Еремей 26:10 - Коми Библия 2023

¹⁰ Кор иудаса юралысьяс кылісны та йылысь, найӧ локтісны ӧксы керкаысь Господьлӧн крам йӧрӧ да пуксисны Выль дзиръя дорӧ.

Еремей 26:10 Referans Kwoze

Еремей 36:10

Господьлӧн крамын, Гемарийлӧн вежӧс бердын, Барук лыддис став войтырыслы гижӧд тубрасысь Еремейлысь кывъяссӧ. Гемарий вӧлі ӧксылӧн гижалысь Шафанлӧн пи. Гемарийлӧн вежӧсыс вӧлі крамбердса вылыс йӧрын, крамӧ пыран выль дзиръя дорын.

Езекиль 22:27

Ерусалимса юралысьяс кыйдӧс чашйысь кӧинъяс кодьӧсь. Озырмӧдчӧм могысь найӧ вир кисьтӧны да йӧзӧс виалӧны.

Езекиль 22:6

Израильса юралысьяс вир кисьтісны Ерусалимын – быдӧн кисьтіс, мыйта вермис.

Еремей 36:25

Сӧмын Элнатан, Делай да Гемарий ёна корисны ӧксыӧс, медым сійӧ эз сот гижӧд тубрассӧ, но ӧксы эз кывзы найӧс.

Еремей 26:24

Но Еремейӧс дорйис Шафанлӧн Ахикам пиыс, эз сет войтырлы вины сійӧс.

Ӧксыяслӧн 4 небӧг 15:35

Но сійӧ эз бырӧд вись ваян мылькъяс, и войтырыс важ мозыс вайліс сэні висьяс да тшынӧдчис. Господьлӧн крам йӧрын Иотам вӧчис Вылыс дзиръя.

Еремей 26:21

Кор Ехояким ӧксы, юралысьяс да тышкайӧзӧн веськӧдлысьяс кылісны Урийлысь кывъяссӧ, сэки ӧксы кӧсйис вины сійӧс. Но Урий кыліс та йылысь да повзьӧмысла пышйис Египетӧ.

Еремей 34:10

Став юралысьясыс да став войтырыс, кодъяс сёрнитчисны ӧксыкӧд, мый лэдзасны кесйӧгъяснысӧ вӧля вылӧ да оз кутны уджӧдны найӧс кесйӧгӧс моз, кывзысисны да лэдзисны ассьыныс кесйӧгъяснысӧ.

2 Каднебӧг 27:3

Господьлӧн крам йӧрын Иотам вӧчис Вылыс дзиръя. Офелын, ерусалимса кар юкӧнын, сійӧ зумыдмӧдіс-дзоньталіс карса стенсӧ.

Еремей 20:2

вартіс Еремей пророкӧс да дорис тшемилӧ костӧ Веняминлӧн вылысса дзиръя дорӧ, Господьлӧн крамсянь неылын.