Еремей 42:10 - Коми Библия 2023

¹⁰ ”Ті кӧ кольччанныд тайӧ муас, Ме ёнмӧда тіянӧс, ог пазӧд, Ме вужйӧда тіянӧс, ог нетшышт. Ме вӧчи тіянлы лёксӧ, и шогся та вӧсна.

Еремей 42:10 Referans Kwoze

Езекиль 36:36

Тіян гӧгӧр олысь войтыръяс тӧдмаласны, мый Ме, Господь, киссьӧм каръяссӧ лэпта, овтӧминсӧ ловзьӧда. Тайӧс висьтала Ме, Господь. Мый шуи, вӧча.

Еремей 31:28

Водзын Ме тӧждыси, медым нетшкыны-пазӧдны, жугӧдны-бырӧдны найӧс да лёксӧ вӧчны налы. Ӧні Ме тадзи жӧ тӧждыся, медым лэптыны да быдтыны найӧс, – висьталӧ Господь.

Еремей 24:6

Налы бур вылӧ Ме веськӧда Ассьым синмӧс налань да бӧр бергӧда найӧс тайӧ муас. Ме ёнмӧда найӧс, ог пазӧд, Ме вужйӧда найӧс, ог нетшышт.

Йоиль 2:13

Энӧ паськӧмнытӧ косялӧй, а сьӧлӧмнытӧ. Бергӧдчӧй Господьлань, асланыд Енлань, ӧд Сійӧ бур да мелі сьӧлӧма, Сылӧн терпитӧмыс ыджыд, Сылӧн буралӧмлы абу помыс, Сійӧ дась бӧр босьтны Ассьыс мыждана шуӧмсӧ.

Амос 7:6

Господь вежис кывсӧ. «Тайӧ тшӧтш оз ло», – шуис Господь Ыджыдыс.

Еремей 33:7

Ме бергӧда пленысь Иуда да Израиль войтырӧс, воддза мозыс Ме вынсьӧда найӧс.

Иона 4:2

Сійӧ кевмысьӧмӧн норасис Господьлы: «Господьӧй, кор ме вӧлі на аслам муын, ме тӧді нин, мый тадзи лоас. Ме та понда и пышйи Фарсисӧ. Ме тӧді, мый Тэ бур да мелі сьӧлӧма Ен, Тэнад терпитӧмыд ыджыд, Тэнад буралӧмлы абу помыс. Тэ дась бӧр босьтны Ассьыд мыждана шуӧмтӧ.

Иона 3:10

Ен аддзис, мый ниневияса олысьяс эновтчисны лёксьыс. Сэки Сійӧ вештіс мыждӧмсӧ на вылысь да эз бырӧд Ниневия карӧс.

Амос 7:3

Господь вежис кывсӧ. «Оз ло тайӧ», – шуис Господь.

Осий 11:8

Верма-ӧ Ме эновтны тэнӧ, Ефрем? Верма-ӧ Ме кольны тэнӧ, Израиль? Верма-ӧ эновтны тэнӧ Адмаӧс моз, вӧчны тэкӧд Севоимкӧд моз? Менам сьӧлӧмӧй небзьӧ, Менам пытшкӧсӧй нормӧ.

Петӧм 32:14

Господь вежис Ассьыс шуӧмсӧ – эз мӧдӧд лёксӧ Аслас войтыр вылӧ.

Ап. уджъяс 15:16

– Сэсся Ме бӧр бергӧдча да выльысь сувтӧда Давидлысь киссьӧм керкасӧ. Жугласьӧминъяссӧ лӧсьӧда, выльпӧв лэпта сійӧс.

Еремей 26:19

Но Езекей ӧксы да Иуда войтыр ӧмӧй виисны пророкӧс? Езекей ӧксы поліс Господьысь да кевмис Господьӧс бурсьӧлӧмтчыны. Та вӧсна Господь вежис Ассьыс шуӧмсӧ да эз вӧч сійӧ лёксӧ, мый шуис вӧчны налы. А ми ыджыд лёктор вӧчам аслыным».

Псалтыр 102:16

Тӧв пӧльыштас, и сійӧ абу, некод оз нин казьтыв сы йылысь.

Псалтыр 37:3

Тэнад ньӧвъясыд сатшисны меӧ, Тэнад киыд личкӧ менӧ.

Ӧксыяслӧн 2 небӧг 24:16

Кор [Енлӧн] андел нюжӧдіс кисӧ Ерусалим вылӧ, медым бырӧдны сійӧс, Господь вежис кывсӧ. Сійӧ шуис войтырӧс бырӧдысь анделлы: «Тырмас. Вешты китӧ». Господьлӧн анделыс сэки сулаліс евусса Орнанлӧн гумла дорын.

Ёрдысьяс 2:18

Господь сувтӧдліс налы ёрдысьясӧс, и Ачыс вӧлі быд ёрдыськӧд. Господь мездывліс войтырсӧ вӧрӧг киысь ёрдысьлӧн олан кад чӧжыс. Ӧд Господьлӧн сьӧлӧмыс нормывліс войтырыслысь дзескӧдӧм вӧсна ойзӧмсӧ кылігӧн.

Индӧд 32:36

Господь доръяс Ассьыс войтырсӧ, Сійӧ лоӧ бур сьӧлӧма Аслас кесйӧгъяс дінӧ, кор аддзас, мый налӧн выныс эз ло, мый ичӧтсянь ыджыдӧдз некод эз коль.

Еремей 27:11

Сійӧ войтырыслы, коді лэдзас аслас сьылі вылӧ пуктыны вавилонса ӧксылысь сийӧссӧ да пондас кесъявны сылы, Ме лэдза кольччыны аслас муӧ, – висьталӧ Господь. – Найӧ пондасны вӧдитны видз-му да овны сэні».

Еремей 43:4

Карейлӧн Иоханан пиыс, тышкайӧзӧн веськӧдлысьяс да став войтырыс эз кывзыны Господьӧс, и эз кольччыны Иуда муӧ.

Иона 3:4

Иона лунтыр ветлӧдліс карӧд да юӧртіс йӧзыслы, мый нелямын лун мысти Ниневия карнысӧ лоӧ бырӧдӧма.