Еремей 49:4 - Коми Библия 2023

⁴ Мыйла ті ошйысянныд асланыд ковтысъясӧн? Эскытӧм войтыр, тіян ковтысын пондас киссьыны вир. Ті лача кутанныд асланыд озырлун вылӧ, шуаланныд, некод пӧ оз уськӧдчы миян вылӧ.

Еремей 49:4 Referans Kwoze

1 Тимофейлы 6:17

Тайӧ нэмас озыра олысьясӧс велӧд, медым вылӧ эз кыпӧдчыны, лачанысӧ эз кутны бырана озырлун вылӧ, а ловъя Ен вылӧ. Сійӧ лышкыда сетӧ миянлы ставсӧ нимкодясьӧм вылӧ.

Еремей 21:13

Ӧні Ме сувта тэныд паныд, ковтысын сулалысь кар, вывтасінын сулалысь изкырта, – висьталӧ Господь. – Ме сувта тіянлы паныд, кодъяс шуанныд, некод пӧ оз вермы петны тышӧ миянлы паныд, некод пӧ оз пыр миян сайӧдчанінӧ.

Еремей 9:23

Господь тадзи висьталӧ: – Мывкыда морт мед оз ошйысь аслас мывкыдлуннас, вына морт мед оз ошйысь аслас вынйӧрнас, озыр морт мед оз ошйысь аслас озырлуннас.

Еремей 48:7

Моав, тэ лача кутін уджъясыд да озырлуныд вылӧ, та вӧсна вӧрӧг кытшалас-босьтас тэнӧ. Кемош идолӧс нуӧдасны пленӧ, тшӧтш сылы кесъялысь попъясӧс да юралысьясӧс.

Еремей 3:14

«Бергӧдчӧй Ме дінӧ, кывзысьтӧм войтырӧй, – висьталӧ Господь, – ӧд Ме – тіян Верӧсныд. Весиг кӧ карын коляс ӧти морт, чужанкотырын – кык морт, Ме босьта найӧс да вайӧда Сионӧ.

Псалтыр 62:10

Найӧс, кодъяс кӧсйӧны босьтны менсьым олӧмӧс, лоӧ шыбитӧма пыдӧстӧм гуӧ.

Псалтыр 52:7

Сионысь мед воас Израильлы мездмӧмыс! Кор Енмыс бӧр бергӧдас Ассьыс войтырсӧ пленысь, сэки Яков кутас нимкодясьны, Израиль кутас гажӧдчыны.

Псалтыр 49:6

Енэжыс юӧртас Енлӧн веськыдлун йылысь, ӧд Сійӧ – веськыда мыждысь Ен.

Восьтӧм 18:7

Мӧдӧдӧй сылы шогсӧ да мучитчӧмсӧ сы мында, мыйта сійӧ курыштіс аслыс озырлунсӧ да ошкӧмсӧ. Ӧд сійӧ ошйысьӧ ас йывсьыс: «Ме – ӧксы-ань, пукала юралан пуклӧсын, ме абу дӧва, шогсӧ ог тӧд».

Осий 4:16

Израиль лои асныра мӧс кодь. Кутас-ӧ Господь ыжъясӧс моз ӧні видзны найӧс паськыд видз вылын?

Еремей 49:16

Скӧрлуныд да вылӧ кыпӧдчӧмыд ылӧдлісны тэнӧ. Изкарын моз тэ олан джуджыд керӧсъяс вылын. Но тэ кӧ кутш моз овмӧдчан-поздысян выліинӧ, весиг сэтысь Ме шыбита тэнӧ, – висьталӧ Господь.

Еремей 7:24

Но найӧ эз кывзыны Менӧ, эз сибӧдны Менсьым кывъясӧс. Найӧ олісны асланыс кӧсйӧм серти, лёк да чорыд сьӧлӧмныс серти, бергӧдісны Меланьӧ мышнысӧ, а эз чужӧмнысӧ.

Шусьӧгъяс 10:15

Озырлы аслас эмбурыс изкар кодь, гӧль мортӧс судзсьытӧмлуныс виӧ.

Еремей 31:22

Дыр-ӧ на тэ кутан шӧйтны, нылӧй, тэ, коді кежин Меысь? Господь выльтор вӧчас му вылын: гӧтырыс кутас видзны-дорйыны верӧссӧ.