Еремей 30:13 - Коми Библия 2023

¹³ Некод оз тӧждысь тэ вӧсна, медым бурдӧдны тэнӧ, тэнад дойыд оз бурд.

Еремей 30:13 Referans Kwoze

Еремей 46:11

Египет ныв, мун Галаадӧ, вай сэтысь бурдӧдчан вый. Но весьшӧрӧ тэ дасьтан бурдӧдчанторъяс, тэнад дойыд оз бурд.

Еремей 8:22

Галаадын ӧмӧй абу бурдӧдчан выйыс, сэні ӧмӧй абу бурдӧдысьыс? Мыйла менам войтырлӧн оз бурдны дойясыс?

Еремей 33:6

Но Ме бурдӧда тайӧ карас олысьясӧс. Ме бурдӧда налысь дойяссӧ да сета налы тырвыйӧ лӧньлун да веськыдлун.

Еремей 30:17

Ме сета тэныд бурдӧмсӧ, Ме бурдӧда тэнсьыд дойястӧ, – висьталӧ Господь. – Тэнӧ шулісны эновтӧмаӧн, Сионӧн, код вӧсна некод оз тӧждысь.

1 Иоан 2:1

Челядьӧй, гижа тайӧс тіянлы, медым ті энӧ вӧчӧй мыжсӧ. А мыжмас кӧ кодкӧ, тӧдӧй, мый Бать водзын миян эм Дорйысь, веськыда олысь Исус Кристос.

1 Петыр 2:24

Миянлысь мыжъяснымӧс Аслас вир-яйын Сійӧ кыпӧдіс крест вылӧ, медым ми дугдім вӧчны мыжсӧ да олім веськыда. Сылӧн дойясӧн ті бурдінныд.

Наум 3:19

Тэнсьыд дойястӧ некод оз бурдӧд, найӧ ёна висьӧны. Тэ йылысь юӧрсӧ кылысьяс кутасны клопайтны, ӧд унаӧн тӧдлісны тэнсьыд куслытӧм скӧрлунтӧ.

Осий 14:4

Ассур миянӧс оз мезды, вӧвъяс вылӧ лачанымӧс огӧ нин кутӧй, киӧн вӧчӧмторъяснымӧс ми огӧ нин шуӧй асланым енмӧн, ӧд Тэ дінысь батьтӧмъяс аддзӧны буралӧмсӧ.

Осий 6:1

Сьӧкыдаліганыс найӧ пондасны корсьны Менӧ, шуасны: «Бӧр мунамӧй Господь дінӧ! Сійӧ косявліс миянӧс, но Сійӧ и бурдӧдас, Сійӧ дойдаліс миянӧс, но Сійӧ и кӧрталас дойяснымӧс.

Езекиль 22:30

Ме корси Ерусалимысь мортӧс, коді эськӧ ёнмӧдіс стенсӧ, сувтіс Ме водзӧ да сулаліс стен киссьӧминын, медым Ме эг бырӧд мусӧ. Но Ме эг аддзы.

Исай 59:16

Сійӧ аддзис, мый абу мортыс, шензис, мый абу дорйысьыс. Сійӧ вермис Аслас киӧн, Сылӧн веськыдлуныс лои Сылы отсӧгӧн.

Исай 1:6

Юрсянь кок пыдӧсӧдзныд абу дзониныс: гӧгӧр дой, лӧзӧдӧм да орзьӧм. Найӧс абу весалӧма, абу кӧрталӧма, абу мавтӧма выйӧн.

Псалтыр 142:4

Менам лолӧй дзикӧдз нюкыртчӧма, менам сьӧлӧмӧй полӧмӧйла топалӧма.

Псалтыр 106:23

Кодсюрӧ кывтісны корабльяс вылын саридзӧд, сэні перйисны аслыныс кынӧмпӧт.

Иов 34:29

Енмыс кӧ чӧв ланьтас, коді вермас мыжавны Сійӧс? Енмыс кӧ вевттяс чужӧмбансӧ, коді вермас аддзыны Сійӧс? Сійӧ ыджыдалӧ войтыр вылын и торъя морт вылын,

Иов 5:18

Ӧд Сійӧ дойдӧ, Сійӧ и кӧрталӧ дойтӧ, Сійӧ вачкӧ, Сылӧн киыс и бурдӧдӧ.

Индӧд 32:39

Видзӧдӧй, тайӧ – Ме, Ме – Енмыс, Меысь кындзи мӧд Енмыс абу. Ме виа и олӧм сета, Ме дойдала и бурдӧда. Менам киысь некод оз мезды.

Петӧм 15:26

Ен шуис: «Ті кӧ кутанныд кывзыны асланыд Господь Енлысь гӧлӧс шысӧ да вӧчны Сы водзын шогманасӧ, кутанныд кӧ кывзыны Сылысь индӧд-тшӧктӧмъяссӧ да овны на серти, Ме ог мӧдӧд тіян вылӧ весиг ӧти висьӧм, кутшӧмӧс мӧдӧдлі Египет вылӧ, ӧд Ме – Господь [тіян Енныд], тіянӧс Бурдӧдысь».

Еремей 17:14

Господьӧй, бурдӧд менӧ, и ме бурда. Мезды менӧ, и ме мездма, ӧд ме ошка Тэнӧ!

Еремей 14:19

– Господьӧй, Тэ ӧмӧй дзикӧдз ӧтдортін Иудаӧс? Тэ ӧмӧй мустӧмтан Сионӧс? Мыйла Тэ сэтшӧма дойдалін миянӧс, мый огӧ вермӧй бурднысӧ? Ми виччысим лӧнь олӧм, но нинӧм бурыс эз ло миянлы. Ми виччысим бурдӧм, но воис повзьӧдан кад.

Еремей 6:7

Кыдзи ва петанінысь ылькйӧ-петӧ ва, тадзи тайӧ карсьыс петӧ лёкыс. Сэні ыджыдалӧ виалӧм-дзескӧдӧм да мырддялӧм, висьӧм да дойяс оз вешйывны Менам син водзысь.

Езекиль 30:21

«Морт пиӧй, Ме чеги фараонлысь, египетса ӧксылысь, кисӧ. Некод оз гартышт сылысь кисӧ, медым киыс бурдіс. Сылӧн киыс оз вынсяв, оз вермы кутны шыпурт.

Бӧрданкыв 2:13

Мый меным шуны тэныд, Ерусалим нылӧй, мыйӧн ӧткодявны тэнӧ? Кодкӧд ӧткодявны тэнӧ, Сион нылӧй, медым бурӧдны тэнӧ? Тэнад дойыд саридз кодь ыджыд – коді вермас бурдӧдны тэнӧ?