38 Найӧ лоӧны Менам войтырӧн, а Ме – налӧн Енмӧн.
Ме сета налы сэтшӧм сьӧлӧм, мый найӧ тӧдмаласны Менӧ, тӧдмаласны, мый Ме – Господь. Найӧ лоӧны Менам войтырӧн, а Ме – налӧн Енмӧн, ӧд найӧ бергӧдчасны Ме дінӧ став сьӧлӧмсяньныс.
Вермысьлы Ме сета тайӧс ставсӧ. Ме лоа сылӧн Енмӧн, а сійӧ – Менам пиӧн.
Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.
Сійӧ лоӧ Менам оланінӧн на пӧвстын. Ме лоа налӧн Енмӧн, а найӧ лоӧны Менам войтырӧн.
Господьӧй, ставныс видзӧдӧны Тэ вылӧ лача кутӧмӧн, Тэ сетан налы сёянсӧ ас кадӧ.
Тайӧ коймӧд юкӧнсӧ Ме нуӧда би пыр, сывда эзысьӧс моз, весала зарниӧс моз. Найӧ шыасясны Ме дінӧ, и Ме вочавидза налы. Шуа: «Ті – Менам войтыр», а найӧ воча шуасны: «Господь – миян Ен!»
Ті кутанныд овны сійӧ муас, мый Ме коркӧ сеті тіян батьясныдлы. Ті лоанныд Менам войтырӧн, а Ме лоа тіян Енмӧн.
Сійӧ кадас, – висьталӧ Господь, – Ме лоа израильса быд чужанкотырлӧн Енмӧн, а найӧ – Менам войтырӧн.
Ті лоанныд Менам войтырӧн, а Ме – тіян Енмӧн.
Сійӧ лунсянь и водзӧ Израиль войтыр кутас тӧдны, мый Ме – Господь, налӧн Ен.
Ме кӧртала тэкӧд да тэсянь чужысьяскӧд нэмъяс кежлӧ йитӧд, Ме лоа тэнад да тэсянь чужысьяслӧн Енмӧн.
Но найӧ кӧсйисны овмӧдчыны бурджык муӧ – енэжӧ. Та вӧсна Енмыс оз яндысь шуны Асьсӧ налӧн Енмӧн, ӧд Сійӧ дасьтіс налы кар.
Ме некодӧс ог коль, а ставнысӧ бӧр чукӧрта асланыс муӧ мукӧд войтыръяс пӧвстысь, кытчӧ разӧдлі найӧс. Сэки израильсаяс тӧдмаласны, мый Ме – Господь, налӧн Ен.
Няньсьыд, винасьыд да олив выйсьыд дасӧд юкӧнсӧ, тшӧтш ыж-мӧскыдлысь медводдза чужысьсӧ, сёй аслад Господь Ен водзын сійӧ местаас, мый Сійӧ бӧръяс Аслас нимлы оланінӧн. Тадзи тэ велӧдчан повны Господьысь, аслад Енмысь, став олан лунъяс чӧжыд.
Найӧ оз пондыны мырсьыны-уджавны весьшӧрӧ, оз кутны чужтыны челядьӧс шог вылӧ. Ме, Господь, бурсиа найӧс, тшӧтш налысь челядьсӧ.
Ме ог вунӧд Ассьым йитӧдӧс, мый Ме кӧрталі тэкӧд том кадад, а вынсьӧда сійӧс пыр кежлӧ.
Тэ вӧчин Израиль войтырӧс Аслад войтырӧн пыр кежлӧ. И Тэ, Господьӧй, лоин налӧн Енмӧн.
