Еремей 3:16 - Коми Библия 2023

¹⁶ Кор ті соданныд да рӧдманныд тайӧ му вылас, – висьталӧ Господь, – сэки оз нин кутны сёрнитны Господьлӧн Йитӧд куд йылысь, оз нин кутны мӧвпавны сы йылысь, оз казьтыштны да оз гажтӧмтчыны сы вӧсна. Кудсӧ выльысь оз нин вӧчны.

Еремей 3:16 Referans Kwoze

Езекиль 37:26

Ме пыр кежлӧ кӧртала накӧд лӧньлун вайысь йитӧд да сета налы тайӧ мусӧ. Вӧча найӧс уна лыда войтырӧн да пыр кежлӧ сувтӧда на пӧвстӧ Ассьым вежаинӧс.

Исай 65:17

Со, Ме вӧча выль енэж да выль му. Важсӧ лоӧ вунӧдӧма, некод оз кут казьтывны сы йылысь.

Матвей 3:9

Энӧ лысьтӧй мӧвпавны, мый тіян батьныд Ӧвраам. Висьтала тіянлы: тайӧ изъясысь Ен вермӧ вӧчны Ӧвраамлы ныв-писӧ.

Еремей 31:8

Ме вайӧда Ассьым войтырӧс войвыв муысь, чукӧрта найӧс му помъясысь. На пӧвстын лоасны синтӧмъяс и чотысьяс, нӧбасьысьяс и чужтысьяс, ыджыд чукӧрӧн найӧ бӧр бергӧдчасны татчӧ.

Еремей 30:19

Сэтысь бара кутас кывны аттьӧалӧм да гажӧдчысьяслӧн гӧлӧс шыныс. Ме рӧдмӧда найӧс, и налӧн лыдыс оз кут чинны. Ме нимӧда найӧс, и найӧс оз кутны увтыртны.

Исай 61:4

Найӧ выльысь кыпӧдасны важӧн пазӧдӧм каръяс, овтӧм каръяс пыдди найӧ кыпӧдасны выльясӧс, выльысь лэптасны киссьӧм каръяс, кӧні важӧн нин некод оз ов.

Исай 60:22

На пӧвстысь медічӧтсяньыс чужас сюрс олысь, медся жебсяньыс чужас вына войтыр. Ме, Господь, тэрмася вӧчны тайӧс ас кадӧ.

Матвей 1:11

Иосейлӧн чужӧма Ехояким, Ехоякимлӧн чужӧмаӧсь Еконей да сылӧн вокъясыс. Тайӧ вӧлӧма Израиль войтырӧс Вавилон муӧ вӧтлытӧдз на.

Софоний 3:11

Сійӧ лунӧ тэ он нин кут янӧдны асьтӧ лёк уджъясӧн, мый тэ вӧчлін Меным паныд, ӧд сэки Ме ылыста тэ пӧвстысь вылӧ кыпӧдчысьясӧс, тэ он нин понды ышнясьны Менам вежа керӧс вылын.

Амос 9:9

Ме тшӧкта мукӧд войтыръяслы шердйыны Израиль войтырӧс, пызьӧс моз Ме пожнала найӧс сэтшӧм пож пыр, мый весиг ӧти лыа чир оз усь.

Еремей 31:27

«Воасны лунъяс, – висьталӧ Господь, – кор Израиль да Иуда муын Ме рӧдмӧда йӧзӧс да пемӧсъясӧс.

Еремей 7:4

Ті шуанныд: ”Тані Господьлӧн крамыс, Господьлӧн крамыс, Господьлӧн крамыс”. Тайӧ шуӧмнас энӧ ылӧдлӧй асьнытӧ, мый ставыс бур.

Еремей 3:17

Сійӧ кадас Ерусалим карсӧ шуасны Господьлӧн юралан пуклӧсӧн. Став войтыръясыс чукӧртчасны Ерусалимӧ, медым ыдждӧдлыны Господьлысь нимсӧ. Найӧ оз нин кутны овны асланыс лёк да чорыд сьӧлӧмныс серти.

Езекиль 15:5

Сотчытӧдзыс кӧ эз шогмы сыысь мыйкӧ вӧчны, сотчӧм бӧрас ӧмӧй шогмас?