Еремей 22:23 - Коми Библия 2023

²³ Тэ ошйысян ливанса сус пуысь вӧчӧм керкаӧн, поздысян сус пу вожъяс вылын. Но чужтысь аньӧс моз тэнӧ топӧдасны сьӧкыд дойяс, и тэ пондан ымзыны!

Еремей 22:23 Referans Kwoze

Еремей 6:24

– Ми кылім на йылысь юӧр, и миян киясным вынтӧммисны, шогыс суис миянӧс, дойыс топӧдіс миянӧс кага чужтысь аньӧс моз.

Еремей 22:6

Иудаса ӧксылӧн керка йылысь Господь тадзи висьталӧ: – Ме водзын тэ Галаад кодь, ливанса керӧс йыв кодь, но Ме вӧча тэнӧ овтӧминӧн, кушмӧм карӧн.

Аввакум 2:9

Курыд шог сылы, коді ылӧдлӧмӧн шедӧдӧ аслыс озырлунсӧ, коді лӧсьӧдӧ ассьыс позсӧ кыдз позьӧ вылӧджык, медым лёкыс эз судзӧд сійӧс.

Авдий 1:4

Но тэ кӧ кутш моз лэбзян выліинӧ, овмӧдчан-поздысян кодзувъяс пӧвстӧ, весиг сэтысь Ме шыбита тэнӧ, – висьталӧ Господь.

Амос 9:2

Весиг кӧ найӧ мырдӧн пырасны пыдӧстӧминӧ, и сэтысь босьта найӧс. Весиг кӧ кыпӧдчасны енэжӧдз, и сэтысь лэдза найӧс.

Осий 7:14

Ме дінӧ став сьӧлӧмнас шыасьӧм пыдди найӧ бӧрдісны асланыс вольпась вылын, нянь да вина понда найӧ вундалісны асьнысӧ, но Меысь ылыстчисны.

Осий 5:15

Ме бӧр локта Аслам оланінӧ да кута виччысьны, кытчӧдз найӧ оз гӧгӧрвоны мыжнысӧ да оз пондыны корсьны Менӧ.

Еремей 49:16

Скӧрлуныд да вылӧ кыпӧдчӧмыд ылӧдлісны тэнӧ. Изкарын моз тэ олан джуджыд керӧсъяс вылын. Но тэ кӧ кутш моз овмӧдчан-поздысян выліинӧ, весиг сэтысь Ме шыбита тэнӧ, – висьталӧ Господь.

Еремей 48:28

Моавын олысьяс, эновтӧй ассьыныд каръяснытӧ, олӧй изкыртаясын, гулюяс моз вӧчӧй познытӧ кырта горсъясӧ.

Еремей 21:13

Ӧні Ме сувта тэныд паныд, ковтысын сулалысь кар, вывтасінын сулалысь изкырта, – висьталӧ Господь. – Ме сувта тіянлы паныд, кодъяс шуанныд, некод пӧ оз вермы петны тышӧ миянлы паныд, некод пӧ оз пыр миян сайӧдчанінӧ.

Еремей 3:21

Изъя керӧсъяс вылын кылӧ гӧлӧс шы, Израиль войтырлӧн бӧрдӧм да кевмӧм шы, ӧд найӧ кежисны асланыс туй вылысь, вунӧдісны Господьӧс, ассьыныс Енсӧ.

Лыд 24:21

Валаам аддзис кеней войтырӧс да шуис татшӧм кывъяс: – Тэнад оланіныд зумыд, тэ поздысьӧмыд изкырта вылӧ.

Езекиль 17:3

Шу налы: – Господь Ыджыдыс тадзи висьталӧ: Ливан керӧс вылӧ ыджыд кутш пуксис, сійӧ вӧлі ыджыд бордъяса, уна рӧма гӧныс вӧлі пашкыр да кузь. Сійӧ чегис сус пулысь йывсӧ,