Еремей 31:4 - Коми Библия 2023

⁴ Ме выльысь кыпӧда тэнӧ, и тэнӧ лоӧ кыпӧдӧма, Израиль ныв. Тэ бара босьтан киад тимпан, кутан йӧктыны гажӧдчысьяскӧд.

Еремей 31:4 Referans Kwoze

Еремей 33:7

Ме бергӧда пленысь Иуда да Израиль войтырӧс, воддза мозыс Ме вынсьӧда найӧс.

Еремей 31:13

Нывъяс кутасны долыда йӧктыны, томъяс и пӧрысьяс – ӧтвылысь гажӧдчыны. Налысь бӧрдӧмсӧ Ме вежа нимкодясьӧм вылӧ, гажӧда-бурӧда найӧс шогсьыныс.

Амос 5:2

Усьӧма Израиль ныв, чеччынысӧ оз вермы! Аслас му вылӧ сійӧс шыбитӧма, сійӧс лэптысьыс абу.

Ап. уджъяс 15:16

– Сэсся Ме бӧр бергӧдча да выльысь сувтӧда Давидлысь киссьӧм керкасӧ. Жугласьӧминъяссӧ лӧсьӧда, выльпӧв лэпта сійӧс.

Псалтыр 149:3

Ошкӧй Сылысь нимсӧ йӧктӧмӧн, сьылӧй Сылы тимпанӧн да гуслиӧн ворсӧмӧн.

Лука 15:23

Начкӧй тшӧгӧдӧм кукань. Пондам сёйны-гажӧдчыны талун!

Бӧрданкыв 2:13

Мый меным шуны тэныд, Ерусалим нылӧй, мыйӧн ӧткодявны тэнӧ? Кодкӧд ӧткодявны тэнӧ, Сион нылӧй, медым бурӧдны тэнӧ? Тэнад дойыд саридз кодь ыджыд – коді вермас бурдӧдны тэнӧ?

Ӧксыяслӧн 4 небӧг 19:21

Со татшӧм кыв Господь висьталіс ассурса ӧксы йылысь: – Тэнӧ мустӧмтӧ сӧстӧм Сион ныв, сійӧ лёкӧдӧ тэнӧ. Юрнас довкйӧдлӧ, тэ вылын сералӧ Ерусалим ныв.

Бӧрданкыв 1:15

Господь ӧтдортіс менсьым ён йӧзӧс, индіс-юӧртіс кад, медым бырӧдны менсьым зонъясӧс. Пычкан гуын виноградӧс моз Господь таляліс Иудалысь нывсӧ!

Еремей 31:21

Сувтӧд туй бокад изъяс, сувтӧд аслыд пасъяс, медым эн вунӧд ветлан туйтӧ. Бергӧдчы, Израиль ныв, бергӧдчы аслад каръясӧ.

Еремей 18:13

Та вӧсна Господь тадзи висьталӧ: – Израиль ныв вӧчӧ зывӧксьыс-зывӧк уджъяс. Юалӧй войтыръяслысь, кывліс-ӧ кодкӧ сылӧн кодь уджъяс йылысь.

Еремей 1:10

Талун Ме пукта тэнӧ войтыръяслы юӧртысьӧ, медым нетшкыны да жуглыны, бырӧдны да пазӧдны, выльысь тэчны да вужйӧдны.

Ёрдысьяс 11:34

Еффай бӧр локтіс гортас Миспаӧ. Тимпанӧн ворсӧмӧн да йӧктӧмӧн Еффайӧс вочааліс сылӧн ӧтка нылыс. Мӧд ныв-пиыс сылӧн эз вӧв.

Амос 9:11

Сійӧ лунӧ Ме выльысь сувтӧда Давидлысь киссьӧм керкасӧ. Стен потасъяссӧ Ме дзоньтала, жугласьӧминъяссӧ лӧсьӧда, выльпӧв лэпта сійӧс важ мозыс.

Еремей 14:17

– Висьтав налы тайӧ кывъяссӧ: лун и вой мед киссяс менам синваӧй, мед оз дугдыв менам бӧрдӧмӧй, ӧд менсьым войтырӧс пасьвартӧма, сійӧс сьӧкыда дойдалӧма.

Исай 37:22

Со татшӧм кыв Господь висьталіс ассурса ӧксы йылысь: – Тэнӧ мустӧмтӧ сӧстӧм Сион ныв, сійӧ лёкӧдӧ тэнӧ. Юрнас довкйӧдлӧ, тэ вылын сералӧ Ерусалим ныв.

Псалтыр 30:11

Шогын помасьӧ менам олӧмӧй, бӧрдӧмӧн тырӧма олан лунъясӧй. Аслам мыж вӧсна ме дзикӧдз вынтӧмми, менам лыясӧй косьмисны.

Исай 30:32

Выльысь и выльысь Господь кутас нӧйтны сійӧс тимпан да гусли ворсан шы улӧ. Аслас кинас повзьӧдӧмӧн Господь петас сылы паныд тышӧ.

Еремей 24:6

Налы бур вылӧ Ме веськӧда Ассьым синмӧс налань да бӧр бергӧда найӧс тайӧ муас. Ме ёнмӧда найӧс, ог пазӧд, Ме вужйӧда найӧс, ог нетшышт.

Еремей 31:38

Воасны лунъяс, – висьталӧ Господь, – кор тайӧ карсӧ выльысь лоӧ лэптӧма Меным. Сійӧс лэптасны Хананел башнясянь Пельӧс дзиръяӧдз,

Еремей 46:11

Египет ныв, мун Галаадӧ, вай сэтысь бурдӧдчан вый. Но весьшӧрӧ тэ дасьтан бурдӧдчанторъяс, тэнад дойыд оз бурд.

Исай 14:1

Регыд нин воас сійӧ кадыс, кор лоӧ бырӧдӧма Вавилонӧс. Сэки Господь бурсьӧлӧмтчас Яков дінӧ да выльысь бӧръяс Израильӧс – бергӧдас найӧс асланыс муӧ. Йӧз муысь локтысьяс ӧтувтчасны Израиль войтыркӧд