Еремей 37:13 - Коми Библия 2023

¹³ Еремей вӧлі петӧ Венямин дзиръяӧд, но карсӧ видзысьяслӧн Ирей нима веськӧдлысь, Хананей Шелемейлӧн пиыс, кутіс сійӧс да шуис: «Тэ кӧсъян пышйыны калдеяса тышкайӧз дінӧ!»

Еремей 37:13 Referans Kwoze

Закар 14:10

Ерусалимсянь лунвыв муыс Гевасянь Риммонӧдз лоӧ ластаӧн. Ерусалим кар сувтас важ местаас, кыптас ставсьыс вылӧ. Сійӧ паськӧдчас Венямин дзиръясянь Воддза да Пельӧс дзиръяясӧдз, Хананел башнясянь ӧксылӧн виноград пычкан гуӧдз.

Еремей 38:7

Эфиопияса Эведмелек нима ыджыд чина морт, коді кесъяліс ӧксы керкаын, кывліс, мый Еремейӧс шыбитӧмаӧсь юкмӧсӧ. Ӧксы тайӧ кадас пукаліс Веняминлӧн дзиръя дорын.

Ап. уджъяс 24:13

Та вӧсна найӧ оз вермыны подулавны ассьыныс мыжалӧмнысӧ.

Ап. уджъяс 6:11

Сэки найӧ кодсюрӧӧс ыззьӧдісны висьтавны, мый сійӧ лёка сёрнитӧ Мӧисей да Ен йылысь, мый найӧ тайӧс асьныс кывлісны.

Лука 23:2

Найӧ мыжалӧмӧн висьталісны: «Ми аддзылім, мый тайӧ Мортыс шызьӧдӧ миянлысь войтырӧс, ӧлӧдӧ кесарлы вот мынтӧмысь, асьсӧ ыдждӧдлӧ ӧксыӧн да Кристосӧн».

Еремей 38:1

Маттанлӧн Шефатай пиыс, Пашхурлӧн Гедалий пиыс, Шелемейлӧн Ехукал пиыс да Малкийлӧн Пашхур пиыс кывлісны, мый висьталіс Еремей став войтырыслы:

Еремей 21:9

Коді кольччас тайӧ карас, сійӧ кулас шыпуртысь, тшыгъялӧмысь да пӧрӧс висьӧмысь. Коді петас карсьыс да сетчас калдеяса тышкайӧзлӧн киӧ, кодъяс кытшалӧмаӧсь тіянӧс, сійӧ ловйӧн коляс да видзас ассьыс олӧмсӧ.

Еремей 20:10

Ме кыла уна йӧзлысь лёк сёрнияс, быд боксянь повзьӧдлӧны менӧ. Найӧ ыззьӧдӧны ӧта-мӧднысӧ, медым вузавны менӧ. Весиг ёртъясӧй виччысьӧны менсьым крукасьӧмӧс, найӧ шуалӧны: «Гашкӧ, сійӧ налькйӧ шедас, сэки ми сійӧс вермам да сылысь водзӧс перъям».

Еремей 18:18

Йӧзыс шуисны: «Локтӧй, сёрнитчамӧй Еремейлы паныд. Локтӧй, лёкӧдамӧй сійӧс, огӧ кывзӧй сійӧс! Миян эм попъяслӧн велӧдӧм, мывкыда йӧзлӧн туйдӧдӧм, пророкъяслӧн кыв».

2 Коринфӧ 6:8

Ми дасьӧсь сибӧдны ошкӧмсӧ и янӧдӧмсӧ, нимӧдӧмсӧ и лёкӧдӧмсӧ. Миянӧс лыддьӧны пӧръясьысьясӧн, но ми веськыда сёрнитам.

Амос 7:10

Вефильса Амасей поп мӧдӧдіс мортӧс израильса Еровам ӧксы дорӧ висьтавны: «Амос кыпӧдӧ Израиль войтырӧс тэныд паныд. Сылӧн сёрниыс бырӧдас мутӧ.

Еремей 38:4

Юралысьяс шуисны ӧксылы: «Тайӧ мортсӧ колӧ вины. Ӧд сылӧн кывъясысь карас кольӧм тышкайӧз да став войтырыс эбӧссьыс усьӧны. Тайӧ мортыс оз бурсӧ кӧсйы тайӧ войтырыслы, а сӧмын лёксӧ».

Еремей 36:12

да муніс ӧксы керкаӧ, гижалысьлӧн вежӧсӧ. Сэні пукалісны юралысьяс: ӧксылӧн гижалысь Элишам, Шемайлӧн Делай пиыс, Акборлӧн Элнатан пиыс, Шафанлӧн Гемарий пиыс, Хананейлӧн Седекей пиыс, тшӧтш мукӧд юралысьяс.

Еремей 28:14

Ӧд Господь Саваоф, Израильлӧн Ен, тадзи висьталӧ: тайӧ войтыръяслӧн сьылі вылӧ Ме ӧшӧда кӧрт сийӧс, медым найӧ кесъяласны вавилонса Навукодоносор ӧксылы. Весиг зверъясӧс Ме сета сылӧн киӧ».

Еремей 27:6

Тайӧ муяссӧ ӧні Ме сета вавилонса Навукодоносор ӧксылы, Аслам кесйӧглы. Весиг зверъясӧс Ме сета, медым найӧ кесъялісны сылы.

Еремей 20:2

вартіс Еремей пророкӧс да дорис тшемилӧ костӧ Веняминлӧн вылысса дзиръя дорӧ, Господьлӧн крамсянь неылын.

Бӧрданкыв 4:18

Дзескӧдысьяс кыйӧдісны миянлысь быд воськов, ми полім весиг ывлаӧ петны. Пом воис миянлы, олан лунъяснымӧс миянлысь лыддьӧма.