Еремей 4:8 - Коми Библия 2023

⁸ Та вӧсна пасьталӧй ассьыныд шогалан паськӧмнытӧ, сыркъялӧй-бӧрдӧй, ӧд Господьлӧн яр скӧрлуныс абу вешйӧма миян дінысь.

Еремей 4:8 Referans Kwoze

Еремей 6:26

Менам войтырӧй, пасьтав шогалан паськӧмтӧ, туплясь пӧим пытшкын. Бӧрд, быттьӧ ӧтка пиыд кулӧма, курыда бӧрд, ӧд виччысьтӧг локтас миянӧс бырӧдысь.

Исай 22:12

Сійӧ лунӧ Ыджыдыс, Господь Саваоф, чуксаліс тіянӧс бӧрдны да шогсьыны, шырны юрсинытӧ да пасьтасьны шогалан паськӧмӧ.

Исай 32:11

Полӧй-тіралӧй, тӧждысьтӧмъяс, дзӧрмӧн тіралӧй, шог тӧдтӧмъяс! Пӧрччӧй паськӧмнытӧ, пасьталӧй шогалан паськӧм!

Исай 10:4

Пленӧ босьтӧмаяс пӧвстын ті сувтанныд пидзӧс выланыд, кулӧмаяс моз усянныд. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Исай 5:25

Та вӧсна Господь ёна скӧрмас Аслас войтыр вылӧ, Сійӧ нюжӧдас кисӧ да дойдас найӧс. Весиг керӧсъяс вӧрзясны, йӧзлӧн шойясыс кутасны туплясьны туйяс вылын шыблас моз. Но тайӧн Господьлӧн скӧралӧмыс оз на помась, Сылӧн киыс пыр на нюжӧдӧма, медым мыждыны.

Амос 8:10

Гажӧдчӧмнытӧ бергӧда шогсьӧмӧ, сьыланкывъястӧ – бӧрдӧмӧ. Ставнытӧ пасьтӧда шогалан паськӧмӧ, юрсинытӧ лоӧ шырӧма. Бӧрдӧмныд лоӧ ӧтка пи вӧсна бӧрдӧм кодь, тайӧ луныс лоӧ курыд шогӧн.

Езекиль 30:2

«Морт пиӧй, пророкав. Шу, мый Господь Ыджыдыс тадзи висьталӧ: ырзӧмӧн бӧрдӧй локтан лун йылысь,

Езекиль 21:12

Горзы, бӧрд, морт пиӧй, ӧд шыпуртыс кыпӧдчис Менам войтырӧй весьтӧ да израильса юралысьяс весьтӧ. Юралысьясӧс войтырӧйкӧд шыпурт улӧ сетӧма. Та вӧсна шогыдла кучкав морӧсад.

Еремей 48:20

Моавӧс пазӧдӧма да янӧдӧма. Сыркъялӧмӧн бӧрдӧй, юӧртӧй Арнон ю бокын, мый Моавӧс пазӧдӧма-куштӧма.

Еремей 30:24

Господьлӧн яр скӧрлуныс оз вешйы, кытчӧдз Сійӧ оз збыльмӧд Ассьыс шуӧмсӧ. Бӧръя лунъясӧ ті гӧгӧрвоанныд тайӧс.

Исай 13:6

Ырзӧмӧн бӧрдӧй, ӧд Господьлӧн луныс матын нин, сійӧ локтӧ Ставсӧвермысьсянь да бырӧдӧ ставсӧ.

Исай 9:21

Манассей – Ефремӧс, Ефрем – Манассейӧс, а ӧтвылысь найӧ – Иудаӧс. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Исай 9:17

Господь оз нимкодясь налӧн том йӧз вӧсна, налӧн батьтӧм-мамтӧм челядь дінӧ да дӧваяс дінӧ Сійӧ оз бурав, ӧд найӧ ставныс ылӧдчысьяс да лёк вӧчысьяс, налӧн вомысь петӧ сӧмын пеж сёрни. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Исай 9:12

Асыввывсянь локтісны арамейяс, рытыввывсянь – филистимсаяс, найӧ жалиттӧг бырӧдісны Израиль войтырӧс. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Лыд 25:4

Господь шуис Мӧисейлы: «Чукӧрт войтырлысь веськӧдлысьяссӧ да ставныслы аддзымӧнъя Ме водзын ӧшӧд найӧс пу вылӧ. Та бӧрын Менам скӧрлунӧй вешъяс Израиль войтыр дінысь».

Бӧрданкыв 1:12

Туй вывті ветлысь-мунысьяс, тіянкӧд тадзи мед оз ло! Видзӧдлӧй, эм-ӧ менам кодь дойыс, кутшӧм менӧ суис! Господь ыстіс меным сійӧс Аслас скӧралан лунӧ.

Йоиль 1:13

Попъяс, пасьталӧй шогалан паськӧм да бӧрдӧй, ырзӧмӧн бӧрдӧй, висьпуктанін дорын кесъялысьяс! Пырӧй крамӧ, менам Енлы кесъялысьяс, весиг войнас энӧ пӧрччӧй шогалан паськӧмнытӧ, ӧд тіян Енлӧн крамӧ оз нин вайны нянь вись да вина вись.

Еремей 25:34

– Сыркъялӧй-бӧрдӧй, Иуда войтырӧс видзысьяс, туплясьӧй пӧим пытшкын, Иуда войтырлӧн ыджыдъяс. Воисны тіянӧс начкан да разӧдан лунъяс, ті усянныд-жугаланныд дона дозмук моз.

Микей 1:16

Иуда войтыр, шыр юрситӧ, шогсьы муса ныв-пиыд вӧсна! Шырсьы, мед лоан кондор лэбач кодь куш юра, ӧд ныв-питӧ пленӧ нуӧдасны.