Еремей 32:21 - Коми Библия 2023

²¹ Тэ петкӧдін Ассьыд Израиль войтыртӧ Египет муысь шензьӧданаторъяс да индысьпасъяс вӧчӧмӧн, Ассьыд вына китӧ нюжӧдӧмӧн да ёна повзьӧдлӧмӧн.

Еремей 32:21 Referans Kwoze

Индӧд 26:8

Господь петкӧдіс миянӧс Египетысь [Аслас ыджыд вынйӧрнас,] Ассьыс вына кисӧ да ён сойсӧ лэптӧмӧн, чорыда повзьӧдлӧмӧн, шензьӧданаторъяс да индысьпасъяс вӧчӧмӧн.

Петӧм 6:6

Висьтав Израиль пиянлы: Ме – Господь. Ме чорыда мыжда Египет войтырӧс, а тіянӧс петкӧда налӧн нартитӧм улысь. Ме нюжӧда киӧс да мезда тіянӧс.

Псалтыр 105:43

Господь унаысь мездыліс найӧс, но найӧ кыпӧдчисны Сылы паныд, асныралӧмнас вӧйисны мыжас.

Псалтыр 105:37

Ныв-пинысӧ найӧ вайлісны вись пыдди пеж ловъяслы,

1 Каднебӧг 17:21

Енмӧй, сюрас-ӧ Тэнад Израиль войтыр кодь мӧдыс? Му вылас олысь войтыръясысь сӧмын на дінӧ Тэ локтін. Локтін, медым мездыны найӧс да вӧчны Аслад войтырӧн, ыдждӧдлыны Ассьыд нимтӧ ыджыд да повзьӧдана уджъяс пыр – Тэ мездін Ассьыд войтыртӧ Египетысь, вӧтлін на водзысь мукӧд войтыръясӧс.

Индӧд 4:34

Некутшӧм ен эз торйӧд аслыс войтыр мукӧд войтыр пӧвстысь чорыд мыждӧмъясӧн, шензьӧданаторъяс да индысьпасъяс вӧчӧмӧн, тыш отсӧгӧн, вына кисӧ да ён сойсӧ лэптӧмӧн, ыджыдсьыс-ыджыд повзьӧданаторъяс вӧчӧмӧн. Но Египетын ті аддзылінныд, мый тадзи вӧчис Господь, тіян Енныд.

Петӧм 13:14

Тэнад пиыд кӧ юалас, мыйла тэ тадзи вӧчан, висьтав сылы: ”Аслас вына кинас Господь петкӧдіс миянӧс Египет муысь нартитӧм улысь.

Петӧм 13:9

Тайӧ тшӧктӧмыс мед лоӧ ки вылад да плешкад пуктӧм пас кодь, медым тэ эн вунӧд Господьлысь Индӧдсӧ, ӧд Господь [Ен] вына кинас петкӧдіс тэнӧ Египетысь.

Петӧм 6:1

Господь шуис Мӧисейлы: «Ӧні тэ аддзан, мый Ме вӧча фараонлы. Ме лэпта киӧс сы вылӧ, и сійӧ лэдзас Менсьым войтырӧс, весиг вӧтлас найӧс аслас муысь».

Индӧд 7:19

Тайӧ чорыда мыждӧмсӧ, [ыджыд] индысьпасъяссӧ да шензьӧданаторъяссӧ ті асланыд синмӧн аддзылінныд. Энӧ вунӧдӧй, кыдзи Господь, тіян Енныд, петкӧдіс тіянӧс Египетысь Ассьыс вына кисӧ да ён сойсӧ лэптӧмӧн. Войтыръяслы, кодъясысь ті поланныд, Господь, тіян Енныд, вӧчас сійӧ жӧ, мый вӧчис египетсаяслы.

Ӧксыяслӧн 2 небӧг 7:23

Енмӧй, сюрас-ӧ Тэнад Израиль войтыр кодь мӧдыс? Му вылас олысь войтыръясысь сӧмын на дінӧ Тэ локтін. Локтін, медым мездыны найӧс да вӧчны Аслад войтырӧн, ыдждӧдлыны Ассьыд нимтӧ, вӧчны налӧн синъяс водзын ыджыд да повзьӧдана уджъяс. Тэ мездін Ассьыд войтыртӧ Египетысь, вӧтлін на водзысь мукӧд войтыръясӧс да налысь енъяссӧ.

Петӧм 3:20

Ме лэпта киӧс да мыжда Египетӧс шензьӧданаторъяс вӧчӧм пыр. Сӧмын та бӧрын фараон лэдзас тіянӧс.

Индӧд 11:3

Сылысь индысьпасъяссӧ да уджъяссӧ, мый Сійӧ вӧчис Египетын фараонлы, египетса ӧксылы, да став сылӧн муыслы.

Исай 63:12

Кӧні Сійӧ, коді нуӧдіс Мӧисейӧс Аслас вына кинас? Кӧні Сійӧ, коді шӧри поткӧдіс саридзсӧ Аслас войтыр водзын, медым нимӧдны Асьсӧ нэмъяс чӧж?