Еремей 23:6 - Коми Библия 2023

⁶ Сылӧн веськӧдлан лунъясӧ Иуда войтыр мездмас, Израиль войтыр кутас повтӧг овны. Сылӧн нимыс лоӧ ”Господь – миян веськыдлуныс”.

Еремей 23:6 Referans Kwoze

1 Коринфӧ 1:30

Енмыс йитіс тіянӧс Исус Кристоскӧд, коді лои миянлы мывкыдлуннас. Сы пыр Енмыс вештысис миян вӧсна, вӧчис миянӧс веськыдӧн да вежа войтырӧн.

Еремей 33:16

Сійӧ лунъясӧ Иуда войтыр мездмас, Ерусалимын олысьяс кутасны повтӧг овны. Сылӧн нимыс лоӧ ”Господь – миян веськыдлуныс”.

Филипӧ 3:9

да лои Сы пытшкын веськыдӧн эг Индӧд серти уджъясӧй вӧсна, а Кристослы эскӧм вӧсна. Ӧд веськыдлунсӧ Енмыс сетӧ мортлы сӧмын Кристослы эскӧм пыр.

Римӧ 3:22

Исус Кристослы эскӧм пыр сетӧма веськыдлунсӧ быд эскысьлы, Енмыс некодӧс оз торйӧд.

2 Коринфӧ 5:21

Кристослӧн эз вӧв некутшӧм мыж, но Енмыс пуктіс Сы вылӧ миянлысь мыжъяснымӧс, медым Сы пыр ми лоим Ен водзын веськыдӧн.

Даниил 9:24

Сизимдасысь сизим во индӧма тэнад войтырлы да тэнад вежа карлы, медым дугӧдны лёкнога олӧмсӧ, пуктыны пом лёк вӧчӧмлы да вештыны мыжсӧ, медым пыр ыджыдаліс веськыдлун, медым вынсьӧдны аддзылӧм-петкӧдчылӧмъяс да пророклысь кывсӧ, мавтыштны Вежасьыс-вежаинсӧ.

Еремей 32:37

тайӧ карас олысьясӧс Ме чукӧрта быд муысь, кытчӧ Ме вӧтла найӧс ёна лӧгалігӧн да скӧралігӧн. Ме бӧр вайӧда найӧс тайӧ карас, и найӧ кутасны повтӧг овны.

Еремей 30:10

– Эн пов, Менам Яков кесйӧгӧй, – висьталӧ Господь, – эн пов, Израиль! Ме вайӧда тэнӧ ылі муысь, мезда тэсянь чужысьясӧс пленысь. Яковлӧн рӧдыс бӧр локтас, сійӧ кутас овны лӧня да повтӧг, сійӧс некод оз кут повзьӧдлыны.

Исай 9:6

Ӧд миянлы чужис кага, миянлы сетӧма пи. Ыджыдалӧмсӧ пуктӧма Сылы пельпом вылас. Сылы сетӧма ним: Шензьӧдана Туйдӧдысь, Вына Ен, Пыр олысь Бать, Лӧньлунсӧ вайысь Ӧксы.

Исай 7:14

Но Господь Ачыс петкӧдлас тіянлы пас: со, ныв сьӧктас, сэсся пи чужтас, Эммануил ним Сылы пуктас.

Закар 10:6

Ме вынаӧн вӧча Иуда чужанкотырӧс, мезда Ӧсиплысь рӧдсӧ, Ме бурсьӧлӧмтча на дінӧ да бӧр вайӧда найӧс. Найӧ бара Менам лоӧны, быттьӧ Ме некор эг и эновтлы найӧс. Ме ӧд Господь, налӧн Ен, Ме кыла налысь кевмӧмсӧ.

Закар 3:10

Сэки, – висьталӧ Господь Саваоф, – ті коранныд ёртъяснытӧ да орччӧн олысьяснытӧ ас орданыд, медым виноград да инжир пуяс улын рытпукны.

Софоний 3:13

Израильлӧн коляс войтырыс оз нин кут лёксӧ вӧчны, найӧ оз кутны пӧръясьны, налӧн вомысь оз нин петны ылӧг кывъяс. Ыжъяс моз найӧ пондасны йирсьыны-шойччыны, и некод оз вӧрзьӧд найӧс.

Авдий 1:21

Вермысьяс каясны Сион керӧс вылӧ, медым ыджыдавны Исав керӧс вылын. И Господь лоас сэні ӧксыӧн.

Авдий 1:17

А Сион керӧс вылӧ пышйысьяс мездмасны, сійӧ лоӧ вежаинӧн. Яковсянь чужысьяслы бӧр вуджас налӧн муыс.

Осий 2:18

Сійӧ лунӧ Аслам войтырлы бур вылӧ Ме кӧртала йитӧд зверъяскӧд, енэжвыв лэбачьяскӧд да мувыв гаг-веглясьысьяскӧд. Ме чегъяла ньӧввуж-шыпуртъяс, ылыста налӧн муысь тышъяс да сета налы повтӧг овны.

Осий 1:7

А Иуда войтыр дінӧ Ме лоа бур сьӧлӧма. Ме мезда найӧс, ӧд Ме Господь, налӧн Ен. Мезда найӧс, но ог ньӧввуж-шыпурт помысь, ог тыш пыр да ог вӧв-верзьӧма отсӧгӧн».

