Еремей 25:34 - Коми Библия 2023

³⁴ – Сыркъялӧй-бӧрдӧй, Иуда войтырӧс видзысьяс, туплясьӧй пӧим пытшкын, Иуда войтырлӧн ыджыдъяс. Воисны тіянӧс начкан да разӧдан лунъяс, ті усянныд-жугаланныд дона дозмук моз.

Еремей 25:34 Referans Kwoze

Еремей 6:26

Менам войтырӧй, пасьтав шогалан паськӧмтӧ, туплясь пӧим пытшкын. Бӧрд, быттьӧ ӧтка пиыд кулӧма, курыда бӧрд, ӧд виччысьтӧг локтас миянӧс бырӧдысь.

Амос 5:11

Ті дзескӧданныд гӧльясӧс, босьтанныд налысь няньсӧ. Та вӧсна лоас тадзи: ті лэптанныд керкаяс кералӧм ыджыд изъясысь, но сэтчӧ онӧ овмӧдчӧй, ті пуктанныд бур виноград йӧръяс, но сэтчӧс вотӧсысь пычкӧм винасӧ онӧ юӧй.

Даниил 11:8

Налысь енъяссӧ, бӧлбанъяссӧ да эзысь-зарниысь вӧчӧм дона дозмук-кӧлуйсӧ сійӧ босьтас аскӧдыс да нуас Египетӧ. Та бӧрын некымын во чӧж сійӧ оз петавлы тышӧ войвывса ӧксылы паныд.

Езекиль 34:20

Та вӧсна Господь Ыджыдыс тадзи висьталӧ: Ме Ачым лоа ёрдысьӧн тшӧг ыж да омӧль ыж костын.

Бӧрданкыв 4:21

Нимкодясь да гажӧдчы, Уц муын олысь эдом войтыр! Тэ кутан юны Енлӧн скӧрлуна дозйысь, коддзымӧныд юан да пасьтӧгыд пӧрччысян.

Еремей 50:27

Виӧй вавилонса тышкайӧзӧс, ӧшъясӧс моз начкӧй найӧс. Курыд шог вавилонсаяслы, ӧд воис налӧн луныс, найӧс мыждан кадыс.

Еремей 48:26

Юктӧдӧй Моавӧс коддзытӧдзыс, ӧд сійӧ кыпӧдчис Господьлы паныд. Мед сійӧ туплясяс аслас вос пытшкын, мед ачыс лоӧ серамтуйын.

Еремей 27:7

Став войтыръясыс пондасны кесъявны сылы, сылӧн пиыслы да пиыслӧн пиыслы, кытчӧдз оз во кад, кор сійӧ аслас войтырыскӧд кутас кесъявны мукӧд войтыръяслы да вына ӧксыяслы.

Еремей 25:36

Иуда войтырӧс видзысьяс бӧрдӧны, Иуда войтырлӧн ыджыдъяс сыркъялӧны, ӧд Господь бырӧдіс налысь йирсянінсӧ.

Еремей 25:23

Ме юктӧді Деданын, Темаын да Бузын олысьясӧс да ставнысӧ, кодъяс шырӧны юрсинысӧ пель боксьыныс.

Еремей 25:12

Но сизимдас во кольӧм мысти Ме мыжда вавилонса ӧксыӧс да сылысь войтырсӧ налӧн лёк вӧчӧмъясысь, – висьталӧ Господь. – Налысь Калдея мусӧ Ме пыр кежлӧ вӧча овтӧминӧн.

Еремей 22:28

«Тайӧ Еконей мортыс ӧмӧй жугалӧм доз, некытчӧ туйтӧм гырнич? Мыйла нӧ сійӧс да сысянь чужысьясӧс шыбитісны налы тӧдтӧм муӧ?»

Еремей 3:19

– Ме, Господь, мӧвпышті, мый войтыръяс пӧвстысь Ме бӧръя тэнӧ, сета тэныд бур му, вичмӧда войтыръяслысь мича мусӧ. Ме чайті, тэ пондан шуны Менӧ Батьӧн да он бергӧдчы Меысь.

