Еремей 34:22 - Коми Библия 2023

²² Ме бӧр вайӧда найӧс тайӧ карыс дорӧ, – висьталӧ Господь. – Менам тшӧктӧм серти найӧ уськӧдчасны тайӧ карыс вылӧ, босьтасны сійӧс да сотасны биӧн. Иудаса каръясӧс Ме вӧча овтӧминӧн, сэні оз коль олысьыс».

Еремей 34:22 Referans Kwoze

Еремей 9:11

– Ме вӧча Ерусалим карӧс из чукӧрӧн, шакалъяслы оланінӧн. Иудаса каръясӧс Ме вӧча овтӧминӧн, сэні некод оз кут овны.

Еремей 39:8

Ӧксылысь керкасӧ да войтырыслысь керкаяссӧ калдеяса тышкайӧз сотісны биӧн, Ерусалим карлысь стенъяссӧ жугӧдісны.

Еремей 52:13

Сійӧ сотіс Ерусалимысь Господьлысь крамсӧ, ӧксылысь керкасӧ да став ыджыд керкасӧ.

Еремей 52:7

карсӧ кытшалысь калдеяса тышкайӧз жугӧдісны карса стенсӧ. Войнас иудаса тышкайӧз петісны Ерусалим карысь дзиръяӧд, мый вӧлі кыкпӧвста стенмас ӧксылӧн сад дорын. Найӧ пышйисны Йӧрдан ковтыслань.

Еремей 44:22

Господь эз нин вермы терпитны тіянлысь лёк да зывӧк вӧчӧмнытӧ. Та вӧсна тіян муныд лои овтӧминӧн да повзьӧдчанторйӧн, сійӧс ёрӧма, и ӧні олысьыс сэні абу.

Еремей 33:10

Господь тадзи висьталӧ: ті шуаланныд, мый тайӧ муыс – овтӧмин, тані морт ни ыж-мӧс оз ов. Но тані, иудаса каръясын да ерусалимса уличьяс вылын, кодъяс ӧні кушӧсь, кӧні абу морт ни ыж-мӧс, бара кутас кывны

Матвей 22:7

Ӧксы кывлас та йылысь да ёна скӧрмас. Сійӧ мӧдӧдас ассьыс тышкайӧзсӧ вины морт виысьясӧс, а карсӧ тшӧктас сотны.

Закар 7:14

Ме разӧді найӧс войтыръяс пӧвстӧ, кодъясӧс найӧ эз тӧдлыны водзын. Налӧн эновтӧм муыс кушмис, сэтчӧ некод эз кут волыны. Тадзи на вӧсна бур муныс пӧри овтӧминӧ.

Закар 1:12

Сэки андел шыасис Господь дінӧ: «Господь Саваоф, дыр-ӧ на Тэ он бурсьӧлӧмтчы Ерусалим да мукӧд Иуда каръяс дінӧ? Сизимдас во нин Тэ скӧралан на вылӧ».

Микей 7:13

А сэтчӧс муыс лоӧ овтӧминӧн сэні олысьяслӧн лёк уджъясныс вӧсна.

Амос 3:6

Карас кӧ кылӧ буксан шы, войтырыс ӧмӧй оз повзьы? Суас-ӧ карӧс шог, оз кӧ Господь тайӧс лэдз?

Бӧрданкыв 1:1

Ӧтнас сулалӧ кар, а коркӧ вӧлі йӧзӧн тырӧма! Ӧні сійӧ дӧва кодь, а коркӧ вӧлі войтыръяс пӧвстын ыджыд. Сійӧ ыджыдаліс ӧксыув муяс вылын, а лои вот мынтӧм могысь уджалысьӧн.

Еремей 38:23

Став тэнсьыд гӧтыръястӧ да челядьтӧ нуӧдасны калдея войтыр дінӧ, и ачыд тэ он жӧ мездмы налӧн киысь. Тэ шедан вавилонса ӧксы киӧ, а тайӧ карсӧ сотасны биӧн».

Еремей 32:29

Тайӧ карсӧ кытшалысь калдеяса тышкайӧз пырасны татчӧ. Найӧ сотасны карсӧ керкаяснас, кӧні вевт вылас тшынӧдчисны Ваал идоллы да вайисны вина вись мукӧд енъяслы, и тадзи дӧзмӧдісны Менӧ.

