Еремей 4:13 - Коми Библия 2023

¹³ Вӧрӧг кыпӧдчас кымӧр моз, сылӧн тарантасъясыс тӧвныр кодь тэрыбӧсь, сылӧн вӧвъясыс кутшъяс дорысь на тэрыбджыкӧсь. Сэки ті горӧданныд: ”Курыд шог миянлы! Миянӧс лоӧ бырӧдӧма!”»

Еремей 4:13 Referans Kwoze

Исай 19:1

Египет йылысь водзвыв висьталӧм. Господь пуксис кокньыд кымӧр вылӧ. Сійӧ локтас Египетӧ, Сы водзын кутасны тіравны египетса идолъяс, повзьӧмнысла египетсалӧн сьӧлӧмныс дугдас тіпкынысӧ.

Исай 66:15

Со, Господь локтӧ би моз, Сылӧн тарантасъясыс ыджыд тӧвныр кодьӧсь. Сійӧ кисьтас Ассьыс скӧрлунсӧ ыджыд ярлунӧн, петкӧдлас Ассьыс мыждӧмсӧ ыпъялысь биӧн.

Аввакум 1:8

Сылӧн вӧвъясыс леопард дорысь тэрыбӧсь, тэрыбӧсь войся кӧинъясысь. Сылӧн вӧвъясыс кыккокйыв тӧвзьӧны, найӧ локтӧны ылісянь, лэбӧны кыйдӧс вылӧ уськӧдчысь кутш моз.

Бӧрданкыв 4:19

Енэжвыв кутш дорысь тэрыбӧсь вӧліны миянӧс вӧтӧдысьяс, найӧ вӧтлысисны миян бӧрся керӧсъяс вывті, кыйӧдісны миянӧс овтӧминын.

Исай 5:28

Налӧн ньӧвъясыс ёсьӧсь, ньӧввужъясыс зэвтчӧмаӧсь, налӧн вӧв кок гыжъясыс биа из кодьӧсь, тарантасъясыс тӧвныр кодьӧсь.

Наум 1:3

Господь дыр терпитӧ, Сылӧн выныс помтӧм-дортӧм, Сійӧ оз коль лёксӧ мыждытӧг. Господь локтӧ тӧвныр да бушков моз, Сылӧн воськовъясысь бус моз кыпӧдчӧны кымӧръяс.

Исай 13:5

Ылі муысь, енэжтас сайысь, локтӧны Господь да Сылӧн скӧрлуна вермасянторъясыс, медым пазӧдны ставнас мусӧ.

Индӧд 28:49

Ылісянь, му помсянь Господь вайӧдас войтырӧс, кодлысь кывсӧ ті онӧ гӧгӧрвоӧй. Кутшъяс моз найӧ уськӧдчасны тіян вылӧ.

Еремей 4:31

Ме кыла гӧлӧс шы, сійӧ чужтысь аньлӧн гӧлӧс шы кодь, медводдза кагасӧ сьӧкыда чужтысьлӧн горзӧм шы кодь. Тайӧ – Сион нывлӧн гӧлӧс шыыс. Кисӧ нюжӧдӧмӧн сійӧ сьӧкыда ойзӧ: «Курыд шог меным! Виавны локтысьяс водзын ме вынтӧм».

Восьтӧм 1:7

Со, Сійӧ локтӧ кымӧръяс вылын, Сійӧс аддзас быд син. Сійӧс аддзасны тшӧтш найӧ, кодъяс бытшкисны Сійӧс. Сэки Сы водзын ырзӧмӧн бӧрддзасны мувывса войтыръяс. Тайӧ тадзи! Аминь.

Матвей 24:30

Сэки енэжас тыдовтчас Морт Пилӧн пас. Мувывса став йӧзыс ырзӧмӧн бӧрддзасны, кор аддзасны кымӧръяс вылын ыджыд вынӧн да дзирдлунӧн локтысь Морт Пиӧс.

Осий 8:1

– Матыст вом дорад буксантӧ! Лёкыс кутш моз гӧгралӧ Господьлӧн керка весьтын, ӧд Менам войтырӧй торкисны йитӧдӧс, мый Ме кӧрталі накӧд, кыпӧдчисны Менам Индӧдлы паныд.

