18 Ме кыла Ефремлысь бӧрдӧмсӧ: «Тэ мыждін менӧ, мыждін менӧ асныра ӧшпиӧс моз. Бергӧд менӧ Ас дінад, и ме бергӧдча, ӧд Тэ – Господь, менам Енмӧй.
Найӧ петасны бӧрдӧмӧн, а Ме вайӧда найӧс бурӧдӧмӧн, нуӧда найӧс визув ва дінӧ шыльыд туйӧд, кӧні найӧ оз крукасьны, ӧд Ме – Израиль войтырлӧн бать, Ефрем – Менам медводдза чужысьӧй.
Сьылӧй сьыланкыв, ворсӧй тимпанӧн, ворсӧй мичаа юргысь гуслиӧн да арфаӧн.
Господь нӧйтіс войтырсӧ, но найӧ эз бергӧдчыны Сы дінӧ, эз шыасьны Господь Саваоф дінӧ.
Майбыр сійӧ, кодӧс вежӧрсьӧдӧ Ен, Ставсӧвермысьлысь чирыштӧмсӧ эн ӧтдорт.
Коді муса Меным, сійӧс ме янӧда-чирышта. Сідзкӧ, сьӧлӧмсяньыд зіль бергӧдчыны мыжъяссьыд!
Ен ловзьӧдіс Ассьыс Писӧ, Исусӧс, да мӧдӧдіс Сійӧс медводз тіян дінӧ, медым бергӧдны тіянӧс лёксьыс да бурсины тіянӧс».
Сійӧ чеччас да мӧдӧдчас батьыс ордӧ. Ылісянь на батьыс аддзас писӧ, да сылӧн сьӧлӧмыс нормас. Сійӧ котӧрӧн уськӧдчас пиыслы паныд, сывйыштас да окалас писӧ.
Ме бӧр локта Аслам оланінӧ да кута виччысьны, кытчӧдз найӧ оз гӧгӧрвоны мыжнысӧ да оз пондыны корсьны Менӧ.
Господьӧй, бергӧд миянӧс Асланьыд, и ми бергӧдчам. Бара сет миянлы важ кодь лунъяс.
Господьӧй, бурдӧд менӧ, и ме бурда. Мезды менӧ, и ме мездма, ӧд ме ошка Тэнӧ!
Енмыс шуис: «Ме лэдзи пельпом вывсьыд сьӧкыд ноптӧ, мезді китӧ сьӧкыдтор новлӧдлӧмысь.
Ӧд мый Сійӧ шуис, тайӧ лоис, мый Сійӧ тшӧктіс, тайӧ артмис.
Ті дзикӧдз вунӧдӧмныд ышӧдӧмсӧ, мый ныв-пилы моз шуӧма тіянлы: – Пиӧй, эн увтырт Господьлысь чирыштӧмсӧ, Сылӧн ӧлӧдӧмысь ловнад эн усь.
Ӧд Ачыс Енмыс уджалӧ тіян пытшкын, медым ті кӧсйинныд вӧчны да вӧчинныд Сылӧн бур кӧсйӧмыс серти.
Сійӧ мунас Господь водзын Илля лов-вынӧн, бергӧдас батьяслысь сьӧлӧмсӧ ныв-пиланьыс, кывзысьтӧмъясӧс – веськыда олысьлӧн мывкыдлунӧ, медым дасьтыны войтырсӧ Господьлы».
Сійӧ бергӧдас батьяслысь сьӧлӧмсӧ пиянлань, пиянлысь сьӧлӧмсӧ – батьяслань, медым локтігӧн Ме эг ёр да эг бырӧд мусӧ.
Сэні олысьяс оз кывзысьны, оз сибӧдны туйдӧдӧмсӧ, Господь вылӧ лача оз кутны, оз локны асланыс Ен дінӧ.
Ефрем – велӧдӧм кукань, окотапырысь вартӧ. Ме Ачым пукті сийӧссӧ сылӧн вына сьылі вылӧ. Ефремӧс Ме доддяла, Иуда пондас гӧрны, Яков – агсасьны.
Израиль лои асныра мӧс кодь. Кутас-ӧ Господь ыжъясӧс моз ӧні видзны найӧс паськыд видз вылын?
Воас лун, кор Ефрем керӧсвыв муын кар видзысьяс горӧдасны: ”Чеччӧй, каямӧй Сион керӧс вылӧ Господь Енным дінӧ!”