Еремей 4:7

Сук вӧрысь петӧ лев, локтӧ войтыръясӧс бырӧдысь. Сійӧ петӧ аслас оланінысь, медым пазӧдны тэнсьыд мутӧ. Тэнсьыд каръястӧ лоӧ кисьтӧма-жугӧдӧма, сэні оз коль олысьыс.

Исай 64:10

Тэнад вежа каръясын некод оз ов, Сион лои овтӧминӧн, Ерусалим – кушинӧн.

Исай 37:26

Но тэ ӧмӧй эн кывлы, мый ставсӧ тайӧс Ме важысянь нин дасьті? Ме водзысяньыс мӧвпышті та йылысь, а ӧні збыльмӧді тайӧс тэ пыр – тэ пазӧдін зумыд каръяс, найӧ лоины из чукӧръясӧн.

Исай 24:12

Карыс кушмӧма, дзиръяясыс жугалӧмаӧсь.

Исай 13:3

Ме тшӧкті Аслам вежаяслы чукӧртчыны, Ме чукӧсті Ассьым вына йӧзӧс, Менам вынӧн нимкодясьысьясӧс, медым найӧ збыльмӧдісны Менсьым скӧрлунӧс.

Исай 6:11

Сэсся ме юалі: «Господьӧй, дыр-ӧ тадзи лоӧ?» Сійӧ вочавидзис: «Кытчӧдз каръяс оз кушмыны, керкаясын оз коль олысьыс, и муыс дзикӧдз оз энды.

2 Каднебӧг 36:17

Господь мӧдӧдіс калдеяса ӧксыӧс, медым сійӧ уськӧдчис Иуда войтыр вылӧ да виис шыпуртӧн вежа крамын налысь зонъяссӧ. Господь эз жалит [Седекейӧс,] зонъясӧс, нывъясӧс, пӧрысь да олӧма йӧзӧс, Сійӧ ставнысӧ сетіс калдеяса ӧксы киӧ.

Ӧксыяслӧн 2 небӧг 16:11

Сэсся Авишайлы да тышкайӧзлы Давид шуис: «Менам кӧ пиӧй, аслам вир-яйсянь чужысьӧй, корсьӧ вины менӧ, мый позьӧ виччысьны Веняминлӧн писянь? Кольӧй сійӧс. Мед лёкӧдас. Сылы, буракӧ, Господь тшӧктӧма.

Ӧксыяслӧн 4 небӧг 25:6

Седекей ӧксыӧс кутісны да вайӧдісны вавилонса ӧксы дінӧ Ривлаӧ, и сэні сійӧс мыждісны.

Еремей 34:2

«Господь, Израильлӧн Ен, тадзи висьталӧ: мун да юӧрт иудаса Седекей ӧксылы, мый Господь тадзи висьталӧ: Ме сета тайӧ карсӧ вавилонса ӧксы киӧ, и сійӧ сотас карсӧ биӧн.

Еремей 50:13

Господьлӧн скӧралӧм вӧсна сэні оз ло олысьыс, сійӧ лоӧ овтӧминӧн. Вавилонӧс бырӧдӧмысь сы дорті мунысьясӧс полӧм босьтас.

Езекиль 13:22

Ылӧдлӧмнаныд ті шогӧдінныд веськыда олысьясӧс, кодъясӧс Ме эг кӧсйы шогӧдны. Ті ышӧданныд-ёнмӧданныд лёк вӧчысьясӧс, и найӧ оз бергӧдчыны лёк туйсьыныс, медым ловйӧн кольны.

Ӧксыяслӧн 4 небӧг 25:9

Сійӧ сотіс Ерусалимысь Господьлысь крамсӧ, ӧксылысь керкасӧ да став ыджыд керкасӧ.

Еремей 2:15

Том левъяс эргӧны сы вылӧ, кылӧ налӧн равзӧм шыыс. Израиль мусӧ найӧ вӧчисны овтӧминӧн, сылысь каръяссӧ пазӧдісны, сэні эз коль олысьыс.