Еремей 36:26 - Коми Библия 2023

²⁶ Ӧксы тшӧктіс аслас рӧдысь Ерахмеэллы, Азриэллӧн Серай пилы да Авдиэллӧн Шелемей пилы босьтны Барук гижалысьӧс да Еремей пророкӧс, но Господь дзебис найӧс.

Еремей 36:26 Referans Kwoze

Псалтыр 91:1

Псалом. Сьылӧны шойччан лунӧ.

Ӧксыяслӧн 3 небӧг 19:14

Илля вочавидзис: «Господьӧй, Тэ – Ен Саваоф. Ме век кесъялі тэныд став сьӧлӧмсянь. Израиль войтыр ӧтдортіс Тэнсьыд йитӧдтӧ, мый Тэ кӧрталін накӧд. Найӧ жуглісны Тэнсьыд висьпуктанінъястӧ, виалісны шыпуртӧн пророкъястӧ, ӧтнам ме ловйӧн коли. Ӧні корсьӧны вины тшӧтш менӧ».

Ӧксыяслӧн 3 небӧг 19:10

Илля вочавидзис: «Господьӧй, Тэ – Ен Саваоф. Ме век кесъялі тэныд став сьӧлӧмсянь. Израиль войтыр ӧтдортіс Тэнсьыд йитӧдтӧ, мый Тэ кӧрталін накӧд. Найӧ жуглісны Тэнсьыд висьпуктанінъястӧ, виалісны шыпуртӧн пророкъястӧ, ӧтнам ме ловйӧн коли. Ӧні корсьӧны вины тшӧтш менӧ».

Ӧксыяслӧн 3 небӧг 17:3

«Мун татысь асыввылӧ да дзебсьы Йӧрдан мӧдлапӧлӧ Керит шор дорӧ.

Ап. уджъяс 12:11

Сэки Петыр воис ас садяс да шуис: «Ӧні ме збыльысь тӧда, мый Господь мӧдӧдіс Ассьыс анделсӧ, мед мездыны менӧ Ирӧд киысь да иудей войтырлӧн меным дасьтӧм лёк вӧчӧмысь».

Исай 26:20

Менам войтырӧй, мунӧй асланыд гортӧ да йигнасьӧй! Дзебсьӧй дженьыдик кад кежлӧ, кытчӧдз оз лӧнь Господьлӧн скӧрлуныс.

Псалтыр 64:2

Енмӧй, Тэнӧ ошкӧны Сионын, вайӧны Тэныд кыв сетан висьяс [Ерусалимын].

Псалтыр 27:5

Ӧд найӧ нинӧмӧ пуктӧны Господьлысь уджъяссӧ, Сылысь вӧчӧмторъяссӧ. Та вӧсна Сійӧ пасьвартас найӧс, и бӧрсӧ кок выланыс оз сувтӧд.

Иоан 8:20

Тайӧ кывъяссӧ Исус висьталіс крамын велӧдігӧн, сьӧм чукӧртан куд дорын. Сэки Сійӧс некод эз босьт, ӧд Сылӧн кадыс эз на во.

Еремей 36:19

Сэки юралысьяс шуисны Баруклы: «Мунӧй да дзебсьӧй Еремейкӧд, медым некод эз тӧд, кӧнӧсь ті».

Еремей 36:5

Еремей шуис Баруклы: «Менӧ йӧртісны, ме ог вермы мунны Господьлӧн крамӧ.

Псалтыр 57:1

Сьылысьясӧн веськӧдлысьлы. Сьылӧны ”Эн бырӧд” шылад улӧ. Давидлӧн кывбур.

Псалтыр 32:7

Ыджыд чукӧрӧ Сійӧ чукӧртіс саридзса ваяс, Аслас видзанінӧ пуктіс джуджыд юяс.

Ӧксыяслӧн 3 небӧг 18:4

Кор Езавель виаліс Господьлысь пророкъясӧс, Авдий отсаліс сё пророклы дзебсьыны кырта горсъясӧ: быд горсйӧ дзебсисны ветымын мортӧн. Авдий вердіс-юкталіс найӧс сэні.

Иоан 11:57

Аркирейяс да фарисейяс водзвыв тшӧктісны йӧзыслы, мый аддзас кӧ кодкӧ Исусӧс, мед юӧртас та йылысь, медым найӧ вермисны кутны Исусӧс.

Иоан 8:59

Сэки найӧ босьтісны изъяс да кӧсйисны лыйлыны Исусӧс, но Исус саймовтчӧмӧн петіс крамсьыс да муніс сэтысь.

Иоан 7:32

Кор фарисейяс кылісны Исус йылысь татшӧм сёрнисӧ, аркирейяскӧд ӧтвыв найӧ мӧдӧдісны крам видзысьясӧс кутны Исусӧс.

Еремей 2:30

Весьшӧрӧ Ме нӧйтлі тіянлысь челядьнытӧ, найӧ эз сибӧдны Менсьым туйдӧдӧмӧс. Чашйысь лев моз тіян шыпуртныд бырӧдліс пророкъяснытӧ [но тайӧ тіянӧс эз повзьӧд].

Еремей 1:19

Найӧ кутасны тышкасьны тэкӧд, но тэнӧ оз вермыны, ӧд Ме тэкӧд, – висьталӧ Господь. – Ме мезда тэнӧ».

Ӧксыяслӧн 3 небӧг 17:9

«Мун Сидон муӧ да кольччы Сарепта карӧ. Ме тшӧкті ӧти дӧвалы сэні вердны-юктавны тэнӧ».

Псалтыр 121:8

Аслам вокъяс да матыссаяс вӧсна ме шуа: «Лӧнь олӧм тэныд!»

Ӧксыяслӧн 3 небӧг 22:26

Израильса ӧксы шуис: «Нуӧдӧй Микейӧс карса юралысь Амон дінӧ да ӧксылӧн Йоас пи дінӧ.

Ӧксыяслӧн 4 небӧг 11:2

Но Ахазийлӧн Ехошева нима чойыс, Иорам ӧксылӧн нылыс, гусьӧн пышйӧдіс Ахазийлысь Йоас писӧ ӧксылӧн мукӧд пиян пӧвстысь, кодъясӧс вӧлі шуӧма вины. Йоасӧс да сійӧс нёньӧдысьӧс Ехошева дзебис узьлан жырйӧ. Татшӧм ногӧн мездісны Йоасӧс Аталия киысь, и Йоас ловйӧн коли.

2 Каднебӧг 18:26

Шуӧй налы, мый ӧксы тшӧктӧ йӧртны Микейӧс дзескыдінӧ да сетны сылы сӧмын нянь да ва, кытчӧдз ӧксы бӧр оз лок тыш вылысь».

Псалтыр 105:15

Енмыс сетіс налы корӧм сертиныс, но мӧдӧдіс сьӧкыд висьӧм.

Еремей 26:24

Но Еремейӧс дорйис Шафанлӧн Ахикам пиыс, эз сет войтырлы вины сійӧс.

Еремей 38:6

Найӧ босьтісны Еремейӧс да гезйӧн лэдзисны сійӧс Малкийлӧн юкмӧсӧ. Малкий вӧлі ӧксылӧн пиыс, и сылӧн юкмӧсыс сулаліс ӧксы керка видзысьяслӧн йӧрын. Ваыс сэні эз вӧв, вӧлі сӧмын нюйт. Еремей вӧйис тайӧ нюйтас.