Еремей 41:1 - Коми Библия 2023

¹ Сизимӧд тӧлысьӧ Миспаӧ Ахикамлӧн Гедалий пи дінӧ локтіс Элишам Нетанийлӧн Измаил пиыс. Сійӧ вӧлі ӧксы рӧдысь да ӧксылӧн киподувса юралысьяс пӧвстысь. Сыкӧд тшӧтш локтіс дас морт. Кор найӧ ӧтвылысь сёйисны-юисны,

Еремей 41:1 Referans Kwoze

Еремей 40:8

Тайӧс кылӧм бӧрын Гедалий дінӧ Миспаӧ локтісны асланыс йӧзкӧд Нетанийлӧн Измаил пиыс, Карейлӧн Иоханан да Ионафан пияныс, Танхуметлӧн Серай пиыс, Нетофаысь Эфайлӧн пияныс да Езаний, кодлӧн батьыс вӧлі Маакаысь.

Еремей 40:6

Еремей локтіс Ахикамлӧн Гедалий пи дінӧ Миспаӧ да овмӧдчис Иуда муын кольӧм войтыр пӧвстӧ.

Псалтыр 41:9

Луннас Господь петкӧдлӧ Ассьыс буралӧмсӧ, а войнас ме сьылӧмӧн ошка Сійӧс, кевмыся менам олӧмӧйлӧн Енлы.

Иоан 13:18

Ме ог висьтав ставныд йылысь, ӧд Ассьым бӧрйӧмаясӧс Ме тӧда. Но гижӧма: ”Мекӧд сёйысьыс сувтас Меным паныд”. Тайӧ кывъясыслы колӧ инны.

Езекиль 17:13

Сійӧ бӧрйис иудаса ӧксы рӧдысь мортӧс, сёрнитчис сыкӧд да тшӧктіс сылы кыв сетны. Вавилонса ӧксы нуӧдіс пленӧ став юралысь-веськӧдлысьсӧ,

Еремей 36:20

Юралысьяс колисны гижӧд тубрассӧ Элишам гижалысьлӧн вежӧсӧ да мунісны ӧксы керка йӧрӧ. Найӧ висьталісны ӧксылы гижӧд тубрас йылысь.

Еремей 36:12

да муніс ӧксы керкаӧ, гижалысьлӧн вежӧсӧ. Сэні пукалісны юралысьяс: ӧксылӧн гижалысь Элишам, Шемайлӧн Делай пиыс, Акборлӧн Элнатан пиыс, Шафанлӧн Гемарий пиыс, Хананейлӧн Седекей пиыс, тшӧтш мукӧд юралысьяс.

Шусьӧгъяс 27:4

Чорыда скӧрмӧм-ярмӧмтӧ сувтӧдны сьӧкыд, вежӧгтӧмтӧ нинӧм оз сувтӧд.

Шусьӧгъяс 13:10

Вылӧ пуксьӧмыд сӧмын вензьӧм чужтӧ, мывкыд мортыд туйдӧдӧмсӧ сибӧдӧ.

Псалтыр 109:5

Господь сулалӧ Тэнад веськыдладорын. Аслас скӧралан лунӧ Сійӧ пасьвартас ӧксыясӧс,

2 Каднебӧг 22:10

Ахазийлӧн Аталия мамыс кор тӧдмаліс пиыслӧн кулӧм йылысь, шуис бырӧдны иудаса ӧксы рӧдысь став писӧ.

Ӧксыяслӧн 4 небӧг 25:25

Но сизимӧд тӧлысьӧ Миспаӧ локтіс Элишам Нетанийлӧн Измаил пиыс, коді вӧлі ӧксы рӧдысь. Сыкӧд тшӧтш локтіс дас морт. Найӧ виисны Гедалийӧс, тшӧтш иудаса да калдеяса йӧзӧс, кодъяс вӧліны сыкӧд Миспаын.

Ӧксыяслӧн 4 небӧг 11:1

Ахазийлӧн Аталия мамыс кор тӧдмаліс пиыслӧн кулӧм йылысь, шуис бырӧдны иудаса ӧксы рӧдысь став писӧ.

Ӧксыяслӧн 2 небӧг 3:27

Хевронӧ воӧм бӧрын карса дзиръя дорын Йоав нуӧдіс Авенирӧс бокӧ, быттьӧ кӧсйӧ гусьӧн сёрнитыштны сыкӧд. Сэні виис Авенирӧс, бытшкис сылы кынӧмас. Тадзи водзӧс перйис аслас Асаил вок вӧсна.

Еремей 39:14

мӧдӧдісны йӧзӧс Еремейла. Найӧ вайӧдісны Еремейӧс ӧксы керка видзысьяслӧн йӧрысь да сетісны Гедалийлы, Шафан Ахикамлӧн пилы, кодлы вӧлі тшӧктӧма нуӧдны Еремейӧс ас ордас. Тадзи Еремей кольччис овны аслас войтыр пӧвстын.

Еремей 40:5

Еремей эз на удит муннысӧ, Навузардан нӧшта содтіс: «Тэ верман мунны Шафан Ахикамлӧн Гедалий пи дінӧ. Вавилонса ӧксы пуктіс сійӧс веськӧдлыны иудаса каръясӧн. Ов сылӧн веськӧдлӧм улын тайӧ войтырыс пӧвстын либӧ мун, кытчӧ кӧсъян». Ӧксыӧс видзысьяслӧн юралысь сетіс Еремейлы сёян-юан, козин да лэдзис сійӧс.

Еремей 40:13

Карейлӧн Иоханан пиыс да тышкайӧзӧн веськӧдлысьяс, кодъяс дзебсясисны кар сайын, локтісны Миспаӧ Гедалий дінӧ.

Ӧксыяслӧн 4 небӧг 25:22

Вавилонса Навукодоносор ӧксы пуктіс Шафан Ахикамлысь Гедалий писӧ веськӧдлыны Иуда муын кольӧм войтырӧн.

Еремей 40:7

Иудаса тышкайӧзӧн веськӧдлысьяс, кодъяс асланыс йӧзкӧд дзебсясисны кар сайын, кылісны, мый вавилонса ӧксы пуктӧма Ахикамлысь Гедалий писӧ веськӧдлыны Иуда муӧн да сетӧма сылӧн кипод улӧ медся гӧль айуловӧс, аньясӧс да челядьӧс, кодъясӧс эз нуӧдны Вавилонӧ.