Еремей 23:1 - Коми Библия 2023

¹ «Курыд шог Менсьым войтырӧс видзысьяслы, Менсьым ыжъясӧс бырӧдысь-разӧдысьяслы, – висьталӧ Господь. –

Еремей 23:1 Referans Kwoze

Еремей 10:21

Иуда войтырӧс видзысьяс – мывкыдтӧмӧсь, Господьӧс найӧ эз корсьны, та вӧсна налӧн нинӧм эз артмы, и налӧн войтырыс разаліс.

Езекиль 13:3

Господь Ыджыдыс тадзи висьталӧ: курыд шог мывкыдтӧм пророкъяслы, кодъяс эз аддзывны Енсянь петкӧдчылӧмъяс, но ассяньныс пророкалӧны.

Матвей 9:36

Йӧз вылӧ видзӧдігӧн Исуслӧн сьӧлӧмыс нормис, ӧд мудзӧмнысла найӧ вӧліны эбӧстӧм-вынтӧмӧсь, видзысьтӧг кольӧм ыжъяс кодьӧсь.

Еремей 22:22

Тэнсьыд войтыртӧ видзысьясӧс нӧбӧдас тӧвныр, тэнсьыд ёртъястӧ нуӧдасны пленӧ. Став тэнад лёк вӧчӧмысь тэнӧ лоӧ янӧдӧма да увтыртӧма.

Еремей 12:10

Йӧз муысь локтӧм ӧксыяс тшыкӧдісны Менсьым виноград йӧрӧс, талялісны Менсьым видз-муӧс, кушинӧн вӧчисны Менсьым бур муӧс,

Еремей 50:6

Менам войтырӧй вӧлі вошӧм ыж чукӧр кодь, видзысьясныс кежӧдісны найӧс туйсьыс, разӧдісны керӧсвыв му пасьтала. Найӧ шӧйтісны-ветлӧдлісны керӧсъяс да ыбъяс вывті, вунӧдісны ассьыныс оланінсӧ.

Еремей 2:8

Попъяс эз корсьны Господьӧс, Индӧдӧ велӧдысьяс эз тӧдны Менӧ, Менсьым войтырӧс видзысьяс кыпӧдчисны Меным паныд, пророкъяс пророкалісны Ваал нимсянь. Найӧ ставныс юрбитісны идолъяслы, кодъяс отсавны оз вермыны.

Иоан 10:12

Меда морт оз ассьыс ыжъяссӧ видз. Кор сійӧ аддзӧ локтысь кӧинӧс, эновтӧ ыжъяссӧ да пышйӧ. Сэки кӧин косявлӧ ыжъяссӧ, да найӧ разалӧны.

Иоан 10:10

Гусясьысь локтӧ сӧмын гусявны, вины да бырӧдны. А Ме локті сетны олӧм, тырвыйӧ олӧм.

Еремей 23:2

Та вӧсна Ме, Господь, Израильлӧн Ен, тадзи висьтала Менсьым войтырӧс видзысьяслы: ті разӧдінныд-вӧтлінныд Менсьым ыжъясӧс, энӧ тӧждысьӧй на вӧсна. Ӧні Ме мыжда тіянӧс лёк вӧчӧмъясныд вӧсна, – висьталӧ Господь.

Матвей 15:14

Кольӧй найӧс. Найӧ синтӧмӧсь, и синтӧмъясӧс нуӧдӧны. Синтӧм кӧ нуӧдӧ синтӧмӧс, кыкнанныс гуранӧ усясны».

Езекиль 34:31

Ті – Менам ыжъясыс, Менам видз вылысь ыж чукӧрыс. Ті – мувывса йӧз, а Ме – тіян Ен, – висьталӧ Господь Ыджыдыс».

Езекиль 34:21

Коньӧр ыжъяссӧ ті бокнад да пельпомнад йӧткаланныд, сюрнаныд люкаланныд, кытчӧдз онӧ вӧтлӧй найӧс.

Еремей 2:26

Кыдзи гусясьысьӧс кутӧны да янӧдӧны, тадзи юръяндзим лои Израиль войтырлы, сылӧн ӧксыяслы да веськӧдлысьяслы, попъяслы да пророкъяслы.

Иоан 10:8

Меӧдз волысьяс – ставныс гусясьысьяс да лёк вӧчысьяс. Ыжъяс найӧс эз кывзыны.

Еремей 13:17

Ті кӧ онӧ кывзӧй тайӧ кывъяссӧ, менам сьӧлӧмӧй пондас гусьӧн бӧрдны, кутас курыда бӧрдны тіян ышнясьӧм вӧсна. Менам синваӧй пондас лэччыны шорӧн, ӧд Господьлысь войтырсӧ лоӧ нуӧдӧма пленӧ.

Езекиль 36:38

Кыдзи гажӧдчан лунъясӧ Ерусалим кар тырӧма вись пыдди ваян ыжъясӧн, сідзи киссьӧм каръяс тырасны йӧзӧн. Сэки найӧ тӧдмаласны, мый Ме – Господь».

Езекиль 34:1

Меным вӧлі Господьсянь кыв:

Закар 10:3

– Ме чорыда скӧрми найӧс видзысьяс вылӧ, найӧс нуӧдысьясӧс Ме мыжда. Господь Саваоф тӧждысяс Аслас ыжъяс вӧсна, Иуда чужанкотыр вӧсна, вӧчас найӧс тышӧ петысь вына вӧвъяс кодьӧн.