Еремей 23:26 - Коми Библия 2023

²⁶ Дыр-ӧ найӧ пондасны висьтавлыны ылӧгсӧ, юӧртны пӧръясьӧмсӧ, мый налӧн сьӧлӧманыс?

Еремей 23:26 Referans Kwoze

Еремей 14:14

Господь шуис меным: «Тайӧ пророкъясыс ылӧгсӧ висьталӧны Менам нимсянь. Ме найӧс эг мӧдӧдлы, эг пуктывлы пророкъясӧ, эг висьтавлы налы. Найӧ висьталӧны тіянлы ылӧг аддзылӧмъяс, ковтӧм юӧртӧмъяс да ассьыныс мӧвпъяссӧ.

2 Тимофейлы 4:3

Ӧд воас кад, кор веськыд велӧдӧмсӧ оз пондыны кывзыны. Йӧзыс ас лёк кӧсйӧм сертиныс бӧръясны велӧдысьясӧс да пондасны кывзыны найӧс.

Ап. уджъяс 13:10

«Тэ, омӧльыслӧн пи, веськыдлуныслы паныд сувтысь, тырӧмыд быдпӧлӧс лёкнас да пӧръясьӧмнас. Чайтан, и водзӧ верман пӧръясьӧмнад чукльӧдлыны Господьлысь веськыд туйсӧ?

Осий 8:5

Самария, тэнсьыд ӧштӧ вештӧма. Менам скӧрлунӧй ыпъялӧ Израиль вылӧ – дыр-ӧ на оз сӧстӧммыны найӧ пежсьыс?

Еремей 17:9

Мортлӧн сьӧлӧмыс наян, сійӧс он вермы вежнысӧ. Коді тӧдӧ мортлысь сьӧлӧмсӧ?

Еремей 13:27

Ме аддзылі тэнсьыд кырсалӧмтӧ да лёкколӧмтӧ, керӧсъяс да видзьяс вылын зывӧк идолъяслы юрбитӧмтӧ. Курыд шог тэныд, Ерусалим! Тэ абу сӧстӧм. Дыр-ӧ на тадзи лоӧ?

Еремей 4:14

– Ерусалим, сӧстӧммӧд ассьыд сьӧлӧмтӧ лёксьыс, сэки тэ мездман. Дыр-ӧ на тэ пондан видзны сьӧлӧмад лёк мӧвпъястӧ?

Исай 30:10

Тӧдысь-аддзысьяслы найӧ шуалӧны: «Дугдӧй аддзыны, мый водзӧ лоас». Пророкъяслы найӧ шуалӧны: «Энӧ висьтавлӧй миянлы збыльсӧ. Висьтавлӧй миянлы лӧсяланасӧ, висьтавлӧй сійӧ, мый миянлы сьӧлӧм серти.

Псалтыр 4:2

Кор ме шыася Тэ дінӧ, вочавидз меным, веськыда вӧчысь Енмӧй! Кор меным вӧлі дзескыд, Тэ восьтін меным петан туйсӧ. Кыв менсьым кевмӧмӧс, ло бур сьӧлӧма ме дінӧ.

2 Петыр 1:21

Ӧд пророкалӧм некор эз вӧв мортлӧн кӧсйӧмсянь, сійӧс висьтавлісны Вежа Лов ышӧдӧмсянь Енлӧн вежа йӧзыс.