Еремей 4:14 - Коми Библия 2023

¹⁴ – Ерусалим, сӧстӧммӧд ассьыд сьӧлӧмтӧ лёксьыс, сэки тэ мездман. Дыр-ӧ на тэ пондан видзны сьӧлӧмад лёк мӧвпъястӧ?

Еремей 4:14 Referans Kwoze

Яков 4:8

Матыстчӧй Ен дінас, и Сійӧ матыстчас тіян дінӧ. Мыськӧй кинытӧ, мыж вӧчысьяс! Кык бана шаньгаяс, сӧстӧммӧдӧй сьӧлӧмнытӧ!

Ап. уджъяс 8:22

Бергӧдчы аслад лёк вӧчӧмысь да кевмысь Енлы, гашкӧ, Сійӧ прӧститас тэнсьыд лёк мӧвптӧ.

Исай 55:7

Лёк вӧчысь мед бергӧдчас аслас лёк туй вылысь, мыж вӧчысь мед эновтчас аслас лёк мӧвпъясысь, сійӧ мед бергӧдчас Господь дінӧ, ӧд Господь бур сьӧлӧма, мед локтас миян Ен дінӧ, ӧд Сійӧ прӧститӧ.

1 Коринфӧ 3:20

Нӧшта гижӧма: – Господь тӧдӧ мывкыда йӧзлысь мӧвпъяссӧ, Сійӧ тӧдӧ, мый налӧн мӧвпъясыс ковтӧмӧсь.

Римӧ 1:21

Но Енсӧ тӧдігӧн найӧ эз пуктыны Сійӧс Ен туйӧ да эз аттьӧавны Сійӧс, мӧвпалісны ковтӧмсӧ да налӧн вежӧрыс пемдіс.

Лука 11:39

Господь шуис сылы: «Ті, фарисейяс, тасьті-дозмуклысь ортсысӧ весаланныд, а пытшкӧсныд горшлунӧн да лёкӧн тырӧма.

Еремей 13:27

Ме аддзылі тэнсьыд кырсалӧмтӧ да лёкколӧмтӧ, керӧсъяс да видзьяс вылын зывӧк идолъяслы юрбитӧмтӧ. Курыд шог тэныд, Ерусалим! Тэ абу сӧстӧм. Дыр-ӧ на тадзи лоӧ?

Шусьӧгъяс 1:22

«Дыр-ӧ на ті, мывкыдтӧмъяс, кутанныд овны мывкыдтӧма, ті, омӧльтысьяс, – омӧльтны мывкыдлунсӧ, а ті, вежӧртӧмъяс, – мустӧмтны тӧдӧмлунсӧ?

Матвей 12:33

«Бур пу вайӧ бур вотӧс, лёк пу – лёкӧс. Путӧ донъялӧны вотӧс сертиыс.

Езекиль 18:31

Дугдӧй мыж вӧчны, олӧй выль сьӧлӧмӧн да выль лолӧн. Мыйла тіянлы кувнысӧ, Израиль войтыр?

Псалтыр 51:2

Давид лӧсьӧдіс тайӧ сьыланкывсӧ сы бӧрти, кор эдомса Доик юӧртіс Сауллы Ахимелек ордӧ Давидлӧн локтӧм йылысь.

Еремей 2:22

Дерт, тэ верман мыссьыны кунваӧн, ёна ниртны асьтӧ майтӧгӧн, но тэнад мыжъясыд кольӧны Ме водзын, – висьталӧ Господь Ыджыдыс.

Еремей 6:19

Кывзы, муыс! Ме ыста тайӧ войтырыслы шог. Тайӧ шогыс – налӧн лёк мӧвпъяслӧн вотӧсыс, ӧд Менсьым кывъясӧс найӧ эз кывзыны, Менсьым Индӧдӧс найӧ ӧтдортісны.

Еремей 17:1

Иуда войтырлысь мыжсӧ гижӧма ёсь кӧрттувйӧн, визьйӧдлӧма ёсь алмазторйӧн налӧн сьӧлӧмӧ да висьпуктанінъяслӧн сюръяс вылӧ.

Закар 8:17

Энӧ мӧвпалӧй лёксӧ вӧчны ӧта-мӧдныдлы, кыв сетіганыд энӧ пӧръясьӧй, ӧд ставсӧ тайӧс Ме мустӧмта, – висьталӧ Господь.

Еремей 18:11

Ӧні висьтав Иуда войтырлы да Ерусалимын олысьяслы, мый Господь тадзи висьталӧ: Ме дасьта тіянлы лёксӧ, Ме мӧдӧда тіянлы шог. Бергӧдчӧй асланыд лёк туйясысь, бӧрйӧй бур туйсӧ да вӧчӧй бурсӧ.

Иоан 13:9

Симон-Петыр шуис Сылы: «Господьӧй, мыськы тшӧтш менсьым киӧс да юрӧс, эн сӧмын кокӧс!»