Еремей 5:9 - Коми Библия 2023

⁹ Таысь ӧмӧй Ме ог мыжды найӧс? – висьталӧ Господь. – Ог ӧмӧй водзӧс перйы тадзи вӧчысь войтырлысь?

Еремей 5:9 Referans Kwoze

Еремей 9:9

Таысь ӧмӧй Ме ог мыжды найӧс? – висьталӧ Господь. – Ог ӧмӧй водзӧс перйы тадзи вӧчысь войтырлысь?

Еремей 5:29

Таысь ӧмӧй Ме ог мыжды найӧс? – висьталӧ Господь. – Ог ӧмӧй водзӧс перйы тадзи вӧчысь войтырлысь?

Наум 1:2

Господь – вежӧгтысь Ен, Сійӧ – водзӧс перйысь Ен. Господь водзӧс перйӧ, Сійӧ тырӧма скӧрлунӧн. Господь мынтысьӧ Сійӧс мустӧмтысьяслы, Сійӧ дугдывтӧг скӧралӧ паныд сувтысьяс вылӧ.

Осий 8:13

Сійӧ висьяс вайӧ, сэсся яйсӧ сёйӧ, но Господьлы тайӧ висьясыс абу шогманаӧсь. Господь казьтыштас Ефремлысь лёк вӧчӧмсӧ да мыждас сійӧс мыжъяссьыс, сэки сылы бӧр ковмас мунны Египетӧ.

Осий 2:13

Ме мыжда сійӧс лунъясысь, кор сійӧ вись сотліс Ваал идолъяслы, мичмӧдліс асьсӧ исергаясӧн да сикӧтшъясӧн, ветліс аслас мусукъяс бӧрся, а Менӧ вунӧдіс, – висьталӧ Господь.

Езекиль 7:9

Ме ог жалит тіянӧс, ог бурсьӧлӧмтчы тіян дінӧ. Ме мынтыся тіянлы олан туйныд серти, зывӧк вӧчӧмсьыныд ті кывкутанныд. Сэки ті тӧдмаланныд, мый Ме – мыждысь Господь.

Бӧрданкыв 4:22

Сион нылӧй, тэнӧ мыждӧмлы воис пом, Господь оз нин вӧтлы тэнӧ аслад муысь. А тэнӧ, эдом войтыр, Сійӧ мыждас, став тэнсьыд мыжъястӧ эрдӧдас.

Еремей 44:22

Господь эз нин вермы терпитны тіянлысь лёк да зывӧк вӧчӧмнытӧ. Та вӧсна тіян муныд лои овтӧминӧн да повзьӧдчанторйӧн, сійӧс ёрӧма, и ӧні олысьыс сэні абу.

Еремей 23:2

Та вӧсна Ме, Господь, Израильлӧн Ен, тадзи висьтала Менсьым войтырӧс видзысьяслы: ті разӧдінныд-вӧтлінныд Менсьым ыжъясӧс, энӧ тӧждысьӧй на вӧсна. Ӧні Ме мыжда тіянӧс лёк вӧчӧмъясныд вӧсна, – висьталӧ Господь.

Исай 1:24

Вӧрӧгъясӧс Ме верма, паныд сувтысьяслысь Ме водзӧс перъя, – висьталӧ Ыджыдыс, Господь Саваоф, Израильлӧн вына Ен.

Индӧд 32:43

[Нимкодясьӧй, енэжъяс, Господькӧд ӧтвылысь, Енлӧн став анделыс, копыртчылӧй Сылы!] Нимкодясьӧй, войтыръяс, Сылӧн войтыркӧд [ёнмӧдчӧй, Енлӧн пиян]! Сійӧ водзӧс перъяс Сылы паныд сувтысьяслысь, мынтысяс налы Аслас кесъялысьяслысь вирсӧ кисьтӧмысь [мынтысяс Сійӧс мустӧмтысьяслы]. Господь сӧстӧммӧдас Ассьыс мусӧ, вештас войтырыслысь мыжсӧ.

Индӧд 32:35

Ме мынтыся, Ме перъя водзӧссӧ сійӧ лунӧ, кор налӧн кокныс лигышмунас. Ӧд найӧс бырӧдан луныс матын, регыд збыльмас налы дасьтӧмаыс.

Левит 26:25

Йитӧд торкӧмысь Ме вайӧда тіян вылӧ вӧрӧгӧс. Татшӧм ногӧн тіянлысь водзӧс перъя. Дзебсянныд кӧ асланыд каръясӧ, Ме мӧдӧда тіян вылӧ пӧрӧс висьӧм, сета тіянӧс вӧрӧг киӧ.

Исай 57:6

Шорбокса шыльыд изъяс – тэнад олӧмыдлӧн пайыс да шудыс. Тэ кисьтан на вылӧ вина вись, вись пыдди ваян налы нянь. Менам сьӧлӧмӧй ӧмӧй лэптас тайӧс?

Еремей 5:10

– Мунӧй виноград йӧръясӧ да пазӧдӧй найӧс, но энӧ дзикӧдз. Кералӧй вожъяссӧ, ӧд найӧ абу Господьлӧн.

Еремей 32:31

Тайӧ карсӧ лэптӧмсянь да ӧніӧдз сэні олысьяс скӧрмӧдісны-дӧзмӧдісны Менӧ. Та вӧсна Ме ӧтдорта тайӧ карсӧ

Бӧрданкыв 3:42

Ми мыж вӧчим, Тэныд паныд кыпӧдчим, и Тэ миянӧс эн прӧстит.

Левит 18:25

На вӧсна муыс пежасис. Ме мыжді мусӧ сэні олысьяслӧн мыжныс вӧсна, и муыс быликтіс найӧс.

Шусьӧгъяс 6:29

Тадзи лоӧ сыкӧд, коді ветлӧ йӧз гӧтыр дінӧ, мыждытӧг оз коль сійӧ, коді инмӧдчӧ мӧдлӧн гӧтыр дінӧ.

Еремей 6:6

Ӧд Господь Саваоф тадзи висьталӧ: – Кералӧй пуяссӧ, Ерусалимлы паныд кыпӧдӧй тымӧд. Тайӧ карас ыджыдалӧ нартитӧм, та вӧсна сійӧс виччысьӧ мыждӧм.

Еремей 6:11

Та вӧсна ме тырӧма Господьлӧн скӧрлунӧн, ас пытшкам ог вермы кутны сійӧс. Господьӧй, кисьт скӧрлунтӧ туй вылын ветлӧдлысь челядь вылӧ, чукӧртчӧм зонъяс вылӧ. Айуловӧс да аньясӧс нуӧдасны пленӧ, нуӧдасны тшӧтш пӧрысь да олӧма йӧзӧс.

Еремей 9:8

Ӧд налӧн кывйыс – виысь ньӧв кодь, найӧ висьталӧны ылӧгсӧ. Орччӧн олысьяслы найӧ сиӧны лӧньлун, а сьӧлӧманыс дасьтӧны налы нальк.