Еремей 37:7 - Коми Библия 2023

⁷ «Господь, Израильлӧн Ен, тадзи висьталӧ: иудаса ӧксылы, коді мӧдӧдіс юавны Менсьым, висьталӧй, мый фараонлӧн тышкайӧзыс, кодъяс вӧлі локтӧны тіянлы отсӧг вылӧ, бӧр бергӧдчасны асланыс муӧ, Египетӧ.

Еремей 37:7 Referans Kwoze

Бӧрданкыв 4:17

Весьшӧрӧ отсӧгсӧ виччысигӧн миян синным мудзис. Башня вывсянь ми дзӧргим, виччысим войтырӧс, но сійӧ эз лок миянӧс мездыны.

Езекиль 17:17

Кор вавилонсаяс лэптасны Ерусалим кар гӧгӧр тымӧдъяс, медым бырӧдны уна йӧзӧс, фараон аслас уна да вына тышкайӧзыскӧд оз отсав сылы тышын.

Еремей 37:3

Седекей ӧксы мӧдӧдіс Еремей пророк дінӧ Шелемейлысь Ехукал писӧ да Софоний попӧс, Маасейлысь писӧ, медым найӧ шуисны пророклы: «Кевмысь миян вӧсна Господьлы, миян Енлы!»

Еремей 21:2

«Еремей, кевмысь Господьлы миян вӧсна, ӧд вавилонса Навукодоносор ӧксы тышӧ петіс миянлы паныд. Гашкӧ, Господь вӧчас шензьӧданатор, и Навукодоносор вешъяс миян дінысь».

Ӧксыяслӧн 4 небӧг 22:18

Иудаса ӧксылы, коді ыстіс тіянӧс шыасьны Господь дінӧ, висьталӧй, мый Господь, Израильлӧн Ен, сійӧ кывъясыс йылысь, мый тэ кывлін, тадзи висьталӧ:

Езекиль 29:16

Израиль войтыр лачасӧ оз нин кут Египет вылӧ. Египеткӧд лоӧмторйыс кутас казьтывны израильсаяслы мыжныс йылысь, мый отсӧгсӧ корисны Египетлысь. Сэки найӧ тӧдмаласны, мый Ме – Господь Ыджыдыс».

Еремей 2:36

Мыйла тэ дугдывтӧг шӧйтан, ӧтарӧ-мӧдарӧ вежлалан ассьыд туйтӧ? Ассур моз Египет янӧдас тэнӧ.

Шусьӧгъяс 21:30

Господьтӧгыд мывкыдлуныс абу, вежӧрыс абу, и туйдӧдӧмыс абу.

Еремей 2:18

Мый бурыс тэныд сыысь, мый тэ мунан Египетӧ, медым юны Нил юысь васӧ? Мый бурыс тэныд сыысь, мый тэ мунан Ассурӧ, медым юны Ефрат юысь васӧ?

Еремей 2:37

Тэ яналӧмӧн кутчысян юрад да петан Египетысь. Ӧд Господь ӧтдортіс найӧс, код вылӧ тэ лача кутан. Найӧ оз отсавны тэныд.

Еремей 21:1

Еремейлы вӧлі Господьсянь кыв, кор Седекей ӧксы мӧдӧдіс Еремей дінӧ Малкийлысь Пашхур писӧ да Софоний попӧс, Маасейлысь писӧ. Седекей ӧксы тшӧктіс шуны сылы:

Еремей 37:5

Сійӧ кадас фараонлӧн тышкайӧзыс петісны Египетысь. Калдеяса тышкайӧз, кодъяс кытшалісны Ерусалим, кылісны та йылысь да ылыстчисны Ерусалим дорысь.

Еремей 37:6

Еремей пророклы вӧлі Господьсянь кыв:

Бӧрданкыв 1:7

Коньӧр туйын олігӧн да оланінтӧг колигӧн Ерусалимлы тӧд вылас уси став бурыс, мый сылӧн водзынсӧ вӧлі. Войтырыс кулӧ дзескӧдысьлӧн киысь, Ерусалимлы некод оз отсав. Дзескӧдысьяс сералӧмӧн видзӧдӧны, кыдзи сійӧс бырӧдӧны.

Езекиль 30:22

Та вӧсна Господь Ыджыдыс тадзи висьталӧ: Ме паныд сувта фараонлы, египетса ӧксылы, да чега сылысь кыкнан кисӧ – дзоньвидзасӧ и чегӧмасӧ. Ме уськӧда шыпуртсӧ сылӧн киысь.

Ӧксыяслӧн 4 небӧг 24:7

Египетса ӧксы эз нин петавлы тышӧ аслас муысь, ӧд вавилонса ӧксы босьтіс Египет кипод улысь став мусӧ Египет мудорса шорсянь Ефрат ю дорӧдз.

Исай 30:7

Египетсянь отсӧгыс весьшӧрӧ, сійӧ нинӧм дон оз сулав. Та вӧсна Ме нимті Египетӧс лӧня пукалысь Рахавӧн.

Исай 36:6

Тэ лача кутан Египет вылӧ, тайӧ чегӧм беддьыс вылӧ. Но мыджсяс кӧ кодкӧ сы вылӧ, сійӧ сатшас сылы ки пыдӧсас да ки пырыс петас. Тадзи фараон, египетса ӧксы, вӧчӧ быдӧнкӧд, коді сы вылӧ лача кутӧ.