Biblia Todo Logo
Bib sou entènèt

- Piblisite -




Еремей 23:4 - Коми Библия 2023

4 Ме бӧръя да сувтӧда налы видзысьясӧс, кодъяс кутасны тӧждысьны на вӧсна, и найӧ оз нин кутны повны-тіравны да оз нин кутны вошны, – висьталӧ Господь».

Gade chapit la Kopi




Еремей 23:4
25 Referans Kwoze  

Эскӧм вӧсна Енлӧн выныс видзӧ тіянӧс мездмӧм вылӧ, и тайӧ мездмӧмыс воссяс бӧръя кадас.


Исус шуис тадзи, медым инісны Сылӧн кывъясыс: «Меным сетӧмаясысь весиг ӧтикӧс эг вошты».


Накӧд муюгыдас олігӧн Ме видзи найӧс, Меным сетӧмаястӧ, Тэнад нимӧн. Ме видзи найӧс, да некод эз вош на пиысь сы кындзи, кодлы колӧ вӧлі вошнысӧ. Тадзи иніс Гижӧдыс.


Виплием-Епрафа, тэ Иуда рӧдысь медічӧтыс! Но Виплием карысь петас Меным Сійӧ, коді лоӧ Израильын Юралысьӧн. Сылӧн петӧм-чужӧмыс важысянь на, нэмъяс пуксьытӧдз.


сідзи жӧ Ме ог ӧтдорт Яковсянь чужысьясӧс да Менам Давид кесйӧгсянь чужысьясӧс. Давид рӧдысь Ме кута бӧрйыны юралысьясӧс, медым веськӧдлыны Ӧвраамсянь, Исааксянь да Яковсянь чужысьясӧн. Ме бергӧда Ассьым войтырӧс пленысь да бурсьӧлӧмтча на дінӧ».


Войтыръяс, кывзӧй Господьлысь кывсӧ, саридз сайын олысьяслы юӧртӧй: «Израиль войтырӧс разӧдысь бӧр чукӧртас найӧс, ыж видзысь моз кутас видзны найӧс».


– Эн пов, Менам Яков кесйӧгӧй, – висьталӧ Господь, – эн пов, Израиль! Ме вайӧда тэнӧ ылі муысь, мезда тэсянь чужысьясӧс пленысь. Яковлӧн рӧдыс бӧр локтас, сійӧ кутас овны лӧня да повтӧг, сійӧс некод оз кут повзьӧдлыны.


Сійӧ лунӧ Господь бара нюжӧдас Ассьыс кисӧ да бергӧдас Ассьыс коляс войтырсӧ Ассурысь и Египетысь, Патросысь и Эфиопияысь, Эламысь и Сеннарысь, Хаматысь и саридздорса муясысь.


да шуисны: «Ми, тэнад кесйӧгъяс, арталім асланым киподувса тышкайӧзӧс. На пӧвстысь некод эз усь тышын.


Аслад бедьнад видз Ассьыд войтыртӧ, Ассьыд ыжъястӧ, кодъяс ас кежысь олӧны Кармил вӧрын. Лэдз налы важ мозыс йирсьыны Васан ыб вылын да Галаад муын.


Ме бергӧдча тіянлань [да бурсиа тіянӧс]. Ме сета тіянлы чужтысьны-рӧдмыны. Тіянкӧд кӧрталӧм йитӧдӧс Ме збыльмӧда.


Ме вайӧда уна йӧзӧс да уна ыж-мӧскӧс, и найӧ кутасны чужтысьны-рӧдмыны. Ме вӧча тіянӧс воддза кодь уна лыда войтырӧн, и воддза дорысь унджык на бурсӧ кута вӧчны тіянлы. Сэки ті тӧдмаланныд, мый Ме – Господь.


Но быдӧн кутас пукавны аслас виноград йӧрын, аслас инжир пу улын, некод оз кут найӧс повзьӧдлыны. Тадзи висьталіс Господь Саваоф.


Израильлӧн коляс войтырыс оз нин кут лёксӧ вӧчны, найӧ оз кутны пӧръясьны, налӧн вомысь оз нин петны ылӧг кывъяс. Ыжъяс моз найӧ пондасны йирсьыны-шойччыны, и некод оз вӧрзьӧд найӧс.


Swiv nou:

Piblisite


Piblisite