Еремей 48:45 - Коми Библия 2023

⁴⁵ Хешбон карлӧн вуджӧр улӧ сувтісны вынтӧм пышйысьяс, но Хешбонысь петіс би, Сигон ӧксылӧн керкаысь – яр би, сійӧ сотіс Моавлысь боксӧ, вылӧ кыпӧдчысьяслысь юрпыдӧссӧ.

Еремей 48:45 Referans Kwoze

Лыд 24:17

Аддза Сійӧс, но ог на ӧні, видзӧда Сы вылӧ, но абу на матын. Яковсянь чужысьяс пӧвстысь кыпӧдчас кодзув, Израиль войтыр пӧвстысь кыптас юралан бедь. Сійӧ пасьвартас моавса юралысьясӧс, бырӧдас Сифсянь чужысьясӧс.

Лыд 21:28

Сигонлӧн Хешбон карысь ыпнитіс-петіс би, ньылыштіс Ар-Моав, сотіс найӧс, кодъяс ыджыдалісны Арнон мылькъяс вылын.

Матвей 21:42

Исус шуис: «Энӧ ӧмӧй Гижӧдсьыс лыддьылӧй: – Изйыс, кодӧс ӧтдортісны керка лэптысьяс, лоис пельӧс изйӧн. Тайӧ Господьсянь да шензьӧдӧ миянӧс.

Закар 10:4

Иуда чужанкотырысь сувтас пельӧс изйыс, сысянь кыпӧдчас чом зэвтан майӧгыс, сысянь петас тышкасян ньӧввужйыс, сысянь петасны юралысьяс.

Амос 2:2

Та понда Моавӧс Ме биӧн сота, Кериот изкарӧс би ньылыштас. Моавӧс лоӧ бырӧдӧма тыш дырйи, тышкайӧзлӧн горзӧм да буксан шы улӧ.

Лыд 21:26

Хешбон вӧлі аморей Сигон ӧксылӧн кар. Сигон водзынджык тышкасьліс моавса ӧксыкӧд да босьтіс сылысь став мусӧ Арнон юӧдз.

Лыд 21:21

Израильсаяс ыстісны йӧзӧс аморейяслӧн Сигон ӧксы дінӧ, медым [бурпырысь] висьтавны:

Лыд 21:29

Курыд шог тэныд, Моав! Тэнӧ, Кемош идоллӧн войтыр, лоӧ бырӧдӧма. Тэнад пияныд пышйисны, тэнсьыд нывъястӧ аморейяслӧн Сигон ӧксы нуӧдіс пленӧ.

Псалтыр 135:11

Сійӧ петкӧдіс Израиль войтырӧс Египетысь, Сылӧн буралӧмыс оз помасьлы.

Еремей 2:16

Мемфис да Тафнис каръясын олысьяс кушӧдз шырисны тэнсьыд юртӧ.

Еремей 48:2

Моавӧс оз нин нимӧдны, Хешбонын вӧрӧг дасьтысьӧ Моавлы лёк вӧчны, шуалӧ, мунам пӧ бырӧдны сійӧс войтыръяс пӧвстысь. Мадмен, тэ кутан чӧв овны, ӧд шыпурт суас тэнӧ.