Еремей 48:13 - Коми Библия 2023

¹³ Моав яналас Кемош идол вӧсна, кыдзи Израиль яналіс Вефиль вӧсна, мый вылӧ лачасӧ кутіс.

Еремей 48:13 Referans Kwoze

Еремей 48:39

Моав вӧсна бӧрдӧны, ӧд сійӧс торпыригӧдз жугӧдӧма, сійӧ пышйӧма, сійӧс янӧдӧма. Моав лоӧ серамтуйын, лоӧ повзьӧдчанторйӧн став орччӧн олысьыслы.

Исай 45:16

Янӧдӧма лоӧ найӧс, юръяндзим лоӧ налы, яналӧмӧн мунасны ставныс, кодъяс вӧчӧны идолъясӧс.

Ёрдысьяс 11:24

Тэнад эм му, мый тэныд сетіс Кемош енмыд. Миян эм му, мый миянлы сетіс Господь, миян Енным.

Еремей 48:46

Курыд шог тэныд, Моав, Кемош идоллӧн войтырлы воис пом, тэнсьыд ныв-питӧ босьтӧма пленӧ.

Еремей 48:7

Моав, тэ лача кутін уджъясыд да озырлуныд вылӧ, та вӧсна вӧрӧг кытшалас-босьтас тэнӧ. Кемош идолӧс нуӧдасны пленӧ, тшӧтш сылы кесъялысь попъясӧс да юралысьясӧс.

Исай 45:20

Чукӧртчӧй да локтӧй, матыстчӧй ставныд, кодъяс ловйӧн колинныд войтыръяс пӧвстысь. Вежӧртӧмӧсь найӧ, кодъяс новлӧдлӧны ассьыныс пу идолъяснысӧ да кевмысьӧны енлы, коді оз мезды.

Исай 16:12

Моавсаяс кайӧны вись ваян мыльк вылӧ, сэні мудзтӧдзныс копрасьӧны-юрбитӧны, найӧ локтӧны асланыс вежаинӧ кевмысьны, но тайӧ оз отсав налы.

Исай 2:20

Сійӧ лунӧ мортыс босьтас зарниысь да эзысьысь вӧчӧм идолъясӧс, кодъясӧс сійӧ вӧчис копрасьӧм вылӧ, да шыбитас найӧс вурдысьяслы да борда шыръяслы.

Ӧксыяслӧн 3 небӧг 18:40

Илля шуис войтырыслы: «Босьтӧй Вааллысь пророкъяссӧ, энӧ лэдзӧй некодлы пышйыны». Вааллысь пророкъяссӧ босьтісны. Сэсся Илля нуӧдіс найӧс Кишон ю дорӧ да сэні ставнысӧ виис.

Ӧксыяслӧн 3 небӧг 11:7

Ерусалимсянь асыввылын сулалысь керӧс вылын Соломон вӧчис моавсаяслӧн зывӧк Кемош идоллы да аммон войтырлӧн зывӧк Молок идоллы юрбитанінъяс.

Ӧксыяслӧн 3 небӧг 11:33

Ме вӧча тадзи, ӧд Израиль войтыр эновтіс Менӧ да кутіс юрбитны сидонсаяслӧн Астарта енлы, моавсаяслӧн Кемош енлы да аммон войтырлӧн Милком енлы. Найӧ оз ветлыны Менам туйӧд, оз вӧчны Ме водзын шогманасӧ, оз овны Менам индӧд-тшӧктӧмъяс серти, оз овны Соломонлӧн Давид батьыс моз.

Еремей 48:12

Воасны лунъяс, – висьталӧ Господь, – кор Ме мӧдӧда Моав дінӧ вина кисьталысьясӧс. Винаӧс моз найӧ кисьтасны сійӧс, ректасны да жугӧдасны сылысь дозъяссӧ.

2 Каднебӧг 25:15

Господь ёна скӧрмис Амасей вылӧ да мӧдӧдіс сы дінӧ пророкӧс. Сійӧ шуис Амасейлы: «Мыйла тэ юрбитан мукӧд войтырлӧн енъяслы? Тайӧ енъясыс эз вермыны мездыны ассьыныс войтырсӧ тэнад киысь».