Еремей 23:9 - Коми Библия 2023

⁹ Пророкъяс йылысь Еремейлӧн юӧртӧм: – Сьӧлӧмӧй менам жугалӧма, став менам лыясӧй тіралӧны. Господь вӧсна, Сылӧн вежа кывъясыс вӧсна ме лои винаысь коддзӧм морт кодь.

Еремей 23:9 Referans Kwoze

Аввакум 3:16

Ме шызьӧмсӧ кылі да, пытшкӧсӧй тіравны пондіс, вомдорӧй вӧрны кутіс, дойыс лыясӧдз пырис, кокӧй дзӧрны пондіс. Но ме лӧня виччыся сійӧ лунсӧ, кор шогыс суас менам войтыр вылӧ уськӧдчысьясӧс.

Даниил 8:27

Ме, Даниил, дзикӧдз эбӧсысь уси да виси некымын лун чӧж. Сэсся чеччи да бара понді кесъявны ӧксылы. Сійӧ, мый ме аддзылі, ёна чуймӧдіс менӧ, и гӧгӧрвоны эг вермы.

Бӧрданкыв 3:15

Господь вердіс менӧ курыд сёянӧн, юкталіс менӧ курыд юанӧн.

Исай 51:21

Тэ, коді коддзӧмыд, но абу винаысь, коньӧр войтырӧй, кывзы тайӧс.

Псалтыр 60:3

Му пельӧссянь ме шыася Тэ дінӧ шогсян сьӧлӧмӧн. Нуӧд менӧ изкырта вылӧ, кытчӧ ачым ме ог вермы кайнысӧ.

Римӧ 7:9

Водзынсӧ ме олі Индӧдсӧ тӧдтӧг, но тшӧктӧмсӧ кылі да, мыжыс ловзис,

Езекиль 9:6

Виалӧй пӧрысьясӧс и ныв-зонмӧс, челядьӧс и аньясӧс. Бырӧдӧй ставнысӧ, но найӧс, кодлӧн эм пас, энӧ вӧрӧдӧй. Босьтчӧй виавны Менам вежаинсянь». Медводз найӧ виисны крам водзын сулалысь юрнуӧдысьясӧс.

Езекиль 9:4

да шуис сылы: «Мун Ерусалим карӧд да пукты плешканыс пас налы, кодъяс сьӧкыда ышлолалӧны да бӧрдӧны тайӧ карас зывӧк вӧчӧм понда».

Еремей 9:1

Вӧлі кӧ менам пытшкӧсӧй тырӧма синваӧн, и синваӧй кӧ шорӧн визувтіс, ме эськӧ лун и вой бӧрді аслам войтыр пӧвстысь кулӧмаяс вӧсна.

Еремей 5:31

пророкъяс юӧртӧны ылӧгсӧ, попъяс веськӧдлӧны ас кӧсйӧм сертиныс, и Менам войтырлы тайӧ сьӧлӧм сертиныс. Но та бӧрти мый виччысьӧ тіянӧс?

Исай 29:9

Чуймалӧй-шензьӧй, синтӧммӧй, энӧ аддзӧй! Ті кодаланныд, но онӧ вина понда, довъяланныд, но онӧ сур понда.

Исай 28:1

Курыд шог юркытшлы, мыйӧн ошйысьӧны код юра ефремсаяс. Курыд шог нярмӧм дзоридзлы – ефремсаяслӧн мичмӧданторлы да ошйысянторлы. Курыд шог карлы, коді сулалӧ керӧс вылын, бур муа ковтыс весьтын. Сэтчӧс олысьяссӧ вермӧма винаыс.

Исай 6:5

Сэки ме шуи: «Курыд шог меным, менӧ виччысьӧ кулӧм! Ме ӧд пеж вома морт, ола пеж вома войтыр пӧвстын, но ме аддзылі Ӧксыӧс, Господь Саваофӧс».

Еремей 8:18

– Шогӧй топӧдӧ менӧ, менам сьӧлӧмӧй бӧрдӧ!

Еремей 20:9

Ме шуи аслым, мый ог кут казьтывлыны Господь йылысь, ог кут висьтавлыны Сылӧн нимсянь. Но менам сьӧлӧмӧй биӧн ыпъяліс, менсьым лыясӧс сотіс, ме мудзи кутнысӧ, водзӧ ог вермы.

Еремей 36:16

Кывзӧм бӧраныс найӧ повзьӧмӧн видзӧдлісны ӧта-мӧдныс вылӧ да шуисны Баруклы: «Миянлы быть колӧ висьтавны ӧксылы став тайӧ кывъяссӧ».

Езекиль 13:3

Господь Ыджыдыс тадзи висьталӧ: курыд шог мывкыдтӧм пророкъяслы, кодъяс эз аддзывны Енсянь петкӧдчылӧмъяс, но ассяньныс пророкалӧны.