Еремей 24:9 - Коми Библия 2023

⁹ Быдлаын, кытчӧ Ме вӧтла найӧс, вӧча найӧс повзьӧдчанторйӧн, и мукӧд войтыръяс кутасны повны, кор тӧдмаласны, мый накӧд лои. Найӧс кутасны лёкӧдны-омӧльтны, серамтуйӧ пуктыны да ёрны.

Еремей 24:9 Referans Kwoze

Еремей 29:18

Ме кута дзескӧдны найӧс шыпуртӧн, тшыглунӧн да пӧрӧс висьӧмӧн. Став мувывса войтыръяслы Ме вӧча найӧс повзьӧдчанторйӧн. Найӧс кутасны ёрны да лёкӧдны-омӧльтны быдлаын, кытчӧ Ме вӧтла найӧс.

Еремей 15:4

Сыысь, мый Езекейлӧн Манассей пиыс, иудаса ӧксы, вӧчис Ерусалимын, Ме вӧча найӧс повзьӧдчанторйӧн, и мукӧд войтыръяс кутасны повны, кор тӧдмаласны, мый накӧд лои.

Индӧд 28:37

Став войтыръяс, кодъяс пӧвстӧ Господь [Ен] вӧтлас тіянӧс, повзясны сыысь, мый лоӧ тіянкӧд. Найӧ лӧсьӧдласны тіян йылысь шусьӧгъяс, серамвыв лэптасны тіянӧс.

Еремей 34:17

Та вӧсна Господь тадзи висьталӧ: сыысь, мый ті энӧ кывзӧй Менӧ, энӧ лэдзӧй вӧля вылӧ вокъяснытӧ да матыссаяснытӧ, Ме лэдза тіянӧс вӧля вылӧ, – висьталӧ Господь, – ті куланныд шыпуртысь, пӧрӧс висьӧмысь да тшыглунысь. Став мувывса войтыръяслы Ме вӧча тіянӧс повзьӧдчанторйӧн.

Ӧксыяслӧн 3 небӧг 9:7

сэки Ме бырӧда Израиль войтырӧс сійӧ му вывсьыс, мый Ме сеті налы. А тайӧ крамсӧ, мый Ме вежӧді-торйӧді Аслым, Ме ӧтдорта Аслам чужӧмбан водзысь, и Израиль войтыр лоӧ серамтуйын войтыръяс пӧвстын.

Еремей 29:22

Иудаысь Вавилонӧ пленӧ нуӧдӧмаяс пондасны ӧта-мӧднысӧ ёрны тадзи: Господь мед вӧчас тэкӧд сійӧ жӧ, мый вӧчис Седекейкӧд да Ахавкӧд, кодъясӧс вавилонса ӧксы сотіс бипур вылын.

Еремей 25:18

Ме юктӧді Ерусалимын да Иуда каръясын олысьясӧс, иудаса ӧксыясӧс да юралысьясӧс, медым вӧчны налысь каръяссӧ из чукӧрӧн да повзьӧдчанторйӧн, сетны найӧс ёрны-омӧльтны. Ставыс ӧніӧдз тадзи.

Исай 65:15

Тіян нимныд лоас ёран кывйӧн Менам кесйӧгъяс пӧвстын, найӧ шуасны: «Господь Ыджыдыс мед на моз виас тэнӧ». Но Ассьым кесйӧгъясӧс Ме нимта мӧд нимӧн.

2 Каднебӧг 7:20

сэки Ме нетшышта тіянӧс Аслам му вылысь, мый Ме сеті тіянлы. А тайӧ крамсӧ, мый Ме вежӧді-торйӧді Аслым, Ме ӧтдорта Аслам чужӧмбан водзысь да серамтуйӧ пукта войтыръяс пӧвстын.

Индӧд 28:25

Господь сетас вӧрӧгныдлы вермыны тіянӧс. Налы паныд ті мунанныд ӧти туйӧд, а пышъянныд наысь сизимлаӧд. Став войтыръяс повзясны сыысь, мый лоӧ тіянкӧд.

Езекиль 26:2

«Морт пиӧй, Ерусалим йылысь Тирын олысьяс нимкодясьӧмӧн шуалӧны, киссьӧма пӧ войтыръяслы пыраніныс, а воссьӧма миянлы. Ми пӧ кутам озырмӧдчыны, а Иерусалимӧс лоӧ куштӧма.

Езекиль 25:3

Тшӧкты налы кывзыны Господь Ыджыдлысь кывсӧ. Господь Ыджыдыс тадзи висьталӧ: ті сералінныд, кор Менсьым вежаинӧс пежалісны, Израиль муӧс куштісны да Иуда войтырӧс нуӧдісны пленӧ.

Еремей 44:22

Господь эз нин вермы терпитны тіянлысь лёк да зывӧк вӧчӧмнытӧ. Та вӧсна тіян муныд лои овтӧминӧн да повзьӧдчанторйӧн, сійӧс ёрӧма, и ӧні олысьыс сэні абу.

Еремей 44:12

Ме бырӧда Иудалысь коляс войтырсӧ, кодъяс шуисны мунны Египет муӧ да овмӧдчисны сэтчӧ. Найӧ ставныс ичӧтсянь гырысьӧдз куласны сэні шыпуртысь да тшыглунысь. Найӧс пондасны ёрны да лёкӧдны-омӧльтны, найӧ лоӧны повзьӧдчанторйӧн.

Еремей 42:18

Господь Саваоф, Израильлӧн Ен, тадзи висьталӧ: ”Кыдзи Менам скӧрлунӧй да ярлунӧй киссис ерусалимса олысьяс вылӧ, тадзи жӧ Менам скӧрлунӧй киссяс тіян вылӧ, кор ті воанныд Египетӧ. Тіянӧс пондасны ёрны да лёкӧдны-омӧльтны, ті лоанныд повзьӧдчанторйӧн, и водзӧ ті онӧ нин аддзылӧй тайӧ мусӧ”.

Еремей 19:8

Тайӧ карсӧ Ме вӧча овтӧминӧн да повзьӧдчанторйӧн. Сійӧс бырӧдӧмысь сы дорті мунысьясӧс полӧм босьтас.

Исай 43:28

Та вӧсна Ме янӧді крамын кесъялысьясӧс, лэдзи бырӧдны Яковӧс, лёкӧдны Израильӧс.

Езекиль 5:8

Та вӧсна Господь Ыджыдыс тадзи висьталӧ: Ерусалим, Ме сувта тэныд паныд да мыжда тэнӧ мукӧд войтыръяслӧн син водзын.

Езекиль 23:46

Господь Ыджыдыс тадзи висьталӧ: кыпӧдӧй йӧзӧс Оголалы да Оголивалы паныд, медым повзьӧдны найӧс да мырддьыны налысь озырлунсӧ.

Еремей 44:13

Кыдзи шыпуртӧн, тшыглунӧн да пӧрӧс висьӧмӧн Ме мыжді Ерусалимын олысьясӧс, тадзи жӧ Ме мыжда найӧс, кодъяс овмӧдчисны Египет муӧ.