Еремей 22:6 - Коми Библия 2023

⁶ Иудаса ӧксылӧн керка йылысь Господь тадзи висьталӧ: – Ме водзын тэ Галаад кодь, ливанса керӧс йыв кодь, но Ме вӧча тэнӧ овтӧминӧн, кушмӧм карӧн.

Еремей 22:6 Referans Kwoze

Исай 6:11

Сэсся ме юалі: «Господьӧй, дыр-ӧ тадзи лоӧ?» Сійӧ вочавидзис: «Кытчӧдз каръяс оз кушмыны, керкаясын оз коль олысьыс, и муыс дзикӧдз оз энды.

Микей 3:12

Тіян вӧсна Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.

Исай 27:10

Кушмас-тыртӧммас зумыд кар, оланінъяссӧ йӧзыс колясны-эновтасны, кар пыдди лоӧ овтӧмин. Сэні пондасны куйлыны да йирсьыны куканьяс, найӧ кушӧдз йирасны пуяслысь коръяссӧ.

Еремей 26:18

«Иудаса Езекей ӧксылӧн веськӧдлан кадӧ пророкавліс морешетса Микей. Сійӧ юӧртліс став Иуда войтырыслы, мый Господь Саваоф тадзи висьталӧ: – Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.

Еремей 9:11

– Ме вӧча Ерусалим карӧс из чукӧрӧн, шакалъяслы оланінӧн. Иудаса каръясӧс Ме вӧча овтӧминӧн, сэні некод оз кут овны.

Еремей 7:34

Иудаса каръясын да ерусалимса уличьяс вылын нимкодясьӧмлы да гажӧдчӧмлы Ме пукта пом, водзӧ оз кут кывны верӧспулӧн да гӧтырпулӧн гӧлӧс шыныс, ӧд тайӧ муыс лоӧ овтӧминӧн.

Олӧм 37:25

Сёйны пуксиганыс вокъяс аддзисны, мый налань локтӧны верблюдъяс. Тайӧ измаил войтыр нуисны Галаадсянь Египетӧ чӧскыд дука сиръяс, мавтасъяс да ладан.

Еремей 22:24

«Весиг кӧ тэ, Еконей, иудаса ӧксы, Ехоякимлӧн пиыс, вӧлін Менам веськыд киын чунькытшӧн, Ме кыв сета, – висьталӧ Господь, – мый и сэки эськӧ нетшышті тэнӧ Аслам чуньысь.

Еремей 21:14

Ме мыжда тіянӧс уджъясныдлӧн вотӧсыс серти, – висьталӧ Господь. – Тіян вӧрын Ме песта би, и сійӧ ставсӧ гӧгӧр ньылыштас.

Еремей 21:11

– Иудаса ӧксы керкаын олысьяслы висьтав: кывзӧй Господьлысь кывсӧ,

Еремей 4:20

Выльысь и выльысь локтӧ бырӧдӧм, мусӧ ставнас куштӧма. Виччысьтӧг пазӧдісны менсьым чомъясӧс, ӧти здукӧн косялісны чом дӧраясӧс.

Сьылан 5:15

Сылӧн кокыс мрамор сюръя кодь, зарни подув вылӧ сувтӧдӧма. Сылӧн мыгӧрыс Ливан керӧс кодь, ыджыд сус пу кодь.

Индӧд 3:25

Ыджыдӧй, лэдз меным вуджны Йӧрдан ю да видзӧдлыны сэтчӧс бур мусӧ – мича керӧсвыв му да Ливан”.

Лыд 32:1

Рувим да Гад пиянлӧн вӧлі зэв уна ыж-мӧс. Найӧ аддзисны, мый Язер да Галаад муясын эмӧсь бур йирсянінъяс.

Сьылан 4:1

– Кутшӧм мича тэ, мусаӧй, тэ мичасьыс-мича! Чужӧмвевттьӧд улад синмыд гулю кодь, юрсиыд Галаад керӧс вывсянь лэччысь кӧза чукӧр кодь.

Еремей 50:12

Но тіян мамныд ёна яналас, тіянӧс чужтысьлы юръяндзим лоӧ. Войтыръяс пӧвстын вавилонсаяс лоӧны медічӧт войтырӧн, налӧн муыс лоӧ овтӧмин, кушин да кос му.

Закар 11:1

Восьт ассьыд дзиръяястӧ, Ливан, мед биыс ньылыштас тэнсьыд сус пуястӧ.

Исай 37:24

Аслад кесъялысьяс пыр тэ омӧльтін Господьӧс. Тэ шуин: ”Аслам уна лыда тарантасъясӧн ме кайи джуджыд керӧсъяс вылӧ, ливанса керӧсъяс йылӧдз. Ме кералі сылысь гырысь сус пуяссӧ, пӧрӧді медбур кипарисъяссӧ. Ме кайи сылӧн медджуджыд керӧсӧдз, пыралі сылӧн медпыді раскӧдз.

Еремей 4:7

Сук вӧрысь петӧ лев, локтӧ войтыръясӧс бырӧдысь. Сійӧ петӧ аслас оланінысь, медым пазӧдны тэнсьыд мутӧ. Тэнсьыд каръястӧ лоӧ кисьтӧма-жугӧдӧма, сэні оз коль олысьыс.

Еремей 8:22

Галаадын ӧмӧй абу бурдӧдчан выйыс, сэні ӧмӧй абу бурдӧдысьыс? Мыйла менам войтырлӧн оз бурдны дойясыс?