясӧс да юралысьясӧс, дасьтӧй налӧн киподувса муясын олысьясӧс.

Еремей 51:28 Referans Kwoze

Еремей 51:11

– Ёсьтӧй ньӧвъяснытӧ, тыртӧй наӧн ньӧвпуртӧснытӧ. Господь ышӧдіс мидияса ӧксыясӧс тыш вылӧ, ӧд Сійӧ шуис бырӧдны Вавилон. Господь водзӧс перйӧ Вавилонлысь, водзӧс перйӧ Аслас крамыс вӧсна.

Даниил 9:1

Мидияса Дарийӧс, Ахашверошлысь писӧ, вӧлі пуктӧма ӧксыӧ Калдея муын.

Даниил 8:20

Тэныд петкӧдлӧм кык сюра межыс – тайӧ мидияса да персияса ӧксыяс.

Даниил 6:8

Сідзкӧ, ӧксыӧй, сет да кырымав сэтшӧм тшӧктӧм, мый мидияса да персияса индӧдӧс моз сійӧс оз позь вежны-бырӧдны».

Еремей 51:27

Лэптӧй дӧрапасъяс му пасьталаыс, буксӧй буксанӧн войтыръяс пӧвстын, дасьтӧй войтыръясӧс уськӧдчыны Вавилон вылӧ, чуксалӧй сылы паныд Арарат муын олысьясӧс, чуксалӧй Минни да Аскеназ муясын олысьясӧс, индӧй сылы паныд тышкайӧзӧн веськӧдлысьӧс, чукӧртӧй вӧвъясӧс повзьӧдчана саранча мында.

Еремей 25:25

юктӧді Зимриысь, Эламысь да Мидияысь ӧксыясӧс,

Исай 21:2

сувтіс менам син водзӧ Енсянь повзьӧдана петкӧдчылӧм: ылӧдчысь ылӧдлӧ, бырӧдысь бырӧдӧ. Элам, уськӧдчы на вылӧ! Мидия, кытшав найӧс! Ӧні став ойзӧмыслы Ме пукта пом.

Исай 13:17

Ме кыпӧда налы паныд Мидия войтырӧс, коді нинӧмӧ пуктӧ зарни, оз донъяв эзысь.

Эсфир 10:2

Ӧксылӧн ыджыд да вына уджъяс йылысь да сы йылысь, кыдзи сійӧ вылӧ кыпӧдіс Мардокейӧс, гижӧма мидияса да персияса ӧксыяслӧн каднебӧгӧ.

Эсфир 1:3

Коймӧд веськӧдлан воӧ став аслас юралысь-веськӧдлысьыслы ӧксы лӧсьӧдіс гаж. Сэтчӧ локтісны Персия да Мидия муясысь тышкайӧзӧн веськӧдлысьяс да ӧксыув муясӧн юралысьяс.

1 Каднебӧг 1:5

Яфетлӧн вӧліны Гомер, Магог, Мадай, Яван, [Элис,] Тувал, Мешек да Фирас пиян.

Олӧм 10:2

Яфетлӧн вӧліны Гомер, Магог, Мадай, Яван, [Элис,] Тувал, Мешек да Фирас пиян.

Еремей 25:14

Вавилонсаяслы ковмас кесъявны вына войтыръяслы да ыджыд ӧксыяслы. Тадзи Ме мынтыся налы лёк вӧчӧмсьыныс».

Еремей 50:41

Войвывсянь локтӧны тышкайӧз, му помсянь ӧксыяскӧд локтӧ уна лыда войтыр.

Еремей 51:29

Муыс дзӧрӧ-тіралӧ, ӧд Вавилон йылысь Господьлӧн шуӧмыс инӧ, Господь вӧчӧ Вавилонӧс овтӧминӧн, кӧні олысьыс оз ло.

Даниил 6:1

Дарий ӧксылы воис сьӧлӧм вылас кӧсйӧм индыны сё кызь сатрапӧс, кодъяс кутасны веськӧдлыны сылӧн муӧн.