Еремей 51:22 - Коми Библия 2023

²² Тэӧн Ме пасьвартлі айловӧс и аньӧс, пӧрысьӧс и томӧс, зонмӧс и нылӧс.

Еремей 51:22 Referans Kwoze

2 Каднебӧг 36:17

Господь мӧдӧдіс калдеяса ӧксыӧс, медым сійӧ уськӧдчис Иуда войтыр вылӧ да виис шыпуртӧн вежа крамын налысь зонъяссӧ. Господь эз жалит [Седекейӧс,] зонъясӧс, нывъясӧс, пӧрысь да олӧма йӧзӧс, Сійӧ ставнысӧ сетіс калдеяса ӧксы киӧ.

Исай 13:18

Том зонъясӧс найӧ лыйласны ньӧввужйысь, кагаясӧс найӧ оз жалитны, челядь дінӧ оз бурсьӧлӧмтчыны.

Езекиль 9:6

Виалӧй пӧрысьясӧс и ныв-зонмӧс, челядьӧс и аньясӧс. Бырӧдӧй ставнысӧ, но найӧс, кодлӧн эм пас, энӧ вӧрӧдӧй. Босьтчӧй виавны Менам вежаинсянь». Медводз найӧ виисны крам водзын сулалысь юрнуӧдысьясӧс.

Ӧксыяслӧн 1 небӧг 15:3

Ӧні мун да пасьварт амаликъясӧс [да ерим войтырӧс]. Бырӧд ставсӧ, мый налӧн эм. [Эн босьт аслыд нинӧм, но бырӧд ставсӧ да сет ёрӧм улӧ.] Эн жалит найӧс, виав айуловӧс и аньясӧс, челядьӧс и пузчужӧм кагаясӧс. Виав тшӧтш налысь ӧшъяссӧ, ыжъяссӧ, верблюдъяссӧ да осёлъяссӧ”».

Бӧрданкыв 2:11

Синмӧй пемдіс бӧрдӧмсьыс, пытшкӧсӧй шызьӧма, сьӧлӧмӧй потӧ шогысла, ӧд менсьым войтырӧс бырӧдӧма, челядь да пузчужӧм кагаяс тшыгйысла кулӧны карса изэрдъяс вылын.

Еремей 6:11

Та вӧсна ме тырӧма Господьлӧн скӧрлунӧн, ас пытшкам ог вермы кутны сійӧс. Господьӧй, кисьт скӧрлунтӧ туй вылын ветлӧдлысь челядь вылӧ, чукӧртчӧм зонъяс вылӧ. Айуловӧс да аньясӧс нуӧдасны пленӧ, нуӧдасны тшӧтш пӧрысь да олӧма йӧзӧс.

Исай 13:16

Налысь кагаяссӧ пасьвартасны налӧн син водзын, керкаяссӧ куштасны, гӧтыръяссӧ мырдӧналасны.

Индӧд 32:25

Коді лоӧ ывлаын, кулас шыпурт помысь, коді лоӧ гортас, весьӧпӧрас. Виӧма лоӧ ныв-зонмӧс, пузчужӧм кагаӧс и дзор юраӧс.

Исай 20:4

Тадзи ассурса ӧксы нуӧдас Египетысь да Эфиопияысь пленӧ босьтӧмаясӧс. Томъясӧс и пӧрысьясӧс нуӧдасны дзик пасьтӧг-кӧмтӧг, медым янӧдны Египетӧс.

Исай 13:15

Кодӧс суӧдасны – сійӧс бытшкасны, кодӧс вӧтӧдасны – сійӧс шыпуртӧн виасны.

Еремей 44:7

Ӧні Господь Ен Саваоф, Израильлӧн Ен, тадзи висьталӧ: ті аслыныд паныд вӧчанныд тайӧ ыджыд лёкторсӧ – бырӧданныд Иуда войтырысь айуловӧс да аньясӧс, челядьӧс да пузчужӧм кагаясӧс. Тадзи тіян пӧвстысь некод ловйӧн оз коль.

Еремей 50:37

Шыпурт кыпӧдӧма вавилонса вӧвъяс да тарантасъяс весьтӧ, йӧз муысь локтӧм шыпуртаяс весьтӧ, и найӧ аньяс моз повзясны. Шыпурт кыпӧдӧма вавилонсаяслӧн озырлун весьтӧ, и найӧс лоӧ куштӧма.

Еремей 51:23

Тэӧн Ме пасьвартлі ыж-мӧскӧс да найӧс видзысьяссӧ, му вӧдитысьӧс и сылысь уджалан ӧшъяссӧ, ыджыдалысьясӧс и юралысьясӧс.

Бӧрданкыв 2:21

Челядьлӧн и пӧрысьлӧн шойныс туплясьӧ туйяс вылын, менсьым ныв-зонмӧс шыпурт бырӧдіс. Тэ виалін найӧс Аслад скӧралан лунӧ, жалиттӧг начкин найӧс.