Даниил 7:4

Медводдзаыс вӧлі лев кодь, сылӧн вӧліны кутшлӧн кодь бордъяс. Ме аддзи, мый сылысь бордъяссӧ орӧдісны, сійӧс кыпӧдісны да мортӧс моз сувтӧдісны кок йылас, и сылы сетісны морт сьӧлӧм.

Еремей 10:19

Курыд шог меным! Менам дойӧй ёна висьӧ, но ме шуи, мый тайӧ дойсӧ ме верма нуны.

Ӧксыяслӧн 2 небӧг 1:23

Саулӧс да Ионафанӧс ёна радейтісны да ошкисны. Оліганыс найӧ эз янсӧдчывны, куліганыс эз торйӧдчыны. Кутшысь тэрыбджыкӧсь, левысь ёнджыкӧсь вӧліны найӧ.

Исай 3:8

Киссис Ерусалим, усис Иуда, ӧд налӧн сёрниныс да уджъясныс – Господьлы паныд, найӧ паныд кыпӧдчӧны дзирдлуна Господьлы.

Еремей 4:12

Татшӧм ён тӧвныр локтас Менам кӧсйӧм серти, кор Ме понда мыждыны тайӧ войтырсӧ.

Еремей 9:19

Сионсянь кылӧ бӧрдӧм шы: «Миянлысь ставсӧ мырддисны, миянлы юръяндзим. Миянлы ковмас эновтны мунымӧс, ӧд керкаяснымӧс пазӧдӧма-кисьтӧма!»

Еремей 49:22

Кутш моз вӧрӧг уськӧдчас Восора кар вылӧ, шевкнитас бордъяссӧ сы весьтын. Сійӧ лунӧ эдомса тышкайӧзлӧн сьӧлӧмныс лоӧ кага чужтысь аньлӧн кодь.

Езекиль 26:10

Жугӧдӧм карӧ дзиряӧдыд пырасны верзьӧмаяс да вӧла-тарантаса тышкайӧз, и налӧн шыысь стенмыд пондас дзӧрны. Тэ тыран унасьыс-уна вӧлӧн лэптӧм буснас.

Езекиль 38:9

а тэ тӧвныр моз уськӧдчан на вылӧ. Тэнад тышкайӧзыд да тэкӧд локтысь войтыръяс кымӧр моз вевттясны став мусӧ.

Даниил 11:40

Бӧръя кадас лунвывса ӧксы петас тышӧ войвывса ӧксылы паныд. Ыджыд тӧвныр моз войвывса ӧксы уськӧдчас сы вылӧ аслас тарантасъясӧн, вӧвъясӧн да корабльясӧн. Ойдӧм ва моз сійӧ ыльӧбтас-уськӧдчас уна му вылӧ.

Микей 2:4

Сійӧ лунӧ тіянӧс кутасны лёкӧдны, тіян йылысь кутасны сьывны бӧрдӧдчанкыв: – Миянӧс дзикӧдз куштісны, войтырнымлысь мусӧ босьтісны, миянлысь ставсӧ мырддисны, муяснымӧс мукӧд войтырлы сетісны.

Еремей 6:23

Налӧн кианыс ньӧввуж да шы, найӧ скӧрӧсь, некодӧс оз жалитны, налӧн гӧлӧс шыныс бузгысь саридзлӧн кодь. Найӧ рӧдтӧны вӧвъяс вылын, дасьӧсь тышкасьны тэкӧд, Сион ныв.

Еремей 46:18

Ме кыв сета, – висьталӧ Ӧксы, кодлӧн нимыс Господь Саваоф, – мый локтас вӧрӧг, коді керӧсъяс пӧвстын сулалысь Тавор керӧс кодь, саридз весьтын сулалысь Кармил керӧс кодь.

Еремей 48:40

Господь тадзи висьталӧ: – Кутш моз вӧрӧг уськӧдчас Моав вылӧ, шевкнитас бордъяссӧ сы весьтын.

Закар 6:1

Ме бара лэпті синмӧс да аддзи: кык ыргӧн керӧс костысь петісны нёль тарантас.