Еремей 32:24 - Коми Библия 2023

²⁴ Со, кар гӧгӧрыс вӧрӧг кыпӧдӧма тымӧд, медым босьтны сійӧс. Калдеяса тышкайӧз кытшалӧны тайӧ карсӧ, и сійӧс лоӧ сетӧма налӧн киӧ. Карса олысьясӧс лоӧ бырӧдӧма шыпуртӧн, тшыглунӧн да пӧрӧс висьӧмӧн. Инӧ сійӧ, мый Тэ водзвыв висьтавлін, и ӧні Тэ аддзан тайӧс.

Еремей 32:24 Referans Kwoze

Еремей 33:4

Господь, Израильлӧн Ен, тадзи висьталӧ: вӧрӧглӧн тымӧдысь да шыпуртысь тайӧ карыслӧн керкаясыс да иудаса ӧксыяслӧн керкаясыс киссясны.

Еремей 32:36

Ті шуаланныд тайӧ карыс йылысь, мый сійӧс лоӧ сетӧма вавилонса ӧксы киӧ, и карса олысьясӧс лоӧ бырӧдӧма шыпуртӧн, тшыглунӧн да пӧрӧс висьӧмӧн. Но Господь, Израильлӧн Ен, тайӧ карыс йылысь тадзи висьталӧ:

Индӧд 4:26

Талун енэжыс да муыс водзын шуа, мый татшӧмсӧ вӧчӧм вӧсна ті регыдъя кадӧн быранныд сійӧ му вывсьыс, кодӧс босьтны вуджанныд Йӧрдан ю сайӧ. Ті онӧ дыр кутӧй сэні овны, тіянӧс лоӧ бырӧдӧма.

Закар 1:6

Но Менам кывъясӧй инісны. Сійӧ, мый йылысь Ме ӧлӧдӧмӧн висьтавлі Меным кесъялысь пророкъяс пыр, суис батьяснытӧ. Сэки найӧ бергӧдчывлісны мыжсьыныс шуалӧмӧн: ”Господь Саваоф кыдзи шуис, сідзи и вӧчис. Сійӧ вӧчис миянкӧд асланым бӧрйӧм туйным да лёк вӧчӧмным серти”».

Езекиль 21:22

Тунасигас сылӧн веськыд киас усьӧ пудъясянтор, мый петкӧдлӧ Ерусалим вылӧ. Сійӧ сувтӧдас жуглан керъяс да лэптас тымӧдъяс, медым кисьтны карса стен да дзиръяяс. Сійӧ тшӧктас аслас тышкайӧзлы гораа горзӧмӧн уськӧдчыны кар вылӧ.

Езекиль 14:21

Господь Ыджыдыс тадзи висьталӧ: Ме ыста нёль чорыд мыждӧм Ерусалим вылӧ. Мӧдӧда сэтчӧ шыпурт, тшыгъялӧм, зверъясӧс да пӧрӧс висьӧм, медым бырӧдны йӧзӧс да ыж-мӧскӧс.

Еремей 32:3

Еремейӧс йӧртігӧн иудаса Седекей ӧксы шуис сылы: «Тэ пророкалан, Господь пӧ тадзи висьталӧ: ”Тайӧ карсӧ Ме сета вавилонса ӧксы киӧ, и сійӧ босьтас тайӧ карсӧ.

Матвей 24:35

Енэжыс да муыс бырас, а Менам кывъясӧй оз бырны.

Еремей 52:6

Нёльӧд тӧлысьлӧн ӧкмысӧд лунӧ, кор карас войтырыс ёна тшыгъяліс, и налы нинӧм вӧлі сёйнысӧ,

Еремей 32:25

Господьӧй Ыджыдӧй, Тэ тшӧктін меным эзысь вылӧ ньӧбны видз-му да корны аддзылысь-висьталысьясӧс, но тайӧ карсӧ лоӧ сетӧма калдеяса тышкайӧзлӧн киӧ».

Еремей 24:10

Ме мӧдӧда на вылӧ шыпурт, тшыглун да пӧрӧс висьӧм, кытчӧдз найӧ оз бырны тайӧ му вывсьыс, кодӧс сеті налы да налӧн батьяслы».

Еремей 16:4

Тайӧ муас олысьяс куласны сьӧкыд висьӧмъясысь, на вӧсна некод оз кут бӧрдны, найӧс некод оз гуав, куйӧд моз найӧ кутасны куйлыны му вылас. Найӧ куласны тшӧтш шыпурт да тшыгъялӧм помысь, налӧн шойясӧн пондасны пӧткӧдчыны кырныш-варыш да зверъяс.

