Еремей 49:23 - Коми Библия 2023

²³ Дамаск йылысь. – Хамат да Арпад каръясын олысьяс шӧйӧвошӧмаӧсь лёк юӧр кылӧмысь, полӧмнысла найӧ саридз моз шызьӧмаӧсь, оз вермыны лӧньнысӧ.

Еремей 49:23 Referans Kwoze

Исай 10:9

Калне усис Каркемис моз, Хамат – Арпад моз, Самария – Дамаск моз.

Ӧксыяслӧн 4 небӧг 18:34

Кӧнӧсь Хамат да Арпад каръяслӧн енъясыс? Кӧнӧсь Сепарваим, Ена да Ивва каръяслӧн енъясыс? Мездісны ӧмӧй Самарияӧс сылӧн енъясыс менам киысь?

Исай 57:20

Но Ентӧг олысьяс гыалысь саридз кодьӧсь, оз вермыны лӧньнысӧ, гыясыс моз лэптӧны нюйт да няйт.

Олӧм 14:15

Войнас сійӧ юкліс ассьыс тышкайӧзсӧ чукӧръяс вылӧ, уськӧдчис Лотӧс пленӧ босьтысьяс вылӧ да пасьвартіс найӧс. Ловйӧн кольысьясӧс вӧтӧдісны Дамаск войвывладорса Ховаӧдз.

Наум 2:10

Ниневия карӧс куштӧма-бырӧдӧма. Сьӧлӧмъяс висьӧны, пидзӧсъяс тіралӧны. Дойысла йӧзыс куснясьӧны, налӧн чужӧмныс быгалӧма.

Ӧксыяслӧн 4 небӧг 19:13

Кӧнӧсь ӧні Хамат, Арпад, Сепарваим, Ена да Ивва каръяслӧн ӧксыясыс?»

Лыд 13:21

Вына-ӧ муыс, сетӧ-ӧ сійӧ бур быдтас? Быдмӧны-ӧ сэні пуяс? Лоӧй повтӧмӧсь, вайӧй сэтысь вотӧс». Сэки вӧлі виноград кисьман кад.

Олӧм 15:2

Ӧврам шуис: «Господьӧй Ыджыдӧй! Мый Тэ сетан меным? Менам ныв-пиӧй абу, овмӧсӧн веськӧдлӧ Дамаскысь Элизер».

2 Коринфӧ 11:32

Дамаск карын Арета ӧксылӧн му юкӧнӧн веськӧдлысь тшӧктіс видзны карсьыс став петанінсӧ, медым кутны менӧ, но ыджыд чуманын менӧ лэдзисны ӧшиньӧд карса стен бердӧдыс. Тадзи ме мыні сылӧн киысь.

Ап. уджъяс 27:20

Уна лун чӧж эз петкӧдчыв шонді, эз тыдавны кодзувъяс, тӧвнырлӧн помыс эз тыдав. Миян воши став лача ловйӧн кольны.

Ап. уджъяс 9:2

да корис сысянь дамаскса синагогаясӧ гижӧд, медым Исуслы эскысь айуловӧс да аньясӧс позис кӧртавны да вайӧдны Ерусалимӧ.

Амос 6:2

Мунӧй Калне карӧ да видзӧдлӧй, сэтысянь мунӧй ыджыд Хамат карӧ, лэччӧй филистимса Геф карӧ. Ті ӧд наысь абу ёнджыкӧсь. Налӧн ӧмӧй муныс тіянысь ыджыдджык?

Исай 37:13

Кӧнӧсь ӧні Хамат, Арпад, Сепарваим, Ена да Ивва каръяслӧн ӧксыясыс?»

Исай 13:7

Став йӧзыслӧн киясыс вынтӧммасны, быдӧнлӧн сьӧлӧмыс пондас тіравны.

Исай 11:11

Сійӧ лунӧ Господь бара нюжӧдас Ассьыс кисӧ да бергӧдас Ассьыс коляс войтырсӧ Ассурысь и Египетысь, Патросысь и Эфиопияысь, Эламысь и Сеннарысь, Хаматысь и саридздорса муясысь.

