Еремей 35:15 - Коми Библия 2023

¹⁵ Ме выльысь и выльысь мӧдӧдлі тіян дінӧ Ассьым кесйӧгъясӧс – пророкъясӧс. Ме тшӧкті налы юӧртны тіянлы: бергӧдчӧй асланыд лёк туй вылысь, вӧчӧй бурсӧ, энӧ юрбитӧй мукӧд енъяслы да энӧ кесъялӧй налы, сэки ті кутанныд овны сійӧ муас, мый Ме сеті тіянлы да тіян батьяслы. Но ті энӧ сибӧдӧй Менсьым кывъясӧс, энӧ кывзӧй Менӧ.

Еремей 35:15 Referans Kwoze

Еремей 18:11

Ӧні висьтав Иуда войтырлы да Ерусалимын олысьяслы, мый Господь тадзи висьталӧ: Ме дасьта тіянлы лёксӧ, Ме мӧдӧда тіянлы шог. Бергӧдчӧй асланыд лёк туйясысь, бӧрйӧй бур туйсӧ да вӧчӧй бурсӧ.

Ап. уджъяс 26:20

Медводз Дамаскын да Ерусалимын, сэсся став Иудея му пасьтала, сэсся нин ентӧдтӧмъяслы висьтавлі, мед бергӧдчасны мыжъяссьыныс Енлань да олӧмнас петкӧдласны тайӧс.

Еремей 22:4

Ті кӧ кутанныд овны тайӧ кывъясыс серти, сэки тайӧ керка дзиръяӧд пырасны ӧксыяс, кодъяс пукалӧны Давидлӧн юралан пуклӧсын. Найӧ локтасны тайӧ карас тарантасъясӧн да вӧвъясӧн. Накӧд тшӧтш локтасны налӧн кесъялысьясыс да налӧн войтырыс.

1 Фессалоникаӧ 4:8

Сідзкӧ, тайӧ тшӧктӧмсӧ ӧтдортысь оз мортӧс ӧтдорт, а Енсӧ, коді сетіс миянлы Ассьыс Вежа Ловсӧ.

Лука 10:16

Тіянӧс кывзысь Менӧ кывзӧ, тіянӧс ӧтдортысь Менӧ ӧтдортӧ, а Менӧ ӧтдортысь ӧтдортӧ Менӧ Мӧдӧдысьӧс».

Еремей 34:14

сизимӧд вонас лэдзны вӧля вылӧ ассьыныс еврей вокъяснысӧ, кодъяс асьнысӧ вузалісны кесйӧг пыдди. Татшӧм мортыс мед кесъялас квайт во, а сэсся сійӧс колӧ лэдзны вӧля вылӧ. Но тіян батьясныд эз кывзыны Менӧ, эз сибӧдны Менсьым кывъясӧс.

Еремей 26:13

Веськӧдӧй ассьыныд туйяснытӧ, вӧчӧй бурсӧ да кывзысьӧй Господьлысь, асланыд Енлысь, сэки Господь вежас Ассьыс шуӧмсӧ да оз вӧч сійӧ лёксӧ, мый шуис вӧчны тіянлы.

Еремей 4:14

– Ерусалим, сӧстӧммӧд ассьыд сьӧлӧмтӧ лёксьыс, сэки тэ мездман. Дыр-ӧ на тэ пондан видзны сьӧлӧмад лёк мӧвпъястӧ?

Еремей 4:1

– Израиль, тэ кӧ бергӧдчан, – висьталӧ Господь, – тэ кӧ бергӧдчан Ме дінӧ да вештан Менам син водзысь зывӧк идолъястӧ, сэки дугдан шӧйтнытӧ.

Еремей 3:14

«Бергӧдчӧй Ме дінӧ, кывзысьтӧм войтырӧй, – висьталӧ Господь, – ӧд Ме – тіян Верӧсныд. Весиг кӧ карын коляс ӧти морт, чужанкотырын – кык морт, Ме босьта найӧс да вайӧда Сионӧ.

Индӧд 30:20

да радейтінныд Господьӧс, ассьыныд Ентӧ, кывзысинныд Сылысь да кутчысинныд Сы дінӧ. Сэки ті кутанныд дыр овны сійӧ муас, мый Господь [Ен] кыв сетӧмӧн кӧсйысис сетны тіян батьяслы – Ӧвраамлы, Исааклы да Яковлы».

Петӧм 20:3

Эн юрбит мукӧд енъяслы Меысь ӧтдор.

Индӧд 6:14

Мукӧд енъяслы, тіян гӧгӧр олысь войтыръяслӧн енъяслы, энӧ юрбитӧй,

Еремей 11:8

Но найӧ эз кывзыны Менӧ, эз сибӧдны Менсьым кывъясӧс. Найӧ олісны асланыс лёк да чорыд сьӧлӧмныс серти. Та вӧсна Ме налы паныд бергӧді ставсӧ, мый вӧлі шуӧма тайӧ йитӧдас. Ме тшӧктылі налы овны йитӧд серти, но найӧ эз овны».

Еремей 13:10

Тайӧ лёк войтырыс оз кӧсйы кывзыны Менсьым кывъясӧс. Найӧ олӧны асланыс чорыд сьӧлӧмныс серти, юрбитӧны-копрасьӧны да кесъялӧны мукӧд енъяслы. Найӧ лоӧны сісьмӧм вӧнь кодьӧсь, нинӧм вылӧ оз нин шогмыны.

Еремей 23:22

Найӧ кӧ вӧліны Ме дінын, кор Ме туйдӧді пророкъясӧс, найӧ эськӧ Менам войтырлы висьталісны Менсьым кывъясӧс, бергӧдісны эськӧ найӧс лёк туйсьыныс да лёк уджъяссьыныс.

Еремей 25:4

Господь выльысь и выльысь мӧдӧдліс тіян дінӧ Ассьыс кесйӧгъяссӧ, пророкъясӧс, но ті энӧ кывзӧй да энӧ сибӧдӧй налысь кывъяссӧ.

Еремей 26:5

да онӧ кутӧй кывзыны Меным кесъялысь пророкъяслысь кывъяссӧ, сэки тайӧ крамыскӧд Ме вӧча Силом каркӧд моз, а тайӧ карыслысь нимсӧ Ме вӧча ёран кывйӧн мувывса войтыръяслы. Ӧд Ме выльысь и выльысь ыстылі пророкъясӧс тіян дінӧ, но ті энӧ кывзӧй найӧс».

Еремей 29:19

Ӧд найӧ эз кывзыны Менсьым кывъясӧс, – висьталӧ Господь. – Ме выльысь и выльысь ыстылі на дінӧ Меным кесъялысь пророкъясӧс, медым найӧ висьталісны Менсьым кывйӧс. Ті тадзи жӧ энӧ кывзӧй, – висьталӧ Господь.

Еремей 32:33

Найӧ бергӧдісны Меланьӧ мышнысӧ, а эз чужӧмнысӧ. Ме выльысь и выльысь велӧдлі найӧс, но найӧ эз кывзыны, эз сибӧдны Менсьым туйдӧдӧмӧс.

Еремей 36:3

Гашкӧ, Иуда чужанкотыр кылас, кутшӧм шог Ме шуи мӧдӧдны налы, да бергӧдчас аслас лёк туй вылысь. Сэки Ме прӧстита налысь лёк вӧчӧмнысӧ да мыжнысӧ».