Еремей 4:15 - Коми Библия 2023

¹⁵ Дан чужанкотырлӧн мусянь кылӧ гӧлӧс шы, Ефрем керӧсвыв мусянь – бырӧдӧм йылысь юӧр.

Еремей 4:15 Referans Kwoze

Еремей 8:16

Дан чужанкотырлӧн мусянь кылӧ вӧвъяслӧн корскӧмыс, ужъяслӧн гӧрдлӧмысь муыс тіралӧ. Вӧрӧг локтіс бырӧдны тайӧ мусӧ да ставсӧ, мый тані быдмӧ, сійӧ бырӧдӧ Ерусалим кар да сэні олысьясӧс.

Еремей 6:1

Веняминсянь чужысьяс, пышйӧй Ерусалимысь, Текоя карын буксӧй буксанӧн, Бет-Каремын пас пыдди пестӧй би, ӧд войвывсянь локтӧ ыджыд шог да бырӧдӧм.

Ёрдысьяс 20:1

Войвыв Дансянь лунвыв Бер-Шеваӧдз став Израиль войтыр, тшӧтш Галаад муын олысьяс, быттьӧ ӧти морт чукӧртчисны Миспаӧ Господь водзӧ.

Ёрдысьяс 18:29

Найӧ сетісны карлы Дан батьыслысь, Израиль пилысь, нимсӧ, тадзи Лаис нимсӧ вежисны Дан ним вылӧ.

Нав Исус 20:7

Галилеяысь, Неффалим керӧсвыв муысь, торйӧдісны Кедеш кар, Ефрем керӧсвыв муысь – Сикем кар да Иуда керӧсвыв муысь – Киръят-Арба кар, мӧд ногӧн кӧ, Хеврон кар, медым сэтчӧ вермас пышйыны морт виысь.

Нав Исус 17:15

Исус вочавидзис налы: «Ті кӧ уна лыдаӧсь, мунӧй да кералӧй вӧрсӧ перезейяслӧн да рефаяслӧн муысь. Овмӧдчӧй сэтчӧ, тіянлы кӧ Ефрем керӧсвыв муын дзескыд».

Исай 52:7

Кутшӧм шензьӧданаӧсь кокъясыс сылӧн, коді керӧсъяс вывті нуӧ бур юӧр, юӧртӧ лӧнь олӧм йылысь, вайӧ нимкодь юӧр, висьталӧ мездмӧм йылысь, Сионлы шуӧ: «Тэнад Енмыд ӧксыалӧ!»

Еремей 10:22

Кывзӧй, вайӧны юӧр, мый войвыв муысь гора шыӧн локтӧ вӧрӧг, иудаса каръяс сійӧ вӧчӧ овтӧминӧн, шакалъяслы оланінӧн.