Еремей 50:44 - Коми Библия 2023

⁴⁴ Йӧрдан юдорса вӧрысь веж йирсянінӧ петысь лев моз Ме виччысьтӧг вӧтла вавилонсаясӧс асланыс муысь. Ме пукта налы юралысьӧ сійӧс, кодӧс Ме бӧръя. Эм-ӧ кодкӧ Ме кодьыс? Коді вермас тшӧктыны Менӧ вочавидзны ёрд водзын? Сюрас ӧмӧй сэтшӧм юралысь, коді вермас Меным паныд кыпӧдчыны?

Еремей 50:44 Referans Kwoze

Исай 46:11

Асыввывсянь Ме чукӧсті варышӧс, ылі муысь Ме чукӧсті сійӧс, коді збыльмӧдас Менсьым мӧвпыштӧмӧс. Ме шуи, и вӧча тайӧс, Ме мӧвпышті, и вайӧда помӧдз.

Исай 46:9

Казьтыштӧй, мый вӧлі водзынджык, му пуксьӧмсяньыс. Ме – Енмыс, и мӧдыс абу, Ме – Енмыс, и Ме кодь мӧдыс абу.

Исай 43:10

Ті ӧд тӧданныд, мый Ме – Енмыс, – висьталӧ Господь. – Тэ, Израиль, Менам кесйӧгӧй, Ме бӧрйи тэнӧ, медым ті тӧдінныд Менӧ да эскинныд Меным, медым ті гӧгӧрвоинныд, коді Ме. Меӧдз эз вӧв енмыс, и Ме бӧрти оз ло.

Исай 41:25

Войвывсянь Ме вайӧді мортӧс, и сійӧ локтіс. Асыввывсянь сійӧ чукӧстіс Менсьым нимӧс. Сійӧ талялӧ юралысьясӧс нюйтӧс моз, кыдзи гырнич вӧчысь талялӧ сёй.

Исай 40:25

Кодкӧд ті ӧткодяланныд Менӧ, эм-ӧ кодкӧ Ме кодьыс, – юалӧ вежа Ен.

Псалтыр 89:6

Тэ кылӧдан йӧзӧс ытваӧн моз, налӧн олӧмыс вӧт кодь дженьыд, найӧ вежӧдысь турун кодьӧсь, асывнас сійӧ чепӧсйӧ-быдмӧ, а рытнас нярмӧ-косьмӧ.

Петӧм 15:11

Господьӧй, енъяс пӧвстын Тэ кодьыс абу! Тэ кодь мӧдыс абу! Аслад вежалуннад Тэ нималан, Тэ – повзьӧдана да ошкана, вӧчан шензьӧданаторъяс.

Еремей 25:38

Кыйӧдчанінысь мунысь лев моз Господь эновтіс Иуда войтырлысь мусӧ. Сылӧн яр скӧрлунысь да ыпъялан лӧглунысь налӧн муыс лои овтӧминӧн».

Исай 40:18

Кодкӧд ті ӧткодяланныд Енсӧ, аддзанныд-ӧ нӧшта Сы коддьӧмсӧ?

Псалтыр 89:8

Тэ тӧдан миянлысь лёк вӧчӧмнымӧс, Тэ аддзан миянлысь гуся мыжъяснымӧс.

Лыд 16:5

Сэсся Корейлы да сылӧн йӧзыслы шуис: «Аски Господь петкӧдлас, коді вежа, коді Сылӧн, да кодлы Сійӧ лэдзӧ матыстчыны Ас дінас. Кодӧс Господь бӧръяс, сійӧс и лэдзас матыстчыны Ас дінас.

Еремей 12:5

– Еремей, тэ кӧ мудзан подӧн мунысьяскӧд восьлалігӧн, кыдзи тэныд панласьны вӧвъяскӧд? Тэ кӧ крукасьлан-усьласян шыльыд му вывті восьлалігӧн, мый лоӧ тэкӧд Йӧрдан ю ойдігӧн?

Еремей 30:21

Налӧн ыджыдыс лоӧ на пиысь, налӧн юралысьыс лоӧ на пӧвстысь. Сійӧ матыстчас Ме дінӧ, ӧд Ме матыста сійӧс Ас дінӧ. Коді нӧ ас кӧсйӧм сертиыс лысьтас матыстчыны Ме дінӧ? – висьталӧ Господь. –

Еремей 50:15

Быд боксянь горзӧмӧн уськӧдчӧй Вавилон вылӧ! Вавилон сетчӧ, башняясыс усьӧны, стенъяссӧ жуглӧны, ӧд Господь водзӧс перйӧ сылысь. Водзӧс перйӧй! Вӧчӧй сылы сійӧ жӧ, мый сійӧ вӧчис.

Закар 11:3

Кылӧ ыж видзысьяслӧн бӧрдӧм, ӧд налысь йирсянінъяссӧ бырӧдӧма. Кылӧ левъяслӧн равзӧм, ӧд Йӧрдан ю бокысь вӧрсӧ куштӧма.

Исай 48:14

Чукӧртчӧй ставныд да кывзӧй! Коді на пӧвстысь водзвыв висьталіс та йылысь? Господь радейтӧ сійӧ мортсӧ, коді збыльмӧдас Господьлысь кӧсйӧмсӧ Вавилон йылысь, петкӧдлас Сылысь вынсӧ калдея войтыр вылын.