Еремей 38:20 - Коми Библия 2023

²⁰ Еремей шуис Седекейлы: «Оз сетны. Кывзы Господьӧс. Кывзы, мый ме висьтала тэныд. Сэки тэныд бур лоӧ, и тэ ловйӧн колян.

Еремей 38:20 Referans Kwoze

Даниил 4:27

да шуаліс: «Со, ыджыд Вавилон кар, ӧксылӧн карыс. Сійӧс ме кыпӧді аслам ыджыд вынӧн, медым сійӧ вайис меным ошкӧм-нимӧдӧм».

Еремей 26:13

Веськӧдӧй ассьыныд туйяснытӧ, вӧчӧй бурсӧ да кывзысьӧй Господьлысь, асланыд Енлысь, сэки Господь вежас Ассьыс шуӧмсӧ да оз вӧч сійӧ лёксӧ, мый шуис вӧчны тіянлы.

Исай 55:3

Локтӧй Ме дінӧ, сюся кывзӧй Менӧ! Кывзӧй Менӧ, и ті кутанныд овны! Давид дінӧ вежсьывлытӧм буралӧмӧй вӧсна Ме кӧртала тіянкӧд пыр кежлӧ йитӧд.

2 Каднебӧг 20:20

Иосафатлӧн тышкайӧзыс чеччисны водз асывнас да мӧдӧдчисны Текоя овтӧминлань. Кор найӧ мӧдӧдчисны, Иосафат сувтіс да шуис: «Кывзӧй менӧ, Иуда войтыр да Ерусалимын олысьяс! Эскӧй Господьлы, асланыд Енлы, да лоӧй зумыдӧсь. Эскӧй Сылӧн пророкъяслы, и тіян лоӧ вермӧм».

Ап. уджъяс 26:29

«Ӧдйӧ ли, ог ли, но кевма Енлы, мед тэ да ті ставныд, менӧ кывзысьяс, лоинныд ме кодьӧсь, сӧмын тайӧ чепъястӧгыс», – шуис Павел.

Яков 1:22

Энӧ лоӧй сӧмын кывзысьясӧн, но Енлӧн кывйыс серти олысьясӧн. Куш кывзӧмнад сӧмын ылӧдланныд асьнытӧ.

2 Коринфӧ 6:1

Ми, Енкӧд ӧтвыв уджалысьяс, корам тіянӧс: сибӧдӧй Енлысь буралӧмсӧ, мед сійӧ эз ло весьшӧрӧ.

2 Коринфӧ 5:20

Сідзкӧ, ми – Кристослӧн мӧдӧдӧмаяс, и Ачыс Енмыс шыасьӧ миян пыр йӧзыс дінӧ. Кристос нимӧн ми корам: бурасьӧй Енмыскӧд!

2 Коринфӧ 5:11

Ми тӧдам, мый сэтшӧм Господьысь полӧмыс, та вӧсна зілям эскӧдны тшӧтш мукӧдсӧ. Енмыслы ми восьсаӧсь, чайтам, тіян сьӧлӧмлы тшӧтш восьсаӧсь.

Еремей 11:4

Тайӧ тшӧктӧмъяссӧ Ме сеті тіян батьяслы, кор петкӧді найӧс Египетысь, кӧрт сывдан пачысь. Ме тшӧкті налы кывзыны Менӧ да ставсӧ вӧчны Менам тшӧктӧм серти, медым найӧ вӧліны Менам войтырӧн, а Ме – налӧн Енмӧн.

Олӧм 12:13

Висьтав, мый тэ менам чой. Таысь меным бур лоас, и тадзи тэ видзан менсьым олӧмӧс».

Олӧм 19:20

Со, матынджык эм ичӧтик кар, кытчӧ ме верма котӧртны. Лэдз меным сэтчӧ пышйыны, сэки ме ловйӧн коля [тэ вӧсна]».

Еремей 7:23

Ме тшӧкті налы кывзысьны Менсьым да овны Менам тшӧктӧм серти, медым налы вӧлі бур. Ме кӧсйыси, мый сэки лоа налӧн Енмӧн, а найӧ лоасны Менам войтырӧн.

Еремей 11:8

Но найӧ эз кывзыны Менӧ, эз сибӧдны Менсьым кывъясӧс. Найӧ олісны асланыс лёк да чорыд сьӧлӧмныс серти. Та вӧсна Ме налы паныд бергӧді ставсӧ, мый вӧлі шуӧма тайӧ йитӧдас. Ме тшӧктылі налы овны йитӧд серти, но найӧ эз овны».

Еремей 38:21

А он кӧ сетчы вавилонса ӧксылӧн киподувса юралысьяслы, сэки инас сійӧ, мый Господь петкӧдліс меным:

Шусьӧгъяс 4:4

велӧдіс тадзи: «Менсьым кывъясӧс пукты сьӧлӧмад, тшӧктӧмъясӧс видз да ов на серти.

Шусьӧгъяс 7:2

Ов менам туйдӧдӧм да тшӧктӧмъяс серти, синтӧ моз найӧс видз,

Амос 5:4

Господь тадзи висьталӧ Израиль войтырлы: – Корсьӧй Менӧ, и ловйӧн колянныд.

Амос 5:6

Корсьӧй Господьӧс, и ловйӧн колянныд. Онӧ кӧ корсьӧй, Сійӧ биӧн уськӧдчас Ӧсиплӧн рӧд вылӧ, и биыс ньылыштас ставсӧ, сотчас Вефиль – и сійӧс кусӧдысьыс оз ло.