Еремей 46:22 - Коми Библия 2023

²² Змей моз чушкӧ Египет, вына вӧрӧг уськӧдчӧ Египет вылӧ, вӧр пӧрӧдысь моз локтӧ черъясӧн.

Еремей 46:22 Referans Kwoze

Исай 29:4

Тэ усян муас, сэсянь тэ кутан сёрнитны, му пытшкӧссяньыс ӧдва кутас кывны тэнад гӧлӧс шыыд. Тэнад гӧлӧс шыыд лоӧ кулӧм мортлӧн кодь, му пытшкӧссяньыс пондас кывны тэнад шӧпкӧдӧмыд.

Исай 14:8

Нимкодясьӧны кипарисъяс, нимкодясьӧны ливанса сус пуяс. Найӧ шуалӧны вавилонса ӧксылы: «Тэнӧ вермӧма, миянӧс некод нин оз пӧрӧд».

Закар 11:2

Сыркъялӧмӧн бӧрд, кипарис, ӧд сус пуыд пӧрис, ыджыд пуястӧ бырӧдӧма. Сыркъялӧмӧн бӧрдӧй, васанса тупуяс, ӧд сук вӧрыд пӧрласис.

Микей 7:16

Тайӧс аддзасны войтыръяс, и яналасны асланыс вынысь, тупкасны вомнысӧ, лоӧны пельтӧмӧсь.

Микей 1:8

– Та вӧсна ме кута ырзӧмӧн бӧрдны, кута ветлыны кӧмтӧг-пасьтӧг, шакал моз понда омлявны, страус моз – ымзыны.

Исай 37:24

Аслад кесъялысьяс пыр тэ омӧльтін Господьӧс. Тэ шуин: ”Аслам уна лыда тарантасъясӧн ме кайи джуджыд керӧсъяс вылӧ, ливанса керӧсъяс йылӧдз. Ме кералі сылысь гырысь сус пуяссӧ, пӧрӧді медбур кипарисъяссӧ. Ме кайи сылӧн медджуджыд керӧсӧдз, пыралі сылӧн медпыді раскӧдз.

Исай 10:15

Чер ӧмӧй ошйысьӧ чернас керасьысь водзын? Пила ӧмӧй ошйысьӧ пилитчысь водзын? Бедь ӧмӧй шенасьӧ мортӧн, коді сійӧс киас кутӧ? Бедь ӧмӧй лэптӧ мортӧс, кодӧс абу пуысь вӧчӧма?

Нав Исус 9:21

Юралысьяс тшӧктісны ловйӧн кольны найӧс, и найӧ лоины Израиль войтырлы пес кералысьясӧн да ва ваялысьясӧн.

Псалтыр 74:5

Мывкыдтӧмъяслы Ме шуа: «Энӧ йӧйталӧй!» Лёк вӧчысьясӧс Ме ӧлӧда: «Энӧ чургӧдӧй ассьыныд сюрнытӧ!

Еремей 46:21

Египетлӧн медалӧм тышкайӧзыс тшӧгӧдӧм ӧшпиян кодьӧсь, но весиг найӧ уськӧдчисны пышйыны. Найӧ котӧртӧны, оз сувтлыны, ӧд воис найӧс бырӧдан луныс, воис найӧс мыждан кадыс.

Еремей 46:23

Вӧрӧг пӧрӧдас Египетлысь сук вӧрсӧ, – висьталӧ Господь. – Вӧрӧглӧн лыдыс саранча дорысь на унджык, сылысь тышкайӧзсӧ он вермы лыддьынысӧ.