Еремей 28:1 - Коми Библия 2023

¹ Иудаса Седекей ӧксылӧн нёльӧд веськӧдлан воӧ, витӧд тӧлысьӧ, Господьлӧн крамын попъяс да став войтырыс дырйи Азурлӧн Хананей пиыс, Гаваонысь пророк, шуис меным:

Еремей 28:1 Referans Kwoze

Еремей 27:1

Кор Иуда муын ӧксыӧ пуксис Иосейлӧн Ехояким пиыс, Еремейлы вӧлі Господьсянь кыв.

Нав Исус 9:3

Но кор Гаваон карса олысьяс тӧдмалісны, мый Исус вӧчис Ерикон да Гай каръяслы,

Еремей 37:13

Еремей вӧлі петӧ Венямин дзиръяӧд, но карсӧ видзысьяслӧн Ирей нима веськӧдлысь, Хананей Шелемейлӧн пиыс, кутіс сійӧс да шуис: «Тэ кӧсъян пышйыны калдеяса тышкайӧз дінӧ!»

Еремей 36:12

да муніс ӧксы керкаӧ, гижалысьлӧн вежӧсӧ. Сэні пукалісны юралысьяс: ӧксылӧн гижалысь Элишам, Шемайлӧн Делай пиыс, Акборлӧн Элнатан пиыс, Шафанлӧн Гемарий пиыс, Хананейлӧн Седекей пиыс, тшӧтш мукӧд юралысьяс.

Еремей 28:11

Став войтырыс дырйи Хананей шуис: «Господь тадзи висьталӧ: кык во мысти тадзи жӧ Ме жугӧда став войтыръяслӧн сьылі вылысь вавилонса Навукодоносор ӧксылысь сийӧссӧ». Сэсся Еремей пророк муніс аслас туйӧд.

Еремей 27:12

Став тайӧ кывъяссӧ ме юӧрті тшӧтш иудаса Седекей ӧксылы: «Лэдзӧй асланыд сьылі вылӧ пуктыны вавилонса ӧксылысь сийӧссӧ, кесъялӧй сылы да сылӧн войтырыслы, и ті ловйӧн колянныд.

Еремей 27:3

Кӧртӧдъяссӧ да сийӧсъяссӧ мӧдӧд тшӧтш эдомса ӧксылы, моавса ӧксылы, аммон войтырлӧн ӧксылы, тирса ӧксылы да сидонса ӧксылы юӧр вайысьяс пыр, кодъяс локтісны Ерусалимӧ иудаса Седекей ӧксы дінӧ.

Еремей 23:28

Пророк, коді аддзыліс вӧт, мед висьталӧ сійӧс вӧтӧс моз, а пророк, кодлы вӧлі Месянь кыв, мед висьталӧ Менсьым кывйӧс веськыда». Позяс-ӧ идзас ӧткодявны шобді туськӧд? – висьталӧ Господь. –

Исай 9:15

Юрыс – тайӧ юрнуӧдысьяс да нималана йӧз, а бӧжыс – тайӧ ылӧгвелӧдысь пророкъяс.

Нав Исус 10:12

Сійӧ лунӧ, кор Господь [Ен] сетіс аморейясӧс Израиль пиянлӧн киӧ, Исус шыасис Господь дінӧ израильсаяс водзын. Сійӧ шуис: – Шонді, сувт Гаваон весьтӧ! Тӧлысь, сулав Аялон ковтыс весьтын!

Ӧксыяслӧн 3 небӧг 3:4

Ӧтчыд Соломон муніс Гаваонӧ, мед вись вайны. Буретш сэні сулаліс медшӧр вись ваян мылькйыс. Сэні висьпуктанін вылын Соломон вайис сюрс мында сотан вись.

Ӧксыяслӧн 4 небӧг 24:18

Ӧксыӧ пуксигас Седекейлы вӧлі кызь ӧти арӧс. Дас ӧти во чӧж сійӧ юраліс Ерусалимын. Сылӧн мамыс вӧлі Хамуталь, Ливнаысь Еремейлӧн нылыс.

2 Каднебӧг 36:11

Ӧксыӧ пуксигас Седекейлы вӧлі кызь ӧти арӧс. Дас ӧти во чӧж сійӧ юраліс Ерусалимын.

Еремей 28:5

Но Еремей пророк вочавидзис Хананей пророклы попъяс да став войтырыс дырйи, кодъяс сулалісны Господьлӧн крамын.

Еремей 28:17

Сійӧ жӧ вонас, сизимӧд тӧлысьӧ, Хананей пророк куліс.

Еремей 37:19

Кӧні тіян пророкъясныд, кодъяс юӧртлісны тіянлы, мый вавилонса ӧксы оз пет тышӧ тіянлы да тайӧ муыслы паныд?

Еремей 49:34

Кор Иуда муын ӧксыӧ пуксис Седекей, Еремей пророклы вӧлі Элам му йылысь Господьсянь кыв:

Еремей 51:59

Еремей пророк туйдӧдіс Махсей Нирийлысь Серай писӧ, ӧксылӧн шойччанінъяс вӧсна кывкутысьӧс, кор сійӧ мӧдӧдчис иудаса Седекей ӧксыкӧд Вавилонӧ. Тайӧ вӧлі Седекейлӧн нёльӧд веськӧдлан воӧ.

Осий 7:3

– Ӧксы нимкодясьӧ, мый йӧзыс лёксӧ вӧчӧны, юралысьяс нимкодясьӧны, мый йӧзыс пӧръясьӧны.

Еремей 29:15

Ті шуанныд, мый Господь сетіс тіянлы пророкъясӧс тшӧтш Вавилонын.

Езекиль 13:6

Найӧ аддзӧны абутӧмсӧ, юӧртӧны ылӧгсӧ. Шуӧны, Господь пӧ висьталӧ, но Господь найӧс эз мӧдӧдлы. Та вылӧ видзӧдтӧг найӧ виччысьӧны, мый шуӧм кывныс инас.