Исай 54:17

Но ни ӧти тышкасянтор, мый вӧчӧма тэныд паныд, оз вермы тэнӧ. Быдӧнӧс, коді мыжалӧ тэнӧ, тэ ачыд мыждан. Тадзи лоӧ Господьлӧн кесйӧгъяскӧд. Ме вӧча найӧс веськыдӧн, – висьталӧ Господь.

Исай 35:9

Сэні оз паныдась лев, звер оз тыдовтчы сэні. Сэті ветлӧны сӧмын мездмӧмаяс.

Исай 45:17

Но Господь мездас Израильӧс, сійӧс лоӧ мездӧма пыр кежлӧ! Тіянӧс оз ло янӧдӧма, тіянлы некор оз ло юръяндзим.

Исай 33:22

Господь – миян Мыждысьыс, Господь – миян Юралысьыс, Господь – миян Ӧксыыс, Сійӧ мездас миянӧс!

Исай 2:4

Господь отсалас воны ӧти кывйӧ войтыръяслы, кутас веськыда мыждыны чужанкотыръясӧс. Сэки йӧзыс дорасны шыпуртъясысь гӧръяс, шыясысь – чарлаяс. Войтыръяс ӧта-мӧдныслы паныд оз нин лэптыны шыпуртсӧ, водзӧ оз кутны велӧдчыны тышкасьны.

Ӧксыяслӧн 3 небӧг 4:25

Соломонлӧн ӧксыалӧм дырйи Иуда да Израиль войтыр войвыв Дансянь лунвыв Бер-Шеваӧдз повтӧг олісны. Быдӧн вермис пукавны аслас виноград йӧрын, аслас инжир пу улын.

Исай 42:6

– Ме, Господь, чукӧсті тэнӧ, медым вайны веськыдлунсӧ. Ме кута тэнӧ киӧдыд, Ме видза тэнӧ. Тэ лоан йитӧдӧн Ме да йӧз костын, лоан югыдӧн став войтыръяслы,

Еремей 29:11

Ме тӧда, мый Ме кӧсъя вӧчны тіянлы, – висьталӧ Господь. – Ме кӧсъя вӧчны тіянлы бурсӧ, а ог лёксӧ. Ме сета тіянлы лача да бур олӧм.

Еремей 33:15

Сійӧ кадас Менам кӧсйӧм серти Давид рӧдысь петас веськыда Олысь, Сійӧ кутас веськыда вӧчны да веськыда мыждыны.

Езекиль 21:27

Жугла-кисьта тайӧ карсӧ, вӧча сійӧс из чукӧрӧн. Тадзи лоас, кытчӧдз оз лок сійӧ, кодлы сетӧма веськыда мыждыны карсӧ. Сэки Ме карсӧ сета сылы.

Езекиль 28:26

Найӧ кутасны сэні повтӧг овны, лэптасны керкаяс да пуктасны виноград пуяс. Кутасны повтӧг овны, ӧд Ме мыжда на гӧгӧр олысь войтыръясӧс, кодъяс мустӧмтісны найӧс. Сэки найӧ тӧдмаласны, мый Ме – Господь, налӧн Ен».

Езекиль 38:14

Та вӧсна, морт пиӧй, пророкав Гоглы, мый Господь Ыджыдыс тадзи висьталӧ: сійӧ кадас, кор Менам Израиль войтырӧй кутас повтӧг овны, тэ ӧмӧй он кут тӧдны та йылысь?

Езекиль 48:35

Ставнас карса стенмыс лоӧ дас кӧкъямыс сюрс гырддза кузьта. Тайӧ лунсяньыс Ерусалим карлӧн нимыс лоӧ ”Тані Господь”».

Даниил 9:7

Господьӧй, Тэ веськыда вӧчан, а миянлы ставнымлы ӧні юръяндзим. Ми эновтім Тэнӧ, та вӧсна Тэ вӧтлін миянӧс Иуда муысь, Ерусалимысь да став Израиль муысь ылі да маті муясӧ.

Осий 1:11

Иуда да Израиль войтыр ӧтлаӧ чукӧртчасны, аслыныс ӧти юралысьӧс пуктасны, мунысӧ бӧр босьтасны. Тайӧ луныс Изреельлы лоӧ тӧдчана-ыджыд.

Петӧм 9:26

Сӧмын Гошен муын, кӧні олісны Израиль войтыр, эз вӧв шерыс.

Псалтыр 45:5

Визувтысь юяс гажӧдӧны Енлысь карсӧ, Медвылыссалысь вежа оланінсӧ.

Исай 32:1

Со, ӧксы кутас юравны веськыдлуныс серти, юралысьяс кутасны веськӧдлыны Индӧдыс серти.

Исай 32:18

Сэки менам войтырӧй кутас овны лӧнинын, оланінын, кӧні нинӧмысь повнысӧ, шойччанінын, кӧні нинӧм вӧсна майшасьнысӧ.

Исай 33:5

Господь медвылын, Сійӧ олӧ выліинын. Сион вылын Сійӧ зумыдмӧдас веськыда мыждӧм да веськыдлун.

Еремей 31:23

Господь Саваоф, Израильлӧн Ен, тадзи висьталӧ: «Кор Ме бӧр бергӧда Иуда войтырӧс пленысь, Иуда муын да иудаса каръясын бара кутасны шуавны: ”Мед Господь бурсиас тэнӧ, вежа керӧс, веськыдлуныслӧн оланін!”