Еремей 46:23 - Коми Библия 2023

²³ Вӧрӧг пӧрӧдас Египетлысь сук вӧрсӧ, – висьталӧ Господь. – Вӧрӧглӧн лыдыс саранча дорысь на унджык, сылысь тышкайӧзсӧ он вермы лыддьынысӧ.

Еремей 46:23 Referans Kwoze

Ёрдысьяс 7:12

Мадиансаяс, амалик войтыр да асыввылын олысь войтыр вӧлі паськӧдчӧмаӧсь ковтысӧ. Найӧ вӧліны саранча мында, а налӧн верблюдъясыс – саридздор лыа мында.

Ёрдысьяс 6:5

Вӧрӧг волывліс аслас ыж-мӧскӧн да чомъясӧн саранча чукӧръяс моз. Найӧ асьныс да налӧн верблюдъясыс вӧліны сы мында, мый весиг он вермы лыддьынысӧ. Найӧ локтісны да куштісны Израиль му.

Йоиль 2:25

Ме вештыся тіянлы сійӧ вояссьыс, кор Ме ыстылі тіян вылӧ саранча, чиркъясӧс, гагъясӧс да лёльӧясӧс, медым тайӧ ыджыд тышкачукӧрыс сёйис быдтаснытӧ.

Езекиль 20:46

«Морт пиӧй, видзӧдлы лунвылӧ да висьтав лунвыв му йылысь кыв, пророкав лунвылын быдмысь вӧръяслы паныд.

Исай 10:18

Ассурлысь медбур вӧръяссӧ да сад йӧръяссӧ лоӧ бырӧдӧма, сэні нинӧм ловъяыс оз коль, Ассур лоӧ кулӧм морт кодь.

Еремей 21:14

Ме мыжда тіянӧс уджъясныдлӧн вотӧсыс серти, – висьталӧ Господь. – Тіян вӧрын Ме песта би, и сійӧ ставсӧ гӧгӧр ньылыштас.

Еремей 46:22

Змей моз чушкӧ Египет, вына вӧрӧг уськӧдчӧ Египет вылӧ, вӧр пӧрӧдысь моз локтӧ черъясӧн.