Еремей 22:2 - Коми Библия 2023

² тэ, иудаса ӧксы, Давидлӧн юралан пуклӧсын пукалысь, тэнад кесъялысьясыд да тэнад войтырыд, коді пырӧ-петӧ тайӧ дзиръяӧдыс, кывзӧй Господьлысь кывсӧ!

Еремей 22:2 Referans Kwoze

Лука 1:32

Ыджыд морт Сыысь петас, Сійӧс шуасны Медвылыссалӧн Пиӧн. Господь Ен сетас Сылы Давид батьыслысь юралан пуклӧссӧ.

Еремей 22:4

Ті кӧ кутанныд овны тайӧ кывъясыс серти, сэки тайӧ керка дзиръяӧд пырасны ӧксыяс, кодъяс пукалӧны Давидлӧн юралан пуклӧсын. Найӧ локтасны тайӧ карас тарантасъясӧн да вӧвъясӧн. Накӧд тшӧтш локтасны налӧн кесъялысьясыс да налӧн войтырыс.

Исай 9:7

Сійӧ кутас пукавны Давидлӧн юралан пуклӧсын, Сылӧн ыджыдалӧмлы да лӧньлунлы помыс оз ло. Аслас веськыдлуннас да збыль серти мыждӧмнас Сійӧ ёнмӧдас-вынсьӧдас Ассьыс юралӧмсӧ ӧні и пыр кежлӧ. Тадзи вӧчас Господь Саваоф, ӧд Сійӧ – вежӧгтысь Ен.

Исай 1:10

Содомса юралысьяс, кывзӧй Господьлысь кывсӧ! Гомораын олысьяс, кывзӧй миян Енлысь Индӧдсӧ!

Амос 7:16

Ӧні кывзы Господьлысь кывсӧ. Тэ шуан: ”Эн пророкав Израиль йылысь, эн юӧрт Исаак рӧд йылысь”.

Езекиль 34:7

Та вӧсна, Менсьым войтырӧс видзысьяс, кывзӧй Господьлысь кывсӧ.

Еремей 36:30

Та вӧсна иудаса Ехояким ӧксы йылысь Господь тадзи висьталӧ: сысянь чужысь оз кут пукавны Давидлӧн юралан пуклӧсын. Сылысь шойсӧ лоӧ шыбитӧма. Луннас гожйыс пондас сотны сійӧс, а войнас кӧдзыдыс – кынтыны.

Еремей 29:20

Ӧні ті ставныд, кодъясӧс Ме мӧдӧді Ерусалимысь Вавилонӧ пленӧ, кывзӧй Господьлысь кывсӧ!

Еремей 19:3

Иудаса ӧксыяслы да Ерусалимын олысьяслы тшӧкты кывзыны Господьлысь кывсӧ. Юӧрт налы, мый Господь Саваоф, Израильлӧн Ен, тадзи висьталӧ: тайӧ муас Ме мӧдӧда сэтшӧм шог, мый та йылысь кылысьлӧн пеляс кутас тіньгыны.

Еремей 13:18

– Висьтав ӧксылы да сылӧн мамыслы: эновтӧй юралан пуклӧснытӧ, ӧд тіян юр вылысь усис дзирдалана юркытшныд.

Еремей 7:2

«Сувт Господьлӧн крам дзиръя дорӧ да юӧрт сэні, мый Ме висьтала. Кывзӧй Господьлысь кывсӧ, Иуда муын олысьяс, кодъяс ветланныд тайӧ дзиръяӧд копыртчыны Господьлы.

Исай 28:14

Сідзкӧ, ті, больгысьяс, Ерусалимын веськӧдлысьяс, кывзӧй Господьлысь кывсӧ.

Ӧксыяслӧн 3 небӧг 22:19

Микей водзӧ висьталіс: «[Тадзисӧ ог ме висьтав.] Кывзӧй Господьлысь кывсӧ! Ме аддзылі Господьӧс, Сійӧ пукаліс Аслас юралан пуклӧсын. Сыкӧд орччӧн шуйгаладорас и веськыдладорас сулалісны енэжвывса тышкакотыръяс.

Еремей 22:1

Господь тадзи висьталіс: «Мун иудаса ӧксылӧн керкаӧ да висьтав сэні тайӧ кывъяссӧ:

Еремей 34:2

«Господь, Израильлӧн Ен, тадзи висьталӧ: мун да юӧрт иудаса Седекей ӧксылы, мый Господь тадзи висьталӧ: Ме сета тайӧ карсӧ вавилонса ӧксы киӧ, и сійӧ сотас карсӧ биӧн.