Исай 34:6

Господьлӧн шыпуртыс дзоньнас вирӧсь, сэтчӧ сибдӧма гос – тайӧ ыжъяслӧн да кӧзаяслӧн вирыс да межъяслӧн вӧрквывса госыс. Восораын Господьлы вись вайӧны, Эдом му вылын уна пемӧс начкӧны.

Исай 33:1

Курыд шог тэныд, бырӧдысь, кодӧс эз на бырӧдны. Курыд шог тэныд, ылӧдчысь, кодӧс эз на ылӧдлыны. Кор тэ дугдан бырӧднытӧ, тэнӧ асьтӧ бырӧдасны. Кор тэ дугдан ылӧдчынытӧ, тэнӧ асьтӧ ылӧдласны.

Исай 30:14

Сійӧс лоӧ жугӧдӧма, кыдзи гырнич вӧчысь жалиттӧг жугӧдӧ сёй гырничсӧ, мый весиг торпыриг оз сюр жуглассьыс, медым пачысь босьтны биа ӧгыр, гӧптысь гумовтны ва.

Исай 10:12

Кор Господь помӧдз вайӧдас Ассьыс уджсӧ Сион керӧс вылын да Ерусалимын, Сійӧ мынтысяс ассурса ӧксылы сылӧн вылӧ кыпӧдчӧмысь да ышнясьӧмысь.

Исай 2:16

фарсисса корабльяс да став налысь дона эмбурсӧ.

Псалтыр 2:9

Тэ бырӧдан войтыръясӧс кӧрт беддьӧн, сёй дозмукӧс моз жуглан найӧс торпыригӧдз».

2 Каднебӧг 36:10

Во заводитчигас Навукодоносор ӧксы мӧдӧдіс ассьыс йӧзсӧ, медым вайӧдны Еконейӧс Вавилонӧ. Господьлӧн крамысь Вавилонӧ нуисны дона дозмук-кӧлуй. Иудаын да Ерусалимын юравны Навукодоносор пуктіс Еконей рӧдысь Седекейӧс.

Яков 5:5

Ті олінныд тайӧ му вылас лышкыда да быдторнас чӧсмасинныд. Ті тшӧгӧдінныд асьнытӧ, кыдзи пемӧсъясӧс тшӧгӧдӧны начкысян лун кежлӧ.

Исай 34:7

Накӧд тшӧтш начкасны вӧлявывса ӧшъясӧс, ӧшпиянӧс ӧшъяскӧд. Муыс пӧтас налӧн вирӧн, му веркӧсыс йиджтысяс налӧн госӧн.

Еремей 18:22

Мӧдӧд на дінӧ мырддялысь-пазӧдысьясӧс, налӧн керкаясысь мед кылас бӧрдӧм шы. Ӧд найӧ кодйисны гу, медым кыйны менӧ, пуктісны нальк менам коклы.

Еремей 48:38

Моавын став керка вевт вывсянь, изэрдъяс вывсянь кылӧ бӧрдӧм шы. – Ме пасьварті Моавӧс ковтӧм дозйӧс моз, – висьталӧ Господь. –

Осий 8:8

Израильӧс ньылыштӧма! Войтыръяс пӧвстын ӧні сійӧ ковтӧм дозмук кодь.

Закар 10:3

– Ме чорыда скӧрми найӧс видзысьяс вылӧ, найӧс нуӧдысьясӧс Ме мыжда. Господь Саваоф тӧждысяс Аслас ыжъяс вӧсна, Иуда чужанкотыр вӧсна, вӧчас найӧс тышӧ петысь вына вӧвъяс кодьӧн.

Закар 11:3

Кылӧ ыж видзысьяслӧн бӧрдӧм, ӧд налысь йирсянінъяссӧ бырӧдӧма. Кылӧ левъяслӧн равзӧм, ӧд Йӧрдан ю бокысь вӧрсӧ куштӧма.

Еремей 23:1

«Курыд шог Менсьым войтырӧс видзысьяслы, Менсьым ыжъясӧс бырӧдысь-разӧдысьяслы, – висьталӧ Господь. –