Господьӧй, Тэнад синмыд кӧсйӧ аддзыны збыльсӧ. Тэ нӧйтан найӧс, но налы веськодь. Тэ бырӧдан найӧс, но найӧ оз кӧсйыны вежӧрсявны. Найӧ чорзьӧдісны асьнысӧ, лоины изйысь чорыдджыкӧсь на, оз кӧсйыны бергӧдчыны Тэ дінӧ.
Яналӧмӧн уськӧдчамӧй муас, юръяндзим мед вевттяс миянӧс, ӧд томдырсянь да ӧніӧдз ми да миян батьясным мыж вӧчим асланым Господь Енлы паныд. Ми эгӧ кывзӧй Господьӧс, ассьыным Енмӧс.
Весьшӧрӧ Ме нӧйтлі тіянлысь челядьнытӧ, найӧ эз сибӧдны Менсьым туйдӧдӧмӧс. Чашйысь лев моз тіян шыпуртныд бырӧдліс пророкъяснытӧ [но тайӧ тіянӧс эз повзьӧд].
Сійӧс нӧйтісны-дойдалісны, Сійӧ сьӧкыдсӧ нуис Ас кӧсйӧм сертиыс, воча эз шуась. Ыжӧс моз Сійӧс нуӧдісны начкыны, шырысь водзын чӧв олысь баля моз Сійӧ эз восьтлы Ассьыс вомсӧ.
Лэчкӧ шедӧм антилопа моз тэнад пияныд вынтӧммисны, куйлӧны быд туйвежын. Найӧ пӧтісны Господьлӧн скӧрлунысь, тэнад Енлӧн чорыда мыждӧмысь.
Гашкӧ, бара нӧйтны тіянӧс, ӧд ті пыр на асныраланныд. Тіян юрныд ставнас доймалӧма, пытшкӧсныд ставнас висьӧ.
Ӧлӧдӧм бӧрын коді асныралӧ, сійӧс тӧдлытӧг лоӧ жугӧдӧма, и сійӧ оз нин бурд.
Вӧвлы – орс, осёллы – домповод, а вежӧртӧмлы – ньӧр.
Пиӧй, эн ӧтдорт Господьлысь чирыштӧмсӧ, эн дӧзмы Сылӧн ӧлӧдӧмысь.
Господьӧй, гажӧд Ассьыд кесйӧгтӧ, Тэныд ме восьта ассьым сьӧлӧмӧс.
Господьӧй, Тэ – миян Батьным. Ӧвраам оз тӧд миян йылысь, Израиль оз тӧд миянӧс, но Тэ – миян Батьным! Важысянь тэнад нимыд – Миян Мездысь.
Вежа чомсянь рытыввылӧ аслас дӧрапас улӧ чомъяссӧ мед паськӧдас Ефрем чужанкотыр аслас тышкайӧзнас. Ефрем чужанкотырлӧн юралысьыс – Аммиудлӧн Элишам пиыс.
Восьт менсьым синмӧс, медым ме аддзи, кутшӧм шензьӧдана Тэнад Индӧдыд.
Сэні тіянлы тӧд выланыд усьӧ лёк оласногныд да уджъясныд, мыйӧн пежалінныд асьнытӧ. Сэки лёк вӧчӧм вӧснаныд ті зывӧктанныд асьнытӧ.
Миянӧс суисны сійӧ сьӧкыдлунъясыс, мый йылысь висьталӧма Мӧисейлӧн Индӧдын, но ми эгӧ шыасьӧй Тэ дінӧ, Господьӧй, миян Енмӧй, эгӧ дугдӧй вӧчны мыжсӧ, эгӧ кутчысьӧй Тэнад збыляд.
Ен аддзис, мый ниневияса олысьяс эновтчисны лёксьыс. Сэки Сійӧ вештіс мыждӧмсӧ на вылысь да эз бырӧд Ниневия карӧс.
Господьысь полысьяс кор сёрнитӧны ӧта-мӧдныскӧд, Господь аддзӧ да кылӧ тайӧс. Сылӧн чужӧмбан водзын казьтылан небӧгӧ гижӧны на йылысь, кодъяс полӧны Господьысь, кодъяс пыдди пуктӧны Сылысь нимсӧ.