Еремей 34:1 - Коми Библия 2023

¹ Кор вавилонса Навукодоносор ӧксы аслас тышкайӧзкӧд да сылӧн киподувса муясысь тышкайӧзкӧд кытшаліс Ерусалим кар да сы гӧгӧрысь каръяссӧ, сэки Еремейлы вӧлі Господьсянь кыв:

Еремей 34:1 Referans Kwoze

Еремей 1:15

Ме чукӧста войвылын олысь войтыръясӧс, – висьталӧ Господь. – Найӧ локтасны да ассьыныс юралан пуклӧснысӧ сувтӧдасны Ерусалим карлӧн дзиръя дорӧ да карса стенъяс гӧгӧр, тшӧтш Иуда му пасьтала быд карӧ.

Еремей 32:2

Тайӧ кадас вавилонса ӧксылӧн тышкайӧзыс вӧлі кытшалӧмаӧсь Ерусалим кар. Еремей пророкӧс вӧлі йӧртӧма иудаса ӧксылысь керкасӧ видзысьяслӧн йӧрӧ.

Даниил 5:19

Сылӧн ыджыдалан вынысь, мый сетіс сылы Енмыс, полісны-тіралісны войтыръяс, чужанкотыръяс да быд кыла йӧз. Кодӧс ӧксы кӧсйис, сійӧс и виис, кодӧс кӧсйис, сійӧс ловйӧн колис, кодӧс кӧсйис, сійӧс кыпӧдіс, кодӧс кӧсйис, сійӧс лэдзис.

Даниил 4:22

Тэнӧ вӧтласны йӧз дінысь, и тэ пондан овны пемӧсъяскӧд ӧтлаын. Ӧшкӧс моз тэнӧ пондасны вердны турунӧн, тэнӧ пондас кӧтӧдны лысва. Тадзи лоӧ сизим во чӧж, кытчӧдз тэ он гӧгӧрво, мый Медвылыссаыс ыджыдалӧ мувывса став йӧзыс вылын да пуктӧ ӧксыӧ, кодӧс кӧсйӧ.

Даниил 4:1

Ме, Навукодоносор, лӧня олі аслам керкаын, ме вӧлі шуда аслам ӧксы керкаын.

Еремей 34:7

Буретш тайӧ кадас вавилонса ӧксылӧн тышкайӧзыс кытшалісны Ерусалим, Лакиш да Азека каръяс. Иудаса став каръяс пӧвстысь сӧмын тайӧ изкаръяссӧ абу вӧлі пасьвартӧма.

Еремей 21:2

«Еремей, кевмысь Господьлы миян вӧсна, ӧд вавилонса Навукодоносор ӧксы тышӧ петіс миянлы паныд. Гашкӧ, Господь вӧчас шензьӧданатор, и Навукодоносор вешъяс миян дінысь».

Еремей 32:1

Иудаса Седекей ӧксылӧн дасӧд веськӧдлан воӧ, а Навукодоносорлӧн дас кӧкъямысӧд веськӧдлан воӧ Еремейлы вӧлі Господьсянь кыв.