Еремей 44:16 - Коми Библия 2023

¹⁶ «Ми огӧ кывзӧй тэнсьыд кывъястӧ, мый тэ юӧртін миянлы Господь нимсянь.

Еремей 44:16 Referans Kwoze

Лука 19:27

Менӧ мустӧмтысьясӧс, менам юралӧмлы паныд сувтысьясӧс вайӧдӧй татчӧ да виӧй найӧс менам син водзын”».

Лука 19:14

Ас войтырыслы тайӧ мортыс вӧлі мустӧм, та вӧсна бӧрсяньыс найӧ мӧдӧдасны юӧртысьясӧс висьтавны, огӧ пӧ кӧсйӧй, медым сійӧ вӧлі миян ӧксыӧн.

Даниил 3:15

Но талунсянь лоӧй дасьӧсь. Кор ті кыланныд буксанлысь, пӧлянлысь, цитралысь, гуслилысь, арфалысь, тутсанлысь да мукӧд ворсанторлысь шысӧ, сэки кымынь уськӧдчӧмӧн копыртчылӧй меӧн сувтӧдӧм бӧлбанлы. А онӧ кӧ копыртчылӧй, тіянӧс дзик пыр шыбитасны ыпъялысь пачӧ. Кутшӧм Ен сэки вермас мездыны тіянӧс менам киысь?»

Еремей 38:4

Юралысьяс шуисны ӧксылы: «Тайӧ мортсӧ колӧ вины. Ӧд сылӧн кывъясысь карас кольӧм тышкайӧз да став войтырыс эбӧссьыс усьӧны. Тайӧ мортыс оз бурсӧ кӧсйы тайӧ войтырыслы, а сӧмын лёксӧ».

Еремей 18:18

Йӧзыс шуисны: «Локтӧй, сёрнитчамӧй Еремейлы паныд. Локтӧй, лёкӧдамӧй сійӧс, огӧ кывзӧй сійӧс! Миян эм попъяслӧн велӧдӧм, мывкыда йӧзлӧн туйдӧдӧм, пророкъяслӧн кыв».

Еремей 11:10

Найӧ бергӧдчисны Меысь да батьясныс моз мыж вӧчисны. Налӧн батьясныс эз кӧсйыны кывзыны Менсьым кывъясӧс, а юрбитісны да кесъялісны мукӧд енъяслы. Израиль войтыр да Иуда войтыр торкисны Менсьым йитӧдӧс, мый Ме кӧрталі налӧн батьяскӧд».

Еремей 11:8

Но найӧ эз кывзыны Менӧ, эз сибӧдны Менсьым кывъясӧс. Найӧ олісны асланыс лёк да чорыд сьӧлӧмныс серти. Та вӧсна Ме налы паныд бергӧді ставсӧ, мый вӧлі шуӧма тайӧ йитӧдас. Ме тшӧктылі налы овны йитӧд серти, но найӧ эз овны».

Еремей 8:12

Яндысьтӧг найӧ вӧчӧны зывӧксӧ, нинӧмысь оз повны, весиг оз гӧрдӧдны. Та вӧсна найӧ усясны усьӧмаяс пӧвстӧ, крукасясны, кор Ме мыжда найӧс, – висьталӧ Господь.

Еремей 8:6

Ме сюся кывза найӧс, но збыльсӧ найӧ оз висьтавны, некод оз каитчы аслас лёк вӧчӧмысь, некод оз шу: «Мый нӧ ме вӧчи!» Тышӧ петысь вӧв моз быдӧн котӧртӧ аслас туйӧд.

Исай 3:9

Налӧн чужӧмас гижӧма, мый найӧ – лёк вӧчысьяс. Содомын олысьяс моз найӧ восьсӧн да яндысьтӧг ошйысьӧны асланыс мыжъясӧн. Курыд шог налы! Найӧ асьныс ӧшлӧны ас выланыс лёксӧ.

Псалтыр 2:3

«Разям ас вылысь налысь кӧртӧдъяссӧ, шыбитам ас вылысь налысь чепъяссӧ!»

Петӧм 5:2

Но фараон вочавидзис: «Коді сійӧ Господьыс, медым ме кывзыси Сылысь да лэдзи Израиль войтырӧс? Ме ог тӧд Господьӧс, и Израиль войтырӧс ме ог лэдз».

Ӧксыяслӧн 1 небӧг 8:19

Израиль войтыр эз кӧсйы кывзыны Самуилӧс, найӧ шуисны: «Мед ӧксы ыджыдалас миян вылын.

Шусьӧгъяс 1:24

Ме кори, но ті энӧ кывзысьӧй, киӧс нюжӧді, но некод меным вочасӧ эз пет.

Еремей 13:10

Тайӧ лёк войтырыс оз кӧсйы кывзыны Менсьым кывъясӧс. Найӧ олӧны асланыс чорыд сьӧлӧмныс серти, юрбитӧны-копрасьӧны да кесъялӧны мукӧд енъяслы. Найӧ лоӧны сісьмӧм вӧнь кодьӧсь, нинӧм вылӧ оз нин шогмыны.

Еремей 42:13

Но ті кӧ онӧ кывзысьӧй Господьлысь, асланыд Енлысь, а шуанныд, тайӧ муас пӧ ми огӧ кӧсйӧй овны,

Еремей 43:2

сэки Хошайлӧн Азарий пиыс, Карейлӧн Иоханан пиыс да мукӧд кывзысьтӧм йӧз шуисны Еремейлы: «Тэ ылӧдчан! Господь, миян Ен, эз мӧдӧдлы тэнӧ ӧлӧдны миянӧс Египетӧ мунӧмысь да сэтчӧ овмӧдчӧмысь.

Еремей 44:24

Еремей шуис став войтырыслы, торъя нин аньяслы: «Кывзӧй Господьлысь кывсӧ, Египетын олысь Иуда войтыр!

Еремей 6:16

Господь тадзи висьталӧ: – Сувтыштлӧй асланыд туй вылӧ, видзӧдлӧй да юасьӧй важся ордым йылысь, юасьӧй, кӧні веськыд туйыс, сэті и мунӧй, сэки асланыд ловлы ті аддзанныд шойччӧг. Но ті шуинныд, огӧ пӧ мунӧй.

Еремей 44:25

Господь Саваоф, Израильлӧн Ен, тадзи висьталӧ: ”Ті да тіян гӧтыръясныд вӧчинныд сійӧ, мый шуалінныд асланыд вомӧн. Ті шуалінныд, ми пӧ вӧчам сійӧ, мый кыв сетӧмӧн кӧсйысим вӧчны, кутам пӧ тшынӧдчыны енэжвывса ӧксы-аньлы да вайны сылы вина вись. Сідзкӧ, вӧчӧй асланыд кыв сетӧм сертиныд, збыльмӧдӧй, мый кӧсйысинныд!