Еремей 38:12 - Коми Библия 2023

¹² Эфиопияса Эведмелек шуис Еремейлы: «Киняулӧдыд гартышт асьтӧ гезнас, а киссьӧм кӧлуйсӧ гез улас сюйышт». Еремей дзик сідзи и вӧчис.

Еремей 38:12 Referans Kwoze

Ефесӧ 4:32

Ӧта-мӧдныд дінӧ лоӧй бур сьӧлӧмаӧсь да меліӧсь. Енмыс Кристос пыр прӧститіс тіянӧс, сідзкӧ, ті тшӧтш прӧститӧй ӧта-мӧднытӧ.

Римӧ 12:10

Радейтӧй ӧта-мӧднытӧ чой-вокӧс моз, пуктӧй ӧта-мӧднытӧ ассьыд вылӧджык.

Римӧ 12:15

Нимкодясьысьяскӧд нимкодясьӧй, бӧрдысьяскӧд бӧрдӧй.

Еремей 38:7

Эфиопияса Эведмелек нима ыджыд чина морт, коді кесъяліс ӧксы керкаын, кывліс, мый Еремейӧс шыбитӧмаӧсь юкмӧсӧ. Ӧксы тайӧ кадас пукаліс Веняминлӧн дзиръя дорын.

Еремей 38:11

Эведмелек босьтіс аскӧдыс йӧзӧс, локтіс ӧксылӧн керкаӧ да пырис паськӧм видзанінӧ. Сэтысь босьтіс киссьӧм кӧлуй да гезйӧн лэдзис юкмӧсӧ Еремейлы.

Еремей 38:13

Еремейӧс гезйӧн кыпӧдісны юкмӧсысь да колисны ӧксы керка видзысьяслӧн йӧрӧ.