Ӧксыяслӧн 2 небӧг 20:15

Йоав аслас тышкайӧзкӧд локтіс сэтчӧ да кытшаліс карсӧ. Карса стен гӧгӧр лэптісны тымӧд, медым сибавны стен дорӧ. Йоав аслас йӧзкӧд пондісны жуглыны стенсӧ.

Исай 37:33

Ассурса ӧксы йылысь Господь тадзи висьталӧ: – Сійӧ оз пыр тайӧ карас, оз лый сэтчӧ ньӧвъяссӧ, оз матыстчы сы дорӧ сайӧдӧн, оз лэпты сы гӧгӧр тымӧд.

Еремей 6:6

Ӧд Господь Саваоф тадзи висьталӧ: – Кералӧй пуяссӧ, Ерусалимлы паныд кыпӧдӧй тымӧд. Тайӧ карас ыджыдалӧ нартитӧм, та вӧсна сійӧс виччысьӧ мыждӧм.

Еремей 20:5

Тайӧ карыслысь озырлунсӧ да эмбурсӧ – ставсӧ, мый могысь тані олысьяс уджалісны, тшӧтш иудаса ӧксыяслысь став донаторсӧ Ме сета вӧрӧг киӧ. Вӧрӧг ставсӧ куштас-мырддялас да нуас аскӧдыс Вавилонӧ.

Еремей 29:18

Ме кута дзескӧдны найӧс шыпуртӧн, тшыглунӧн да пӧрӧс висьӧмӧн. Став мувывса войтыръяслы Ме вӧча найӧс повзьӧдчанторйӧн. Найӧс кутасны ёрны да лёкӧдны-омӧльтны быдлаын, кытчӧ Ме вӧтла найӧс.

Еремей 32:5

Навукодоносор нуӧдас Седекейӧс Вавилонӧ. Седекей лоӧ сэні сэтчӧдз, кытчӧдз Ме ог бурсьӧлӧмтчы сы дінӧ, – висьталӧ Господь. – Ті кутанныд тышкасьны калдеяса тышкайӧзкӧд, но онӧ вермӧй найӧс”».

Еремей 32:28

Та вӧсна Господь тадзи висьталӧ: тайӧ карсӧ Ме сета калдеяса тышкайӧзлӧн киӧ да вавилонса Навукодоносор ӧксы киӧ. Сійӧ босьтас тайӧ карсӧ.

Еремей 34:17

Та вӧсна Господь тадзи висьталӧ: сыысь, мый ті энӧ кывзӧй Менӧ, энӧ лэдзӧй вӧля вылӧ вокъяснытӧ да матыссаяснытӧ, Ме лэдза тіянӧс вӧля вылӧ, – висьталӧ Господь, – ті куланныд шыпуртысь, пӧрӧс висьӧмысь да тшыглунысь. Став мувывса войтыръяслы Ме вӧча тіянӧс повзьӧдчанторйӧн.

Еремей 52:4

Та вӧсна Седекейлӧн ӧкмысӧд веськӧдлан воӧ дасӧд тӧлысьлӧн дасӧд лунӧ вавилонса Навукодоносор ӧксы аслас тышкайӧзкӧд уськӧдчис Ерусалим кар вылӧ. Найӧ кытшалісны карсӧ да лэптісны сы гӧгӧр тымӧд.

Езекиль 26:8

Саридз бокын сулалысь сиктъясын олысьясӧс сійӧ шыпуртӧн виас. Тэ гӧгӧр тымӧд лэптас да водзсасян сайӧдъяс сувтӧдас.

Аввакум 1:10

Тайӧ войтырыс ӧксыясӧс серамтуйӧ пуктӧ, юралысьясӧс омӧльтӧ, изкаръяс вылын тешитчӧ: лэптӧ на гӧгӧр тымӧд да босьтӧ найӧс.

Езекиль 4:2

Карсӧ босьт кытшӧ. Кар гӧгӧрыс лэпты тымӧд, сувтӧдав тышкайӧзӧс да стен жуглан керъяс.

Езекиль 21:27

Жугла-кисьта тайӧ карсӧ, вӧча сійӧс из чукӧрӧн. Тадзи лоас, кытчӧдз оз лок сійӧ, кодлы сетӧма веськыда мыждыны карсӧ. Сэки Ме карсӧ сета сылы.