Еремей 51:20 - Коми Библия 2023

²⁰ – Вавилон, тэ – Менам мӧлӧтӧй, Менам тышкасянторйӧй, тэӧн Ме пасьвартлі войтыръясӧс, тэӧн пазӧдлі муяс.

Еремей 51:20 Referans Kwoze

Микей 4:13

Чеччы вартнытӧ, Сион нылӧй! Тэнсьыд сюртӧ Ме вӧча кӧртысь, кок гыжтӧ – ыргӧнысь. Войтыръясӧс тэ пасьвартан, налысь эмбурсӧ Господьлы сиан, налысь озырлунсӧ став муӧн Ыджыдалысьлы торйӧдан.

Исай 37:26

Но тэ ӧмӧй эн кывлы, мый ставсӧ тайӧс Ме важысянь нин дасьті? Ме водзысяньыс мӧвпышті та йылысь, а ӧні збыльмӧді тайӧс тэ пыр – тэ пазӧдін зумыд каръяс, найӧ лоины из чукӧръясӧн.

Матвей 22:7

Ӧксы кывлас та йылысь да ёна скӧрмас. Сійӧ мӧдӧдас ассьыс тышкайӧзсӧ вины морт виысьясӧс, а карсӧ тшӧктас сотны.

Еремей 50:23

Став мусӧ пазӧдысь мӧлӧтӧс жугӧдӧма-чегӧма! Вавилон лои повзьӧдчанторйӧн войтыръяс пӧвстын.

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Исай 10:5

Курыд шог Ассурлы, Менам скӧралан бедьлы. Сы киын орсыс – Менам лӧглунӧй.

Еремей 25:11

Тайӧ муыс ставнас лоӧ овтӧминӧн да повзьӧдчанторйӧн. Татчӧс войтыръяс кутасны кесъявны вавилонса ӧксылы сизимдас во чӧж.

Исай 10:15

Чер ӧмӧй ошйысьӧ чернас керасьысь водзын? Пила ӧмӧй ошйысьӧ пилитчысь водзын? Бедь ӧмӧй шенасьӧ мортӧн, коді сійӧс киас кутӧ? Бедь ӧмӧй лэптӧ мортӧс, кодӧс абу пуысь вӧчӧма?

Исай 13:5

Ылі муысь, енэжтас сайысь, локтӧны Господь да Сылӧн скӧрлуна вермасянторъясыс, медым пазӧдны ставнас мусӧ.

Исай 8:9

Дзӧрӧй-тіралӧй, войтыръяс! Сюся кывзӧй, ылі муын олысьяс! Дасьтысьӧй тыш кежлӧ, но полӧй-тіралӧй! Дасьтысьӧй тыш кежлӧ, но полӧй-тіралӧй!

Исай 45:1

Господь тадзи висьталӧ Кирлы, Аслас мавтыштӧмалы: – Ме кута тэнӧ веськыд киӧдыд, сета тэнад киӧ войтыръясӧс, тэнад кипод улӧ – ӧксыясӧс, тэ водзвылын восьта ӧдзӧсъяс, ог лэдз пӧдлавны дзиръяяс.

Езекиль 21:31

Ме кисьта тэ вылӧ Ассьым скӧрлунӧс, пӧльышта тэ вылӧ Ассьым ярлуна биӧс. Ме сета тэнӧ чорыд йӧзлы, скӧр виысьяслӧн киӧ.

Микей 4:12

Но найӧ оз тӧдны Господьлысь мӧвпъяссӧ, оз гӧгӧрвоны Сылысь кӧсйӧмсӧ, мый Сійӧ чукӧртіс найӧс гумла вылӧ кольтаясӧс моз.

Наум 2:1

Ниневия кар, тэныд паныд кыпӧдчӧ жугӧдысь-пазӧдысь. Видз изкартӧ да туйтӧ, дасьтысь тыш кежлӧ, ёнмӧд асьтӧ!

Закар 10:4

Иуда чужанкотырысь сувтас пельӧс изйыс, сысянь кыпӧдчас чом зэвтан майӧгыс, сысянь петас тышкасян ньӧввужйыс, сысянь петасны юралысьяс.

Езекиль 21:11

Шыпуртсӧ сетӧма, медым весавны сійӧс да киӧ босьтны. Сійӧс лэчтӧма-весалӧма, медым морт виысьлы кабырас пуктыны.