Еремей 30:2 - Коми Библия 2023

² «Господь, Израильлӧн Ен, тадзи висьталӧ: ставсӧ, мый Ме висьтавлі тэныд, гиж небӧгӧ.

Еремей 30:2 Referans Kwoze

Еремей 36:32

Еремей босьтіс мӧд гижӧд тубрас да сетіс сійӧс Барук гижалысьлы, Нирийлӧн пилы. Еремейлӧн висьталӧм серти Барук гижис сэтчӧ ставсӧ, мый вӧлі гижӧма воддза гижӧд тубрасас, кодӧс биын сотіс иудаса Ехояким ӧксы. Нӧшта вӧлі содтӧма гижӧдас уна пророкалан кыв.

Исай 30:8

Ӧні мун да гиж тайӧс пӧв вылӧ, гиж тайӧс налы небӧгӧ, медым тайӧ гижӧдыс коляс локтана кад кежлӧ, лоӧ пыр да олас нэмъяс чӧж.

Восьтӧм 1:19

Сідзкӧ, гиж, мый аддзылін, мый эм да мый лоӧ бӧрыннас.

Восьтӧм 1:11

Сійӧ, мый аддзан, гиж да мӧдӧд асияса вичкоясӧ: Ефесӧ, Смирнаӧ, Пергамӧ, Фиатираӧ, Сардисӧ, Филадельфияӧ да Лаодикияӧ».

2 Петыр 1:21

Ӧд пророкалӧм некор эз вӧв мортлӧн кӧсйӧмсянь, сійӧс висьтавлісны Вежа Лов ышӧдӧмсянь Енлӧн вежа йӧзыс.

1 Коринфӧ 10:11

Ставыс тайӧ вӧлі накӧд, медым ӧлӧдны йӧзсӧ. Тайӧс гижӧма, медым велӧдны миянӧс, бӧръя кадас олысьясӧс.

Римӧ 15:4

Став воддза гижӧдсӧ вӧлі гижӧма миянӧс велӧдӧм да бурӧдӧм могысь, медым Гижӧд пырыс ми вермим ёнмыны да зумыд лача кутны.

Даниил 12:4

Но тэ, Даниил, эн восьт тайӧ кывъяссӧ, а тупкы тайӧ небӧгсӧ печатьӧн, кытчӧдз оз во бӧръя кадыс. Сэки унаӧн лыддясны сійӧс, и налӧн тӧдӧмлуныс содас».

Исай 8:1

Господь шуис меным: «Босьт ыджыд пӧв да гиж сэтчӧ гӧгӧрвоана шыпасъясӧн: Магер-Шалал-Хаш-Баз».

Индӧд 31:19

Сідзкӧ, гижӧй аслыныд тайӧ сьыланкывсӧ да велӧдӧй сьывны Израиль пиянӧс. Тайӧ сьыланкывйыс серти Ме мыжда найӧс, найӧ кӧ оз кывзысьны Менсьым.

Петӧм 17:14

Господь шуис Мӧисейлы: «Гиж тайӧс небӧгӧ, медым эз вун, да висьтав Исуслы, мый Ме бырӧда амаликъясӧс да вушта амалик нимсӧ енэж улысь».

Еремей 25:13

Ме вӧча Калдея мулы Аслам кывъяс серти, вӧча ставсӧ, мый Еремей водзвыв висьталіс войтыръяс йылысь да мый гижӧма тайӧ небӧгас.

Еремей 30:1

Еремейлы вӧлі Господьсянь кыв:

Еремей 36:28

«Босьт аслыд мӧд гижӧд тубрас да гиж сэтчӧ став кывъяссӧ, мый вӧлі гижӧма воддза гижӧд тубрасас, кодӧс сотіс иудаса Ехояким ӧксы.