2 Каднебӧг 16:2

Аса босьтіс Господьлӧн крамса да ӧксы керкаса озырлун видзанінъясысь эзысь-зарни да мӧдӧдіс Дамаскӧ арамейяслӧн Бен-Хадад ӧксылы. Тшӧктіс висьтавны сылы:

Ӧксыяслӧн 4 небӧг 17:24

Самарияса каръясӧ ассурса ӧксы вайӧдіс Вавилонысь, Кутаысь, Авваысь, Хаматысь да Сепарваимысь олысьясӧс. Найӧ босьтісны аслыныс Самария му да овмӧдчисны сэтчӧс каръясӧ израильсаяс пыдди.

Ӧксыяслӧн 3 небӧг 11:24

Кор Давид пасьвартіс Ададезерӧс, Разон чукӧртіс йӧзӧс да лои налӧн веськӧдлысьӧн. Найӧ мунісны Дамаскӧ, овмӧдчисны сэтчӧ да босьтісны тайӧ карсӧ асланыс кипод улӧ.

Ӧксыяслӧн 2 небӧг 17:10

Сэки тэнад йӧзысь медся повтӧмыс, кӧть сылӧн сьӧлӧмыс левлӧн кодь, усяс ловнас. Ӧд став Израиль войтыр тӧдӧ, мый тэнад батьыд да сылӧн йӧзыс вына тышкасьысьяс.

Ӧксыяслӧн 2 небӧг 8:9

Хаматса Тойи ӧксылы кывсис, мый Давид кушӧдз пасьвартӧма Ададезерлысь тышкайӧзсӧ.

Нав Исус 14:8

Мекӧд ӧтлаын ветлысь вокъясӧй асланыс висьталӧмӧн повзьӧдісны войтырсӧ. Но ме кывзыси аслам Господь Енлысь.

Нав Исус 2:11

и тайӧс кылӧм бӧрын миянӧс полӧм босьтіс. Ӧні миян пӧвстысь некод оз лысьт сувтны тіянлы паныд, ӧд Господь, тіян Енныд, эм енэжас и му вылас ыджыдалысь Ен.

Индӧд 20:8

Веськӧдлысьяс нӧшта мед шуасны: ”Тіян пиысь кӧ кодкӧ полӧ, сьӧлӧмнас майшасьӧ, мед бӧр бергӧдчас гортас, ӧд сылӧн полӧмыс вермас вуджны мукӧдыслы”.

Петӧм 15:15

Эдомса юралысьяс шӧйӧвошисны, моавса ыджыдалысьяс тіралісны, Ханаан муын олысьяс шогӧ усисны.

Ӧксыяслӧн 4 небӧг 5:12

Дамаскса Авана да Фарфар юяс абу ӧмӧй бурджыкӧсь израильса юяс дорысь? Ме ӧмӧй ог вермы сэні мыссьыны да сӧстӧммыны?» Скӧралігтырйи Нееман муніс сэтысь.

Исай 7:8

Дамаскыс ӧд сӧмын Арамлӧн юркар, и Рециныс ӧд сӧмын Дамаскын юралӧ. Коляс квайтымын вит во, и Ефрем войтыр оз ло войтырӧн.

Исай 36:19

Кӧнӧсь Хамат да Арпад каръяслӧн енъясыс? Кӧнӧсь Сепарваим карлӧн енъясыс? Мездісны ӧмӧй Самарияӧс сылӧн енъясыс менам киысь?

Еремей 39:5

Но калдеяса тышкайӧз вӧтчисны на бӧрся да суӧдісны Седекейӧс Ерикон кардорса ковтысын. Седекейӧс кутісны да вайӧдісны вавилонса Навукодоносор ӧксы дінӧ Ривлаӧ, Хамат муӧ. Сэні Навукодоносор мыждіс Седекейӧс.

Езекиль 27:18

Дамаск ньӧбасис тэнсьыд, ӧд тэнад лыдтӧм-тшӧттӧм вузӧсыд кыскис сійӧс тэ дінӧ. Ачыс сійӧ вузаліс тэныд хелбонса вина да еджыд вурун.