Еремей 46:4 - Коми Библия 2023

⁴ Доддялӧй вӧвъяснытӧ, сӧлӧй тарантасӧ! Пасьталӧй юртупкӧднытӧ, ёсьтӧй шынытӧ, пасьталӧй кӧрт кышӧднытӧ!

Еремей 46:4 Referans Kwoze

Еремей 51:3

Ньӧвйӧн лыйсьысь мед зэвтӧ ассьыс ньӧвсӧ вавилонса тышкайӧзлы паныд, кодъяс лыйсьӧны ньӧвйӧн, пасьтасьӧны кӧрт кышӧдӧ. Энӧ жалитӧй вавилонса зонъясӧс, дзикӧдз бырӧдӧй вавилонса тышкайӧзӧс.

Езекиль 21:28

Морт пиӧй, пророкав. Аммон войтыр йылысь да сылӧн Израильӧс омӧльтӧм йылысь Господь Ыджыдыс тадзи висьталӧ: перйӧма шыпурт, медым унаӧс начкыны-виавны. Сійӧс весалӧма, медым чардби моз югъялас.

Неемий 4:16

Тайӧ лунсяньыс джын том йӧзыс уджалісны, а мӧд джынйыс сулалісны сайӧдъясӧн, шыясӧн, ньӧввужйӧн да кӧрт кышӧдӧ пасьтасьӧмӧн. Веськӧдлысьяс сайӧдісны Иуда войтырӧс,

2 Каднебӧг 26:14

Став аслас тышкайӧзлы Озей дасьтіс сайӧдъяс, шыяс, юртупкӧдъяс, кӧрт кышӧдъяс, ньӧввужъяс да лыйсян изъяс.

Ӧксыяслӧн 1 небӧг 17:38

Саул сетіс Давидлы ассьыс тышкасян паськӧмсӧ, пасьтӧдіс сійӧс кӧрт кышӧдӧн, а юр вылас пуктіс ыргӧн юртупкӧдсӧ.

Ӧксыяслӧн 1 небӧг 17:5

Юр вылас сылӧн вӧлі ыргӧн юртупкӧд, ас вылас вӧлі пасьталӧма чери сьӧм кодь ыргӧнторъясысь вӧчӧм кышӧд, сьӧктаыс кышӧдыслӧн вӧлі вит сюрс сикель.

Еремей 51:11

– Ёсьтӧй ньӧвъяснытӧ, тыртӧй наӧн ньӧвпуртӧснытӧ. Господь ышӧдіс мидияса ӧксыясӧс тыш вылӧ, ӧд Сійӧ шуис бырӧдны Вавилон. Господь водзӧс перйӧ Вавилонлысь, водзӧс перйӧ Аслас крамыс вӧсна.

Йоиль 3:9

Юӧртӧй войтыръяс пӧвстын: – Дасьтысьӧй ыджыд тыш кежлӧ, чукӧртӧй тышкайӧзӧс! Петӧй тышӧ, вермасьысьяс!

Исай 8:9

Дзӧрӧй-тіралӧй, войтыръяс! Сюся кывзӧй, ылі муын олысьяс! Дасьтысьӧй тыш кежлӧ, но полӧй-тіралӧй! Дасьтысьӧй тыш кежлӧ, но полӧй-тіралӧй!

Еремей 46:14

– Висьталӧй Египетын, юӧртӧй Мигдолын, Мемфисын и Тафнисын, тшӧктӧй египетсаяслы чеччыны да дасьтысьны, ӧд шыпурт бырӧдӧ на гӧгӧрысь ставсӧ.