Еремей 23:8 - Коми Библия 2023

⁸ а кутасны кыв сетны ловъя Господь водзын, коді вайӧдіс Израиль войтырсянь чужысьясӧс войвыв муысь да став мусьыс, кытчӧ Сійӧ вӧтліс найӧс. Найӧ пондасны овны асланыс муын».

Еремей 23:8 Referans Kwoze

Езекиль 34:13

Ме вайӧда найӧс мукӧд войтыръяс пӧвстысь, чукӧрта найӧс мукӧд муясысь асланыс муӧ. Ме кута видзны найӧс Израиль керӧсъяс вылын да визувтысь ва дорын – быдлаын, кӧні найӧ кутасны овны.

Софоний 3:20

Сійӧ кадас Ме чукӧрта тіянӧс да бӧр вайӧда гортаныд. Ме нимӧда тіянӧс, и войтыръяс кутасны ошкыны тіянӧс, кор бара сета тіянлы бур олӧм. Асланыд синмӧн ті аддзанныд тайӧс, – висьталӧ Господь.

Езекиль 39:28

Ме некодӧс ог коль, а ставнысӧ бӧр чукӧрта асланыс муӧ мукӧд войтыръяс пӧвстысь, кытчӧ разӧдлі найӧс. Сэки израильсаяс тӧдмаласны, мый Ме – Господь, налӧн Ен.

Езекиль 37:25

Найӧ кутасны овны муын, мый Ме сеті Аслам Яков кесйӧглы. Сэні олісны налӧн батьясныс, и сэні пондасны овны найӧ да налӧн ныв-пиныс, и водзӧ нэмъяс чӧж – насянь чужысьяс. Менам Давид кесйӧгӧй лоӧ налӧн ӧксынас нэмъяс чӧж.

Езекиль 36:24

Ме босьта тіянӧс мукӧд войтыръяс пӧвстысь, чукӧрта быд муысь да вайӧда асланыд муӧ.

Еремей 23:3

Ме чукӧрта Аслам ыжъяслысь коляссӧ став муяссьыс, кытчӧ Ме вӧтлі найӧс, да бӧр бергӧда асланыс йирсянінӧ. Сэні найӧ пондасны чужтысьны-рӧдмыны.

Исай 14:1

Регыд нин воас сійӧ кадыс, кор лоӧ бырӧдӧма Вавилонӧс. Сэки Господь бурсьӧлӧмтчас Яков дінӧ да выльысь бӧръяс Израильӧс – бергӧдас найӧс асланыс муӧ. Йӧз муысь локтысьяс ӧтувтчасны Израиль войтыркӧд

Еремей 8:3

А тайӧ лёк йӧз пӧвстсьыс ловйӧн кольӧмаяслы кулӧмыс лоӧ мусаджык олӧм дорсьыс. Тадзи лоӧ быдлаын, кытчӧ Ме вӧтла найӧс, – висьталӧ Господь Саваоф».

Еремей 16:15

а кутасны кыв сетны ловъя Господь водзын, коді петкӧдіс Израиль войтырӧс войвыв муысь да мукӧд муясысь, кытчӧ Сійӧ вӧтліс найӧс. Ме бӧр вайӧда найӧс асланыс муӧ, мый Ме сеті налӧн батьяслы.

Еремей 29:14

и аддзанныд, – висьталӧ Господь. – Ме бӧр вайӧда тіянӧс пленысь, чукӧрта тіянӧс быд войтыр пӧвстысь, быд муысь, кытчӧ Ме вӧтлі тіянӧс, – висьталӧ Господь, – и бӧр вайӧда сэтчӧ, кытысь Ме мӧдӧді тіянӧс пленӧ.

Еремей 30:3

Воасны лунъяс, – висьталӧ Господь, – кор Ассьым Израиль да Иуда войтыръясӧс Ме бӧр бергӧда пленысь. Господь висьталӧ: Ме бӧр вайӧда найӧс сійӧ муас, мый Ме сеті налӧн батьяслы. Найӧ бара босьтасны сійӧс аслыныс».

Еремей 30:10

– Эн пов, Менам Яков кесйӧгӧй, – висьталӧ Господь, – эн пов, Израиль! Ме вайӧда тэнӧ ылі муысь, мезда тэсянь чужысьясӧс пленысь. Яковлӧн рӧдыс бӧр локтас, сійӧ кутас овны лӧня да повтӧг, сійӧс некод оз кут повзьӧдлыны.

Еремей 31:8

Ме вайӧда Ассьым войтырӧс войвыв муысь, чукӧрта найӧс му помъясысь. На пӧвстын лоасны синтӧмъяс и чотысьяс, нӧбасьысьяс и чужтысьяс, ыджыд чукӧрӧн найӧ бӧр бергӧдчасны татчӧ.

Еремей 32:37

тайӧ карас олысьясӧс Ме чукӧрта быд муысь, кытчӧ Ме вӧтла найӧс ёна лӧгалігӧн да скӧралігӧн. Ме бӧр вайӧда найӧс тайӧ карас, и найӧ кутасны повтӧг овны.

Езекиль 28:25

Господь Ыджыдыс тадзи висьталӧ: Ме чукӧрта Израиль войтырӧс мукӧд войтыръяс пӧвстысь, кытчӧ найӧс вӧлі разӧдӧма. Та пыр Ме петкӧдла Ассьым вежалунӧс мукӧд войтыръяслӧн син водзын. Израиль войтыр пондас овны аслас муын, мый Ме сеті Аслам Яков кесйӧглы.

Йоиль 3:7

Но Ме бӧр вайӧда найӧс сэтысь, кытчӧ ті найӧс вузалінныд. Ме бергӧда лёк вӧчӧмнытӧ ас выланыд.

Исай 11:11

Сійӧ лунӧ Господь бара нюжӧдас Ассьыс кисӧ да бергӧдас Ассьыс коляс войтырсӧ Ассурысь и Египетысь, Патросысь и Эфиопияысь, Эламысь и Сеннарысь, Хаматысь и саридздорса муясысь.

Еремей 16:14

Воасны лунъяс, – висьталӧ Господь, – кор оз кутны кыв сетны ловъя Господь водзын, коді петкӧдіс Израиль войтырӧс Египетысь,

Езекиль 36:35

Сэки шуасны, тайӧ овтӧм муыс пӧ Эдэм сад кодь лоӧма, тайӧ кушмӧм-киссьӧм каръяссӧ пӧ зумыдмӧдӧма да овмӧдӧма.

Микей 7:15

Египет муысь петіганыд ті аддзылінныд шензьӧданаторъяс. Ме тайӧс вӧчи, и ӧні бара вӧча.