Еремей 44:26 - Коми Библия 2023

²⁶ Египетын олысь Иуда войтыр, кывзӧй Господьлысь кывсӧ! Ме кыв сетӧмӧн кӧсйыся Аслам вына нимӧн, – висьталӧ Господь, – Египетын Иуда войтыр пӧвстысь некод оз нин кыв сет Господь Ыджыдыс водзын.

Еремей 44:26 Referans Kwoze

Еврейяслы 6:13

Ӧвраамлы кыв сетігӧн Енмыс кӧсйысис Аслас нимӧн, ӧд эз вӧв Сыысь ыджыдджыкыс, код водзын позис кыв сетны.

Езекиль 20:39

Господь Ыджыдыс тадзи висьталӧ: Израиль войтыр, ті кӧ онӧ кӧсйӧй Менсьым кывзысьны, мунӧй асланыд идолъяс дінӧ да юрбитӧй налы. Менсьым вежа нимӧс ті онӧ нин пежалӧй асланыд идолъясӧн да налы вайӧм козинъясӧн.

Псалтыр 50:16

Енмӧй, менӧ мездысь Енмӧй, вешты ме вылысь вир кисьтан мыжӧс, сэки менам вомӧй кутас ошкыны Тэнсьыд веськыда мыждӧмтӧ.

Олӧм 22:16

«Тэ вӧлін дась сетны Меным ассьыд ӧтка питӧ. Та вӧсна Ме Ачым тэныд кыв сета, – висьталӧ Господь, –

Амос 6:8

Яков рӧдлӧн вылӧ кыпӧдчӧмыс Меным зывӧк, сылысь изкарсӧ Ме мустӧмта, – висьталӧ Господь Ен Саваоф. – Та вӧсна Ме, Господь Ыджыдыс, кыв сета, мый карсӧ ставнас вӧрӧглы коля.

Еремей 5:2

– Найӧ кыв сетӧны ловъя Господь водзын, но налӧн кыв сетӧмныс – пӧръясьӧм.

Еремей 4:2

Тэ кӧ ловъя Господь водзын кыв сетан, сідзкӧ, веськыда да збыльыс серти тайӧс вӧчан, сэки войтыръяслы лоӧ бурсиӧмыс Господьсянь, и найӧ пондасны ошкыны Сійӧс.

Еврейяслы 6:18

Тайӧ кыкторйыс – Енлӧн кӧсйысьӧмыс да кыв сетӧмыс – вежсьывлытӧмӧсь, ӧд Енмыс оз вермы ылӧдлыны. Тайӧ кыкторйыс ышӧдӧ миянӧс да отсалӧ кутчысьны сетӧм лачаас.

Еврейяслы 3:18

Кодлы нӧ Енмыс кыв сетіс, мый найӧ оз пырны Сылӧн шойччанінӧ? Эз-ӧ кывзысьтӧмъяслы?

Амос 8:7

Но Господь кыв сетіс, Яков рӧдлӧн нималӧмнас кӧсйысис: – Ме некор ог вунӧд, мый найӧ вӧчисны.

Амос 6:10

Кор шойысла локтас рӧдвужсьыс кодкӧ али шойяс сотысь да юалас керкаас пукалысьлысь: «Эм-ӧ на кодкӧ тэкӧд?», мӧдыс вочавидзас: «Абу». Локтысь содтас: «Чӧв ов! Господьлысь нимсӧ тані эн казьтыв».

Еремей 46:18

Ме кыв сета, – висьталӧ Ӧксы, кодлӧн нимыс Господь Саваоф, – мый локтас вӧрӧг, коді керӧсъяс пӧвстын сулалысь Тавор керӧс кодь, саридз весьтын сулалысь Кармил керӧс кодь.

Еремей 22:5

А ті кӧ онӧ кывзӧй тайӧ кывъяссӧ, Ме Ачым кыв сетӧмӧн шуа, мый тайӧ керкасӧ лоӧ кисьтӧма, – висьталӧ Господь».

Еремей 7:9

Ті гусясянныд, виаланныд, пежаланныд гозъякост олӧм, кыв сетіганыд пӧръясянныд, сотанныд висьяс Ваал идоллы, юрбитанныд мукӧд енъяслы, кодъясӧс ті онӧ тӧдӧй.

Исай 62:8

Господь сетіс кыв, кӧсйысис Аслас веськыд кинас, Аслас вына кинас Сійӧ кӧсйысис: – Тэнсьыд няньтӧ Ме ог нин сет вӧрӧгыдлы, йӧз муысь локтысьяс оз кутны юны тэнсьыд винатӧ, мый тэ мудзтӧдзыд вӧчин.

Лыд 14:28

Висьтав налы: Ме кыв сетӧмӧн кӧсйыся Аслам олӧмӧн, – висьталӧ Господь, – мый Ме вӧча тіянлы сійӧс, мый йылысь ті сёрнитінныд.

Еремей 24:8

Господь тадзи висьталӧ: лёк инжир вотӧслы моз, мый оз позь сёйны, Ме вӧча иудаса Седекей ӧксылы, иудаса юралысьяслы да ерусалимса коляс йӧзлы, кодъяс колясны тайӧ муас либӧ овмӧдчасны Египет муӧ.

Еремей 44:24

Еремей шуис став войтырыслы, торъя нин аньяслы: «Кывзӧй Господьлысь кывсӧ, Египетын олысь Иуда войтыр!

Еремей 49:13

Ме Ачым кыв сетӧмӧн шуа, – висьталӧ Господь, – мый Восора кар лоӧ повзьӧдчанторйӧн да овтӧминӧн, сійӧс кутасны ёрны да лёкӧдны. Сыгӧгӧрса сиктъясыс пыр кежлӧ лоӧны овтӧминӧн».

Осий 4:15

Тэ, Израиль, кырсалан, но Иуда мед оз кырсав. Энӧ мунӧй Галгалӧ, энӧ кайӧй Бет-Авенӧ, энӧ сетӧй кывнытӧ ловъя Господь водзын.

Еремей 44:11

Та вӧсна Господь Саваоф, Израильлӧн Ен, тадзи висьталӧ: Ме бергӧда чужӧмӧс тіянлы лёк вылӧ да бырӧда став Иуда войтырсӧ.

Еремей 44:14

Иудалӧн коляс войтыр пӧвстысь, кодъяс овмӧдчисны Египетӧ, некод оз мездмы, ловйӧн оз коль. Найӧ бӧр оз бергӧдчыны Иуда муӧ, кытчӧ ёна кӧсйӧны бӧр локны, медым овны сэні. Сӧмын некымын морт пышъясны Египетысь».

Еремей 51:14

Господь Саваоф кыв сетӧмӧн шуис: «Вавилон му, саранчаӧн моз Ме тырта тэнӧ йӧзӧн, тэ весьтын кылас налӧн вермӧм йылысь горзӧмныс».