Еремей 36:32 - Коми Библия 2023

³² Еремей босьтіс мӧд гижӧд тубрас да сетіс сійӧс Барук гижалысьлы, Нирийлӧн пилы. Еремейлӧн висьталӧм серти Барук гижис сэтчӧ ставсӧ, мый вӧлі гижӧма воддза гижӧд тубрасас, кодӧс биын сотіс иудаса Ехояким ӧксы. Нӧшта вӧлі содтӧма гижӧдас уна пророкалан кыв.

Еремей 36:32 Referans Kwoze

Еремей 36:4

Еремей корис ас дінас Нирийлысь Барук писӧ. Еремейлӧн висьталӧм серти Барук гижис гижӧд тубрасӧ ставсӧ, мый Господь висьталіс Еремейлы.

Еремей 36:18

Барук вочавидзис налы: «Еремей висьталіс, а ме гижи найӧс чернилаӧн гижӧд тубрасӧ».

Восьтӧм 22:18

Ме эскӧда быдӧнӧс, коді кылӧ тайӧ небӧгсьыс водзвыв висьталӧмасӧ: коді содтас мыйкӧ тайӧ кывъясыс дінӧ, Енмыс мӧдӧдас сылы бырӧданторъяс, мый йылысь гижӧма тайӧ небӧгас.

Римӧ 16:22

Чолӧмала тіянӧс Господьсянь тшӧтш ме, Тертий, тайӧ гижӧдсӧ гижысь.

Даниил 3:19

Сэки Навукодоносор ёна скӧрмис Шадрак, Мешак да Аведнего вылӧ, сылӧн весиг чужӧмыс вежсис. Сійӧ тшӧктіс ломтыны пач воддза дорысь сизим пӧв жарджыка на.

Еремей 36:23

Кор Ехуди лыддьывліс гижӧд тубрасысь куим-нёль юкӧн, ӧксы вундывліс лыддьӧм юкӧнъяссӧ пуртӧн, кутшӧмӧн гижалысь вӧдитчӧ, да шыбитліс найӧс ломтысьысь нажӧгӧ. Тадзи сійӧ бырӧдіс биын ставнас гижӧд тубрассӧ.

Левит 26:28

Ме скӧрмӧмӧн тіянлы паныд сувта да сизим пӧвстӧн мыжда тіянӧс мыжъяссьыныд.

Левит 26:24

Ме тшӧтш [скӧрмӧмӧн] тіянлы паныд сувта, сизим пӧвстӧн мыжда тіянӧс мыжъяссьыныд.

Левит 26:21

Весиг та бӧрын кӧ ті Меным паныд сувтанныд да онӧ кутӧй кывзысьны Менсьым, Ме сизим пӧвстӧн мыжда тіянӧс мыжъяссьыныд.

Левит 26:18

Весиг та бӧрын кӧ ті онӧ кутӧй кывзысьны Менсьым, Ме сизим пӧвстӧн мыжда тіянӧс мыжъяссьыныд.

Петӧм 34:1

Господь шуис Мӧисейлы: «Вӧч кык изпӧв, воддза кодьӧс. [И кай Ме дінӧ керӧс вылӧ.] Изпӧвъяс вылас Ме гижа кывъяссӧ воддза изпӧвъясысь, мый тэ жугӧдін.

Даниил 7:1

Вавилонса Валтасар ӧксылӧн медводдза веськӧдлан воӧ, кор Даниил куйліс аслас вольпасьын, вӧтнас сылы вӧліны аддзылӧм-петкӧдчылӧмъяс. Сійӧ гижис ассьыс вӧтсӧ.